Kulava 33
33
Vungenzi vwa vanu va Isalele vwakutunda ku Ingito nakuya ku Mowavi
1Ovu vukevwo vungenzi vwa vanu va Isalele na mazina a mitambela kuje kuvatungilile vilombo vyavo omo vatundile mu Ingito ngwe ku miyati yavo, a simbu ije vavatwamenene kuli Mosesa na Alone. 2Akushika kwa Shukulu Kalunga, Mosesa wasonekele lizina lya mutambela kuje vatungilile cilombo cavo. 3Vanu va Isalele vatundile ku Lamesese mu lifuti lya Ingito a litangwa lyamulikumi na atanu ku ngonde yakulivanga ku mwaka, munima ya Ciwano cakulivanga ca Pasovala. Akunyunga kwa Shukulu Kalunga, vatundile ku Lamesese nakundikangela, ku mesho a vaka-Ingito voshe vaje vavamwene, 4vaje vakele nakutsinda vana vavo va va ntwatwa va vanalume vaje vatsiile Shukulu Kalunga. Co akulinga evi Shukulu Kalunga wavamwesele ngeci ikeye ali na nzili kuhyana vinjambi va vaka-Ingito.
5Co vanu va Isalele vatundile ku Lamesese, vakatungile cilombo cavo ku Sukote. 6Vatundile ku Sukote, vakatungile cilombo cavo ku Etame kumukulo wa mambo. 7Vatundile ku Etame velukile lalo kunima ku Pi Hahilote, mu ngangela ya Mbale Zefone, co vakatungile cilombo cavo kuyehi na Mingendole. 8Vatundile ku Pi Hahilote vetile mukati ka Mema a Kalunga Akuvenga nakweta mu mambo ya Shule, co vendele vungenzi vwa matangwa atatu mu mambo ya Etame. Asinoni vakatungile cilombo cavo ku Mala. 9Vatundile ku Mala, vaile ku Elime, kuje kwakele masima a tuvwelu-vwelu likumi na avali na miti ya mashakavale makumi atanu na avali. Co vakatungile cilombo cavo kuje.
10Vatundile ku Elime, vakatungile cilombo cavo kuyehi na Linema lya Suwezi. 11Co vatundile kuje, vakatungile cilombo cavo mu mambo ya Sine. 12Vatundile ku mambo ya Sine, vakatungile cilombo cavo ku Ndofeka, 13asinoni vatundile ku Ndofeka, vakatungile cilombo cavo ku Alushe. 14Vatundile ku Alushe, vakatungile cilombo cavo ku Lefindime, kuje kukwakele mema akunwa. 15Vatundile ku Lefindime, vakatungile cilombo cavo mu Mambo ya Sinai. 16Vatundile mu Mambo ya Sinai, vakatungile cilombo cavo ku Kimbelote Hataava mutambela uje uvatumbwile ngwavo “Vimbumbo vya lishungu.” 17Vatundile ku Kimbelote Hataava, vakatungile cilombo cavo ku Hezelote. 18Vatundile ku Hezelote, vakatungile cilombo cavo ku Litema. 19Vatundile ku Litema, vakatungile cilombo cavo ku Limone Peleze. 20Vatundile ku Limone Peleze, vakatungile cilombo cavo ku Limbena. 21Vatundile ku Limbena, vakatungile cilombo cavo ku Lisa. 22Vatundile ku Lisa, vakatungile cilombo cavo ku Kehelata. 23Vatundile ku Kehelata, vakatungile cilombo cavo ku Munkinda wa Shefele. 24Vatundile ku Munkinda wa Shefele, vakatungile cilombo cavo ku Halanda. 25Vatundile ku Halanda, vakatungile cilombo cavo ku Mahelote. 26Vatundile ku Mahelote, vakatungile cilombo cavo ku Tahate. 27Vatundile ku Tahate, vakatungile cilombo cavo ku Tela. 28Vatundile ku Tela, vakatungile cilombo cavo ku Miteka. 29Vatundile ku Miteka, vakatungile cilombo cavo ku Hashemone. 