Kulava 34
34
Vinginga vya lifuti
1Shukulu Kalunga wendekele kuli Mosesa ngwendi, 2“Shika vanu va Isalele ngwove, omo mukovela mu Kanana, lifuti lije njilinakumyanalyo, vinginga vya lifuti vikapwa ngeci. 3Nginga ya mu mbwela ikashangumukila mu mambo ya Zine, iketa kumukulo wa nginga ya Endome. Co ikashangumukila mu ngangela ku mutambela wa mu mbwela ku shongo ya Lishali lya Mwongwa. 4Co nginga ikatengulukila lalo mu mbwela, co ikaya ku Ngila ya Akelambime kutuvakana ku Zine, co kutunda kuje ikaita mu mbwela ya Kandeshe Mbaleneya. Asina ikatengulukila lalo ku kunto ya mu kangombe ka yambi ku Hazale Andale nakweta ku Azemone. 5Co ikatengulukila lalo ku cana ku nginga ya Ingito, co ikahwila ku Lishali lya Menditelenyani.
6“Co nginga ya mu kangombe ka yambi ikapwa Lishali lya Menditelenyani.
7“Co nginga ya ku kunto ikakava ngila yakutunda ku Mema a Kalunga a Menditelenyani nakweta ku Munkinda wa Hole. 8Kutunda kuje iketa ku Ngila ya ku Hamate. Co iketa ku Zendande, 9na ku Zifelone, asinoni ikahwila ku Hazale Enane.
10“Nginga ya mu ngangela ikakava cipalo cakutunda ku Hazale Enane nakweta ku Shefame. 11Co ikaya lalo mu mbwela nakweta ku Halembele, mu ngangela ya Aine, co ikaya ku malundu a ku cikuma ca mu ngangela ku Lishali lya Ngalileya. 12Asinoni nginga ikaya mu mbwela ku ngenge ya Ndonga ya Yondau nakweta ku Lishali lya Mwongwa.
“Evi vikevyo vikapwa vinginga viwana vya lifuti lyeni.”
13Ngecivene, Mosesa wendekele kuli vanu va Isalele ngwendi, “Eli likelyo lifuti mukatambula akuta n̄ela, lifuti lyanapangezela Shukulu Kalunga ku miyati itanu na iwana na litambelo. 14Muyati wa Luvena, na muyati wa Ngande, na litambelo lya muyati wa Manase vaje vali mu ngangela, vanatambula laja vufuko vwavo, co vakalipangelavwo ngwe ku naanga yavo. 15#Yos 14:1-5 Co miyati ije ivali na litambelo lya muyati wa Manase, vakevo vakatambula vushwana vwavo mu ngangela musambwa lino lya Yondau yashungama na Yeliko.”
Vantwama vaje vakele na moko yakupangezela lifuti
16Shukulu Kalunga wendekele kuli Mosesa ngwendi, 17“Elyazale muka-kukombelela, na Yoshwa muna Nune vakevo vakapangezela lifuti kuli vanu kupwa vushwana vwavo. 18Co ku muyati umo na umo ukaangulako ntwama umo akavakwase kupangezela lifuti. 19Awa akewo mazina a vantwama vaje vaangwile Shukulu Kalunga. Kalembi muna Njefune ikeye wapwile ntwama wa ku muyati wa Yunda. 20Shemwele muna Amihunde ikeye wapwile ntwama wa ku muyati wa Simyoni. 21Elindande muna Kisolene ikeye wapwile ntwama wa ku muyati wa Mbenjemani. 22Mbuki muna Njongeli ikeye wapwile ntwama wa ku muyati wa Ndani. 23Hanyele muna Efonde ikeye wapwile ntwama wa ku muyati wa Manase. 24Kemwele muna Shifetane ikeye wapwile ntwama wa ku muyati wa Efalime. 25Elizafane muna Panake ikeye wapwile ntwama wa ku muyati wa Zembuloni. 26Palatiyele muna Azane ikeye wapwile ntwama wa ku muyati wa Isakale. 27Ahihunde muna Shelomi ikeye wapwile ntwama wa ku muyati wa Ashele. 28Pendahele muna Amihunde ikeye wapwile ntwama wa ku muyati wa Nafetali.”
29Ava vakevo vanalume vaje vaangwile Shukulu Kalunga kupangezela vushwana kuli vanu va Isalele mu lifuti lya Kanana.
