3 Juan 1
1
Carta qalaykunan
1Kuyay wawqi Gayo:#Hech. 19.29; Rom. 16.23; 1Cor. 1.14.
Noqa mayor wawqi karmi qamta rasunpaypa kuyar kay cartata cartakamü.
2Kuyay wawqi, Tayta Diostami manakuykä ali kawashqaykiman tupu lapanchöpis alila kanaykipaq y mana qeshyaypa kawanaykipaq. 3Jesucristo yachasishqannöla kawaykashqaykita wawqikuna chämur wilayämaptinmi selläma kushikushkä.#2Juan 4. 4Tayta Dios munashqanno wamräkuna#1.4 Wamrankunapaq parlarqa yärakuq mayinkunapaqmi parlarqan. kawaykäyashqanta musyarmi selläma kushikü.
Gayo yanapäkuq kashqanpita Juan kushikushqan
5Kuyay wawqi Gayo, jukläpita shamuq wawqikunata yanapar alitami ruraykanki. 6Paykuna chämurmi kuyapäkuq kashqaykita shuntakäyashqächo wilayämash. Yapay kutimuptin juk markaman aywayänanpaqpis yanapaykulanki. Sayno ruraptiki Tayta Diospis kushikunqami. 7Jesucristupa ali wilakuyninta wilakur purirmi Tayta Diosta mana cäsukuq runakunata imatapis manakuyansu. 8Saymi Tayta Diospa wilakuqninkunataqa noqansi yanapänansi. Saynöpami paykunawan wilakuykaqno kashun.
Diótrefes mana cäsukuq kashqan
9Wilakuqkunata yanapänansipaq tantiyasirmi juk cartata qamkunaman cartakamushkä. Sayno kaptinpis Diótrefes manashi yäsishqäkunata cäsukunsu. Payqa mandaq kayninman atiënikuykurshi munashqanta rurakun. 10Sayshi noqakunapa washätapis rimar puriykan. Karupita shamuq wawqikunatapis manashi chaskikunsu. Posädasiqkunatapis mana posädasiyänanpaqshi michan. Michaykaptinpis posädasiyaptinqa shuntakäyashqaykipitashi qarqun. Sayno rurashqanpita chämurnami olqutupäshaq.
Demetrio cäsukuq kashqan
11Kuyay wawqi Gayo, ama Diótrefesno kaysu, saypa trukanqa alilata ruray. Alita ruraq kaqqa Diospa wamranmi. Mana alita ruraq kaqmi isanqa Diosta reqinsu.#1Juan 2.29; 3.6, 9-10. 12Demetriupaqmi isanqa Tayta Diospa wilakuynin nishqanno kawashqanta lapan runakunapis parlayan. Noqakunapis rikayashkämi sayno kawashqanta. Musyankimi rasun kaqta niyashqäta.
Carta ushanan
13Yäsinäpaq maspis kaykanraqmi. Isanqa cartalacho manami qelqamushaqsu. 14Kikï shamurnami mastaqa yäsishayki.#2Juan 12.
15Tayta Dios yanapaykuläshunki makincho ali kawanaykipaq. Kaycho reqinakuyashqaykikunapis lapanmi salüdunta apasikayämun. Saycho reqinakushqäkunata cada ünunta salüdüta qoykulanki.
Currently Selected:
3 Juan 1: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.