2 Juan 1
1
Maitei
1Che, “Karai guasu” amomaitei upe iglésia Tupã oiporavo vaekuépe ha opa ipype oĩvape. Pohayhu añetehápe, ha ndaha'éi cheño. Pene momaitei avei opa ojuhu ha oikuaáma vaekue pe añetegua. 2Pohayhu pe añetegua jarekóvare ñande py'a ruguápe ha jarahátava ñane ndive opa ára guarã. 3Tupã, Túva, ha Jesucristo, ita'ýra, tohekuavo pende ári imba'e porãngue, ha ta pende poriaruvereko ha ta pene mbopy'a guapy, añetehápe ha mborayhúpe.
Joayhu rehegua tembiapoukapy
4Tuichaite che mbovy'a vaekue aikuaa ramo guare umi pende reheguáva#3 Jn 3. oikoha añete guápe, Tupã rembiapoukapy ohechaukaháicha jaiko vaerãha. 5Ko'ágã, che pehẽngue kuéra, ajerure peẽme jajoayhu haguã.#Jn 13.34; 15.12,17. Ko tembiapoukapy ahaíva peẽme ndaipyahúiri, upe perekóma vaekuénte voi iñepyrũha guive. Ko tembiapoukapy ahaíva peẽme niko ndaha'éi ipyahúva, upéva hína pe oñemoguahẽ vaekue ñandéve iñepyrũha guive. 6Joayhu niko he'ise jaikove ohechaukaháicha Tupã rembiapoukapy, ha upéva, pehendúma haguéicha iñepyrũha guive, he'ise peiko vaerãha joayhúpe.#Jn 14.15,23-24; 1 Jn 5.3.
Jerovia añetegua Jesucrístore
7Cháke oiko ko yvy jerére heta oporombotavýva, oikuaase'ỹva Jesucristo ou hague peteĩ yvypóra teérõ. Upe upéichava hína pe porombotavyhára ha pe Crístore opu'ãva.#Mt 7.15; 1 Jn 2.18; 4.1-3. 8Peñeñangarekóke, ani opa rei pene rembiapokue, ojehepyme'ẽ haguã katu peẽme hekoitépe.
9Umi ohóva amo gotyove ha osẽva pe Cristo ombo'évagui, ndoguerekói hendive Tupãme. Ha umi opytáva pe Cristo ombo'évape, umívape oĩ Tupã, ha oĩ avei Ta'ýra.#1 Jn 2.22-23; 4.15. 10Oimérõ ohóva pende rechávo, ha noporombo'éi Jesucristo oporombo'e haguéicha, ani pemoguahẽ pende rógape, ha ani pemomaitei. 11Cháke umi omomaiteíva umívape, omoirũ chupe imba'e vai apópe.
Ñe'ẽ ipahavogua
12Heta mba'e areko ha'e vaerã peẽme, ha nda'eséi mba'eve kuatiañe'ẽ rupi. Aha'arõite ahávo pohecha ha añe'ẽ pene ndivete,#3 Jn 13-14. upéicha javy'apa guasu haguã oñondive. 13Tupã iglésia pende reheguáva, Tupã oiporavo vaekue avei, pene momaitei.
Currently Selected:
2 Juan 1: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.