Currently Selected:
Kulava 34: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 34
34
Vinginga vya lifuti
1Shukulu Kalunga wendekele kuli Mosesa ngwendi, 2“Shika vanu va Isalele ngwove, omo mukovela mu Kanana, lifuti lije njilinakumyanalyo, vinginga vya lifuti vikapwa ngeci. 3Nginga ya mu mbwela ikashangumukila mu mambo ya Zine, iketa kumukulo wa nginga ya Endome. Co ikashangumukila mu ngangela ku mutambela wa mu mbwela ku shongo ya Lishali lya Mwongwa. 4Co nginga ikatengulukila lalo mu mbwela, co ikaya ku Ngila ya Akelambime kutuvakana ku Zine, co kutunda kuje ikaita mu mbwela ya Kandeshe Mbaleneya. Asina ikatengulukila lalo ku kunto ya mu kangombe ka yambi ku Hazale Andale nakweta ku Azemone. 5Co ikatengulukila lalo ku cana ku nginga ya Ingito, co ikahwila ku Lishali lya Menditelenyani.
6“Co nginga ya mu kangombe ka yambi ikapwa Lishali lya Menditelenyani.
7“Co nginga ya ku kunto ikakava ngila yakutunda ku Mema a Kalunga a Menditelenyani nakweta ku Munkinda wa Hole. 8Kutunda kuje iketa ku Ngila ya ku Hamate. Co iketa ku Zendande, 9na ku Zifelone, asinoni ikahwila ku Hazale Enane.
10“Nginga ya mu ngangela ikakava cipalo cakutunda ku Hazale Enane nakweta ku Shefame. 11Co ikaya lalo mu mbwela nakweta ku Halembele, mu ngangela ya Aine, co ikaya ku malundu a ku cikuma ca mu ngangela ku Lishali lya Ngalileya. 12Asinoni nginga ikaya mu mbwela ku ngenge ya Ndonga ya Yondau nakweta ku Lishali lya Mwongwa.
“Evi vikevyo vikapwa vinginga viwana vya lifuti lyeni.”
13Ngecivene, Mosesa wendekele kuli vanu va Isalele ngwendi, “Eli likelyo lifuti mukatambula akuta n̄ela, lifuti lyanapangezela Shukulu Kalunga ku miyati itanu na iwana na litambelo. 14Muyati wa Luvena, na muyati wa Ngande, na litambelo lya muyati wa Manase vaje vali mu ngangela, vanatambula laja vufuko vwavo, co vakalipangelavwo ngwe ku naanga yavo. 15#Yos 14:1-5 Co miyati ije ivali na litambelo lya muyati wa Manase, vakevo vakatambula vushwana vwavo mu ngangela musambwa lino lya Yondau yashungama na Yeliko.”
Vantwama vaje vakele na moko yakupangezela lifuti
16Shukulu Kalunga wendekele kuli Mosesa ngwendi, 17“Elyazale muka-kukombelela, na Yoshwa muna Nune vakevo vakapangezela lifuti kuli vanu kupwa vushwana vwavo. 18Co ku muyati umo na umo ukaangulako ntwama umo akavakwase kupangezela lifuti. 19Awa akewo mazina a vantwama vaje vaangwile Shukulu Kalunga. Kalembi muna Njefune ikeye wapwile ntwama wa ku muyati wa Yunda. 20Shemwele muna Amihunde ikeye wapwile ntwama wa ku muyati wa Simyoni. 21Elindande muna Kisolene ikeye wapwile ntwama wa ku muyati wa Mbenjemani. 22Mbuki muna Njongeli ikeye wapwile ntwama wa ku muyati wa Ndani. 23Hanyele muna Efonde ikeye wapwile ntwama wa ku muyati wa Manase. 24Kemwele muna Shifetane ikeye wapwile ntwama wa ku muyati wa Efalime. 25Elizafane muna Panake ikeye wapwile ntwama wa ku muyati wa Zembuloni. 26Palatiyele muna Azane ikeye wapwile ntwama wa ku muyati wa Isakale. 27Ahihunde muna Shelomi ikeye wapwile ntwama wa ku muyati wa Ashele. 28Pendahele muna Amihunde ikeye wapwile ntwama wa ku muyati wa Nafetali.”
29Ava vakevo vanalume vaje vaangwile Shukulu Kalunga kupangezela vushwana kuli vanu va Isalele mu lifuti lya Kanana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006