Efeso 1
1
1 #
Vil 18:19-21; 19:1 Mukanda wakutunda kuli yange Paulu, ku cizango ca Njambi njinapu muluwa wa Kilistu Yesu.
Njilinakusonekela kuli vanu va Njambi vaje vali mu Efeso,#1:1 MU EFESO: Kunungulula kumo majwi awa, mu Efeso, aimo. kuli vaje vaka-kukulaela kuli Kilistu Yesu.
2Njambi Tatetu na Mwene Yesu Kilistu vamyane kutetela na kwoloka.
Vivezikiso vya Munzinzime muli Kilistu
3Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu. 4Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi.
Omwo cizemo cendi 5Njambi#1:5 KU MESHO ENDI. OMWO CIZEMO CENDI NJAMBI: Nambe, ku mesho endi, nakuyoya mu cizemo. Njambi. waciyongwele laja ngeci ali Yesu Kilistu ikeye akatupwisa tu vana vendi, eci capwile cakumuvwasa na vutumbe vwendi vavenya. 6Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema! 7#Kol 1:14 Omwo tunapatuka a maninga#1:7 A MANINGA: Nambe, a n̄ombelo ya kutsa. a Kilistu, ngeci na vuvi vwetu vanavusambesa, kutetela kwa Njambi kunapu kwakama, 8vije vyanatwana mu seteko yakama!
Mu mana endi oshe na mukuzivuka kwendi kwoshe 9Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu. 10Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.
11Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga. 12Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!
13Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele. 14Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!
Lilombelo lya Paulu
15Omwo a vyuma evi, tunde aje njazivile vyakukulaela kweni muli Mwene Yesu na cizemo ceni kuli voshe vanu va Njambi, 16kunjalikelele kukandelela kuli Njambi omwo yeni. Njilinakumyaanuka mu malombelo ange, 17nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke. 18Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi, 19na nzili yendi yakama ije ilinakupanga muli yetu yetu vaje vakulaela. Nzili eyi ilinakupanga muli yetu inapu nzili yakututakamesa, 20#Mya 110:1 ije wapangesele omo wasangwile Kilistu ku vatsi nakumutumbika ku livoko lyendi lya cilyo mu lifuti lya mwilu. 21Kilistu alinakushwana akamwa ya voshe vaka-kushwana mwilu na vaka-moko yakama na vaka-nzili na vashukulu voshe, ikeye ali na lizina lili akamwa ya mazina oshe a moko ali muno mu kaye na kaje kakaijako. 22#Mya 8:6 Njambi naaka vyuma vyoshe mwisi ya myanja ya Kilistu nakumwimika kupwa mutwe wa cikungulukilo ngwe Mwene wa vyuma vyoshe. #Kol 1:18 23Cikungulukilo cinapu muvila wa Kilistu, ikeye kushula kwa uje ashulisa vyuma kwoshe-ikwoshe.
Currently Selected:
Efeso 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006