1 Juan 1
1
1Kawasikuq Palabrapitami#1.1 Kawasikuq Palabraqa Jesucristumi kaykan. qamkunaman qelqamü. Paymi imapis manaraq kaptin mayna kaykarqan.#Juan 1.1; 1Juan 2.13-14. Paytami rikayashkä, yatayashkä y wiyayashkä. 2Say Kawasikuqta Tayta Dios kachamuptinmi payta rikayarqä.#Juan 1.14, 18. Saymi qamkunata wilayä mana ushakaq kawayta qaramaqninsi kashqanta. Paymi Tayta Dioswan kaykashqanpita noqansiman shamush. 3Rikayashqäta y wiyayashqätami qamkunata musyaykäsiyä. Saynöpami Tayta Diospa y Surin Jesucristupa nawpancho kawayashqäno qamkunapis paypa nawpancho kawayankipaq. 4Saykunata qelqaykämü kushish kawanansipaqmi.
Mana jusalikuypa kawanansipaq nishqan
5Jesucristo yachasiyämashlantami wilayä: Tayta Diosqa aksimi. Paycho manami ima sakaypis kansu.#1.5 Tayta Dios aksi kar paycho ima sakaypis mana kashqanta nirqa jusaynaq kashqantami nikan. 6Saymi mayqansipis <<Tayta Dios munashqannömi kawaykä>> nikar sakäpakushno purirqa lulakuykansi. Sayno kawarqa manami rasunpaypasu Tayta Dios munashqanno kawaykansi. 7Tayta Dios asikyaycho kashqanno noqansipis asikyaycho kawarmi#1.7 Tayta Dios asikyaycho kashqanta nirqa Tayta Dios rasun kaqlata nishqanta y jusaynaq kashqantami nikan. Noqansipis asikyaycho kawanansipaq nirqa Tayta Dios munashqanno kawanansipaqmi nikan. jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.
8Mayqansipis jusaynaq tukurqa manami rasun kaqtasu parlaykansi, sinöqa lulakuykansimi. 9Jusalikushqansipita perdonta manakushqami isanqa promitimashqansita cumplir Tayta Dios perdonamäshun. Payqa alilata ruraq karmi lapan jusansita maylamäshun.
10Jusaynaq tukurqa pay nishqankunata manakaqmanmi churaykansi. Sayno karqa manaraqmi wilakuyninta chaskikushkansiraqsu.#Prov. 20.9.
Currently Selected:
1 Juan 1: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.