Zefaniya 1
1
1 #
2 Vim 22:1—23:30; 2 Miz 34:1—35:27 Eli likelyo lijwi lije lyendekele Shukulu Kalunga kuli Zefaniya#1:1 ZEFANIYA: Lizina eli lilumbunuka ngwalyo, Shukulu Kalunga nashweka. simbu ije Yosiya muna Amoni wapwile mwene wa mu Yunda. (Zefaniya wapwile wa ku cikota ca Mwene Hezekiya, na Amaliya, na Ngendaliya, na Kushi.)#1:1 YOSIYA MUNA AMONI...HEZEKIYA: Yosiya washwanene kutunda mu 640 BC, kweta mu 609 BC, Hezekiya washwanene kutunda mu 716 BC, kweta mu 687 BC.
Litangwa lya Shukulu Kalunga lyakusompa
2Shukulu Kalunga wendekele ngwendi, “Njikanyongesa vyuma vyoshe vya ano asi, 3vanu voshe na tusitu, tuzila na visi. Njikatundisa vaka-vuvi voshe, njikanyongesa vanu voshe, co naumo wai akasalao. Yange Kalunga, njinendekamo.
4“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele. 5Njikanyongesa vanu voshe vaje vakalondo akamwa ya njuvo#1:5 AKAMWA YA NJUVO: Kenga 2 Vimyene 4:10. nakulemesa litangwa, na ngonde, na vingongonosi. Co lalo njikanyongesa vaje vakulaesa ngwavo vakanjipangela mu kulongwa, oloni valisinga lalo mu lizina lya njambi Moleki. 6Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”
7Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.
8Shukulu Kalunga alinakwendeka ngwendi, “A litangwa lije omo njikalingisa vitozi kutsiya vanu vange, njikanyanyamesa, vamyata, na naanga ya mwene, na vaje voshe valinakulemesa vinjambi veka. 9Njikanyanyamesa lalo voshe vaje valinakukavangeya futisi ya vaje vaka-kujeneka kunjilemesa yange Kalunga, vaje valinakwiva nakutsiya ngeci vashulise vinjuvo vyakulemesela vinjambi vavo na vyuma vyakupukula.
10“A litangwa lije mukaziva muyoyo wakulila ku Cikolo ca Visi ca Yelusalema. Mukaziva kutendeka kwakama mu mutambela wamucivali wa mu nganda na muyoyo wa vinjuvo vilundumuka akamwa ya malundu a Yelusalema. 11Lileni nakutendeka omo muziva vyuma evi, yeni muli na kukala mu mitambela ya kwisi ya nganda, omwo vaka-kulandesa voshe vakavanyongesa!
12“A simbu ije njikambata ndeya nakushakezeka mu Yelusalema. Njikanyanyamesa vanu vaje valinakulivwaelelesa nakulikulaesa vakevo vavenya, vaje vendeka ngwavo, ‘Shukulu Kalunga kakalingi cuma cimo kuli yetu.’ 13Vufuko vwavo vakavupukula, co vinjuvo vyavo vakavinyongesa. Vakatunga vinjuvo, oloni kuvakakalamo nambe kunwa vinyu vya mu vitungu vya mikolovozi ya vushuka vwa vinyu vije vakatombeka.”
14Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi! 15Likapwa litangwa lya vukalu vwakama, litangwa lya tuyando twakama na vusiwa, litangwa lyakuviisa nakunyongesa, litangwa lya lisusulungu lyakama-kama vwii, na mashelwa amangi, 16litangwa lya muyoyo wa malupembo a nzita na mutambi wa mashwalale vaje valwisa vimpaka vya vinganda na tuposhi twatulaja.
17Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”
18A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.
Currently Selected:
Zefaniya 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006