30Vatundile ku Hashemone, vakatungile cilombo cavo ku Moselote. 31Vatundile ku Moselote, vakatungile cilombo cavo ku Mbene Njakane. 32Vatundile ku Mbene Njakane, vakatungile cilombo cavo ku Hole Hangindengande. 33Vatundile ku Hole Hangindengande vakatungile cilombo cavo ku Njotembasa. 34Vatundile ku Njotembasa, vakatungile cilombo cavo ku Ambelona. 35Vatundile ku Ambelona, vakatungile cilombo cavo ku Eziyone Ngembe. 36Vatundile ku Eziyone Ngembe, vakatungile cilombo cavo ku Kandeshe mu mambo ya Zine. 37Vatundile ku Kandeshe, vakatungile cilombo cavo ku Munkinda wa Hole, kumukulo wa lifuti lya Endome. 38#Kul 20:22-28; Kwi 10:6; 32:50 Akushika kwa Shukulu Kalunga, Alone muka-kukombelela walamatele ku Munkinda wa Hole, co wakatsililile kuje vene, a litangwa lyakulivanga ku ngonde yamucitanu#33:38 NGONDE YAMUCITANU: Mu ciHevelu inapu ngonde ya Avive, ngonde yamucitanu kutunda akati ka Kondamema nakweta akati ka Kashukwe. mu mwaka wamumakumi awana omo vaIsalele vanatundu laja mu Ingito. 39Alone wakele na myaka 123 omo watsile a Munkinda wa Hole.
40 #
Kul 21:1
Co Mwene wa Alande uje wakele mu mbwela ya lifuti lya Kanana wazivile ngwavo vaIsalele valinakwija. 41VaIsalele vatundile ku Munkinda wa Hole, vakatungile cilombo cavo ku Zalumone. 42Vatundile ku Zalumone, vakatungile cilombo cavo ku Punone. 43Vatundile ku Punone, vakatungile cilombo cavo ku Ovote. 44Vatundile ku Ovote, vakatungile cilombo cavo ku vingundu vya Avalime mu lifuti lya vaMowavi. 45Vatundile ku Avalime, vakatungile cilombo cavo ku Ndimboni Ngande. 46Vatundile ku Ndimboni Ngande, vakatungile cilombo cavo ku Alemone Ndimbelataime. 47Vatundile ku Alemone Ndimbelataime, vakatungile cilombo cavo ku Munkinda wa Avalime kuyehi na Munkinda wa Nembo. 48Vatundile ku Minkinda ya Avalime vakatungile cilombo cavo mu vyana vya Mowavi kujavuka Ndonga ya Yondau vyashungama na Yeliko. 49Vatungile cilombo cavo ku vyana vya Mowavi ku Yondau kuyehi na Mbete Njeshimote na Cana ca Miti ya Mingongo.
Mosesa ashika vanu va Isalele omo kanda vajavuke Yondau
50Shukulu Kalunga wendekele kuli Mosesa mu vyana vya Mowavi ku Yondau vyashungama na Yeliko ngwendi, 51“Leka vanu va Isalele ngwove, omo mukajavuka Yondau nakukovela mu lifuti lya Kanana, 52munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela. 53Ngecivene, mukatambula lifuti nakukalamo, omwo njinamyana lifuti kupwa vushwana vweni. 54#Kul 26:54-56 Co mukashwana lifuti nakulipangelalyo akati ka miyati yeni na vikota vyeni akuta n̄ela, mukaana mutambela wakama kuli vaje vavangi, na mutambela waundondo kuli vaje vavandondo. 55Oloni nga yeni kumukashekemo vavenya lifuti lije, co vaje vakasalamo vakamiyandesa ngwe vimba vyakutinukila a mesho eni, na mambimbo akumitiva a mivila yeni, co vakamiyandesa mu lifuti lije limukakala. 56Nga kumukavashekemo, co njikanyongesa yeni ngwe munjayongwele kuvanyongesa vakevo.”
