Amós 1
1
Tetã nguéra Israel jere rupi oĩva oñembojovake
1Amós ovecha rerekua vaekue peteĩ táva hérava Tecoa pegua. Mokõi áño oiko mboyve yvy ryrýi, Ozías#2 R 15.1-7; 2 Cr 26.1-23. Judápe mburuvicha guasúrõ guare ha Jeroboam,#2 R 14.23-29. Joás ra'y, Israélpe mburuvicha guasúrõ guare, Tupã ohechauka chupe ko'ã mba'e, ha Amós he'i:
2—Sióngui Ñandejára okororõ
ha Jerusaléngui#Jer 25.30; Jl 4.16. iñe'ẽ
ára sunúicha ohenduka.
Opa rupi umi ñu ipirupa,
ha yvyty Carmélogui
oiko yvy perõ.
Siria
3Ñandejára he'i kóicha:
“Umi Damasco pegua#Is 17.1-3; Jer 49.23-27; Zac 9.1.
manterei ojapo ivaívante voi,
upévare chupe kuéra
ainupãta katuete.
Umi Galaad guápe#2 R 10.32-33.
ha'e kuéra oguereko asyeterei!
4Upévare ahapýta
mburuvicha guasu Hazael
táva guasu,
ha ahapýta avei
Ben-Hadad#2 R 13.3. róga guasu.
5Táva Damasco rokẽ ajokapáta
ha umi Bicat-Avem oikóvape ahundíta.
Ha pe Bet-Edén oisãmbyhývape,
ha sírio kuéra avei,
tembiguái ramo
Quírpe ojereraháta.”#2 R 16.9.
Ñandejára he'i péicha!
Filistea
6Ñandejára he'i kóicha:
“Umi Gaza pegua
manterei ojapo ivaívante voi,
upéva rehe chupe kuéra
ainupãta katuete.
Oĩ haguéicha
umi táva pegua kuérape
tembiguáirõ#2 Cr 21.16-17; Jl 4.4-8. Edómpe ome'ẽ.
7Táva Gaza rehe amondóta che rata,
ha hóga guasu kuéra
tata ombokusuguéta.
8Táva Asdod guápe
ahundipaitéta,
táva Ascalón oisãmbyhývape ave.
Pyapy mbaretépe
Ecrom ári ajeitýta,
filistéo#Is 14.29.31; Jer 47; Ez 25.15-17; Jl 4.4-8; Sof 2.4-7; Zac 9.5-7. kuérape
oĩ haguéicha ajukáta.”
Tupã Ñandejára he'i péicha!
Tiro
9Ñandejára he'i kóicha:
Táva Tiro#Is 23; Ez 26.1—28.19; Jl 4.4-8; Zac 9.1-4; Mt 11.21-22; Lc 10.13-14. pegua
manterei ojapo ivaívante voi,
upévare chupe kuéra
ainupãta katuete.
Peteĩ tetã megua ndive
oñoñe'ẽ me'ẽ rire,
oñoirũ ramo oikotaha oñondive,
oguerahapaite umi tetã guápe,
Edómpe ome'ẽ tembiguáirõ.
10Táva Tírore
amondóta che rata,
ha hóga guasu kuéra
tata ombokusuguéta.
Edom
11Ñandejára he'i kóicha:
“Umi Edom#Is 34.5-17; 63.1-6; Jer 49.7-22; Ez 25.12-14; 35.1-15; Abd 1-14; Mal 1.2-5. pegua
manterei ojapo ivaívante voi,
upévare chupe kuéra
ainupãta katuete.
Hetaite hapicha Israel guápe
ojuka kyse ipópe.
Avavetéicha guápe
ndoiporiahurerekói.
12Táva Temán rehe
amondóta che rata,
ha táva Bosrá róga guasu kuéra
tata ombokusuguéta.”
Amón
13Ñandejára he'i kóicha:
Umi Amón#Jer 49.1-6; Ez 21.28-32; 25.1-7; Sof 2.8-11. pegua
manterei ojapo ivaívante voi,
upévare chupe kuéra
ainupãta katuete.
Kuña Galaad pegua
hye guasúva rye kuéra ombovo,
ha'e kuéra hetã
ombotuichave haguã.
14Upévare táva Rabá rehe
amondóta che rata
ha hóga guasu kuéra
tata ombokusuguéta,
sapukái sorópe,
ñorãirõ pa'ũme,
ára pochýicha,
yvytu ratãicha.
15Huvicha guasu,
mburuvicha kuéra ndive,
ojereraháta tembiguáirõ.”
Ñandejára he'i péicha!
Currently Selected:
Amós 1: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.