2 Tesalonicenses 1
1
Pablo Cui'ne I̱ Co̱cohua'i Toya Co̱se'e
1Yë'ë Pablo cui'ne Silvano cui'ne Timoteo co̱ni iye toya ja'hua Tesalónica daripë acohua'ina, Maija'quë Diusuna cui'ne mai Ëjaë Jesucristona tsiosicohua'ina toyayë. 2Diusu Maija'quëpi cui'ne mai Ëjaë Jesucristopi necaina, jo'cua de'oye pa'ijë̱'ë, cajë.
Maija'quë Co'ye Yo'ocohua'ire Sa̱i De'huaye
3Mësaru Maija'quëre pa'iji cuasayepi ai jerepa ai de'oquëna, cui'ne pa̱ire oiyepi jero sa'na ai jerepa oiye pa'ina, Maija'quëre si'anë mësaruni cuasajë Maija'quëre se̱jë de'oji cajë pëpayë. 4Cui'ne mësaru yecohua'ipi jo̱sa yo'ojëna, neñañere quëcojë Maija'quë pa'ire paji cuasa do'ire pa'iyere, yëquëpi sehuosicohua'i ja̱'re co̱ni de'oyerepa yo'oye'ni cajë sihuayë, mësaru pa'iyere. 5Iye yo'oyepi Maija'quë pa̱i ñape yo'ose'ere ca de'huaquëpi nuñerepa yo'oyere. Ja̱je pa'ina, Maija'quëpi mësarute de'ocohua'ire pare ëja de'huaji, i̱ cua̱ñe te̱'te cacaja̱'cohua'ire ja̱ ai yo'o do'ipi.
6Ja̱je pa'ina, nuñere pa'ë, mësarute, jo̱sa yo'osicohua'ire Maija'quëpi ai yo'oyepi i̱ohua'ire sa̱iñe. 7Mësaruni ai yo'osicohua'ini pëa huajëyere i̱siquë, yëquë ja̱'re co̱ni. Iye yo'oye cato pa'ija̱'coa, Ëjaë Jesús i̱ hui̱ñaohua'i tutu quë'iohua'i ja̱'re co̱ni ma'tëmopi toa coro ne'su mëiñeja'a ñai maca. 8Ja̱ maca Maija'quë pa'iye asaye coesicohua'ire, cui'ne Jesús huaso coca asaye coesicohua'ire si'sequë nejosi'quë daija̱'quë api. 9Ja̱ maca ja̱ohua'i ti nejo cua̱ñoja'cohua'i a'ë, Ëjaërepa cui'ne i̱ de'o tuturepa peo hue̱'ñana, so'ona. 10Ja̱je nejo cua̱ñosicohua'i pa'ija̱'cohua'i a'ë, mai Ëjaë Jesús i̱ tse̱cohua'ire de'ocohua'ire pare nesi'quë dai maca, i̱te sehuocohua'i si'aohua'i i̱te ña quëquëjë de'oquëre pa'ni ca maca, cui'ne mësaruje̱ te'e co̱ni sihuaja̱'cohua'i a'ë, yëquë quëajëna, sehuosicohua'ipi.
11Maija'quëpi mësarute de'ocohua'irepa pa'ija̱'cohua'i a'ë caquë soipi. Soisicohua'ipi ja̱re ti̱'ajajë cajë si'anë Maija'quëre se̱cacaiyë. Cui'ne i̱ tutupi si'aye mësaru de'oye neñe yëjë cuasaye, cui'ne mësaru Maija'quë pa'ire paji cuasa do'ipi co'amaña neñe co̱cani ti̱'ajaquë cajë se̱ñë. 12Se̱ñë, cui'ne Jesucristo mamipi de'oyerepa ca cua̱ñose'e pa'ija̱quë cajë mësarute de'oye necai do'ire, cui'ne mësaruje̱ i̱ do'ire de'oye ca cua̱ñojajë cajë.
Currently Selected:
2 Tesalonicenses 1: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.