Currently Selected:
Kulava 33: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 33
33
Vungenzi vwa vanu va Isalele vwakutunda ku Ingito nakuya ku Mowavi
1Ovu vukevwo vungenzi vwa vanu va Isalele na mazina a mitambela kuje kuvatungilile vilombo vyavo omo vatundile mu Ingito ngwe ku miyati yavo, a simbu ije vavatwamenene kuli Mosesa na Alone. 2Akushika kwa Shukulu Kalunga, Mosesa wasonekele lizina lya mutambela kuje vatungilile cilombo cavo. 3Vanu va Isalele vatundile ku Lamesese mu lifuti lya Ingito a litangwa lyamulikumi na atanu ku ngonde yakulivanga ku mwaka, munima ya Ciwano cakulivanga ca Pasovala. Akunyunga kwa Shukulu Kalunga, vatundile ku Lamesese nakundikangela, ku mesho a vaka-Ingito voshe vaje vavamwene, 4vaje vakele nakutsinda vana vavo va va ntwatwa va vanalume vaje vatsiile Shukulu Kalunga. Co akulinga evi Shukulu Kalunga wavamwesele ngeci ikeye ali na nzili kuhyana vinjambi va vaka-Ingito.
5Co vanu va Isalele vatundile ku Lamesese, vakatungile cilombo cavo ku Sukote. 6Vatundile ku Sukote, vakatungile cilombo cavo ku Etame kumukulo wa mambo. 7Vatundile ku Etame velukile lalo kunima ku Pi Hahilote, mu ngangela ya Mbale Zefone, co vakatungile cilombo cavo kuyehi na Mingendole. 8Vatundile ku Pi Hahilote vetile mukati ka Mema a Kalunga Akuvenga nakweta mu mambo ya Shule, co vendele vungenzi vwa matangwa atatu mu mambo ya Etame. Asinoni vakatungile cilombo cavo ku Mala. 9Vatundile ku Mala, vaile ku Elime, kuje kwakele masima a tuvwelu-vwelu likumi na avali na miti ya mashakavale makumi atanu na avali. Co vakatungile cilombo cavo kuje.
10Vatundile ku Elime, vakatungile cilombo cavo kuyehi na Linema lya Suwezi. 11Co vatundile kuje, vakatungile cilombo cavo mu mambo ya Sine. 12Vatundile ku mambo ya Sine, vakatungile cilombo cavo ku Ndofeka, 13asinoni vatundile ku Ndofeka, vakatungile cilombo cavo ku Alushe. 14Vatundile ku Alushe, vakatungile cilombo cavo ku Lefindime, kuje kukwakele mema akunwa. 15Vatundile ku Lefindime, vakatungile cilombo cavo mu Mambo ya Sinai. 16Vatundile mu Mambo ya Sinai, vakatungile cilombo cavo ku Kimbelote Hataava mutambela uje uvatumbwile ngwavo “Vimbumbo vya lishungu.” 17Vatundile ku Kimbelote Hataava, vakatungile cilombo cavo ku Hezelote. 18Vatundile ku Hezelote, vakatungile cilombo cavo ku Litema. 19Vatundile ku Litema, vakatungile cilombo cavo ku Limone Peleze. 20Vatundile ku Limone Peleze, vakatungile cilombo cavo ku Limbena. 21Vatundile ku Limbena, vakatungile cilombo cavo ku Lisa. 22Vatundile ku Lisa, vakatungile cilombo cavo ku Kehelata. 23Vatundile ku Kehelata, vakatungile cilombo cavo ku Munkinda wa Shefele. 24Vatundile ku Munkinda wa Shefele, vakatungile cilombo cavo ku Halanda. 25Vatundile ku Halanda, vakatungile cilombo cavo ku Mahelote. 26Vatundile ku Mahelote, vakatungile cilombo cavo ku Tahate. 27Vatundile ku Tahate, vakatungile cilombo cavo ku Tela. 28Vatundile ku Tela, vakatungile cilombo cavo ku Miteka. 29Vatundile ku Miteka, vakatungile cilombo cavo ku Hashemone. 30Vatundile ku Hashemone, vakatungile cilombo cavo ku Moselote. 31Vatundile ku Moselote, vakatungile cilombo cavo ku Mbene Njakane. 32Vatundile ku Mbene Njakane, vakatungile cilombo cavo ku Hole Hangindengande. 33Vatundile ku Hole Hangindengande vakatungile cilombo cavo ku Njotembasa. 34Vatundile ku Njotembasa, vakatungile cilombo cavo ku Ambelona. 35Vatundile ku Ambelona, vakatungile cilombo cavo ku Eziyone Ngembe. 36Vatundile ku Eziyone Ngembe, vakatungile cilombo cavo ku Kandeshe mu mambo ya Zine. 37Vatundile ku Kandeshe, vakatungile cilombo cavo ku Munkinda wa Hole, kumukulo wa lifuti lya Endome. 38#Kul 20:22-28; Kwi 10:6; 32:50 Akushika kwa Shukulu Kalunga, Alone muka-kukombelela walamatele ku Munkinda wa Hole, co wakatsililile kuje vene, a litangwa lyakulivanga ku ngonde yamucitanu#33:38 NGONDE YAMUCITANU: Mu ciHevelu inapu ngonde ya Avive, ngonde yamucitanu kutunda akati ka Kondamema nakweta akati ka Kashukwe. mu mwaka wamumakumi awana omo vaIsalele vanatundu laja mu Ingito. 39Alone wakele na myaka 123 omo watsile a Munkinda wa Hole.
40 #
Kul 21:1
Co Mwene wa Alande uje wakele mu mbwela ya lifuti lya Kanana wazivile ngwavo vaIsalele valinakwija. 41VaIsalele vatundile ku Munkinda wa Hole, vakatungile cilombo cavo ku Zalumone. 42Vatundile ku Zalumone, vakatungile cilombo cavo ku Punone. 43Vatundile ku Punone, vakatungile cilombo cavo ku Ovote. 44Vatundile ku Ovote, vakatungile cilombo cavo ku vingundu vya Avalime mu lifuti lya vaMowavi. 45Vatundile ku Avalime, vakatungile cilombo cavo ku Ndimboni Ngande. 46Vatundile ku Ndimboni Ngande, vakatungile cilombo cavo ku Alemone Ndimbelataime. 47Vatundile ku Alemone Ndimbelataime, vakatungile cilombo cavo ku Munkinda wa Avalime kuyehi na Munkinda wa Nembo. 48Vatundile ku Minkinda ya Avalime vakatungile cilombo cavo mu vyana vya Mowavi kujavuka Ndonga ya Yondau vyashungama na Yeliko. 49Vatungile cilombo cavo ku vyana vya Mowavi ku Yondau kuyehi na Mbete Njeshimote na Cana ca Miti ya Mingongo.
Mosesa ashika vanu va Isalele omo kanda vajavuke Yondau
50Shukulu Kalunga wendekele kuli Mosesa mu vyana vya Mowavi ku Yondau vyashungama na Yeliko ngwendi, 51“Leka vanu va Isalele ngwove, omo mukajavuka Yondau nakukovela mu lifuti lya Kanana, 52munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela. 53Ngecivene, mukatambula lifuti nakukalamo, omwo njinamyana lifuti kupwa vushwana vweni. 54#Kul 26:54-56 Co mukashwana lifuti nakulipangelalyo akati ka miyati yeni na vikota vyeni akuta n̄ela, mukaana mutambela wakama kuli vaje vavangi, na mutambela waundondo kuli vaje vavandondo. 55Oloni nga yeni kumukashekemo vavenya lifuti lije, co vaje vakasalamo vakamiyandesa ngwe vimba vyakutinukila a mesho eni, na mambimbo akumitiva a mivila yeni, co vakamiyandesa mu lifuti lije limukakala. 56Nga kumukavashekemo, co njikanyongesa yeni ngwe munjayongwele kuvanyongesa vakevo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006