Hambakuke 3
3
Lilombelo lya Hambakuke
1Eli likelyo lilombelo lya Hambakuke muka-kwimanena.
2Yove Shukulu Kalunga,
njazivi lutsimo lwavije walingile,
co njinazivi lyova.
Linga lalo vyuma vije vyakama viwalingile.
Kala na mema ku mbunge nameme uluvala.
3Njambi alinakwija kutunda ku Endome,
Njambi wakujela alinakwija kutunda
ku malundu a Palane.
Vumpau vwendi vwafwiki melu,
co asi oshe anashulu nakumushangazala.
4Alinakwija nakuvyazima kwa muhyato,
ceke cilinakuvyazima mu livoko lyendi,
mukemwo mwavanda nzili yendi.
5Ikeye atuma mishongo kulutwe lwendi,
co ashika kutsa ngeci kumukave.
6Omo alikela, co kaye kajaja,
omo akenga, co vanu voshe a kaye valijajela.
Alingisa minkinda yalaja ngeci isanyozoke sanyu-sanyu,
na malundu kumbwitama kwisi,
malundu aje ikeye wendeleo ku san̄ulu.
7Njamwene vanu va ku Kushani vali na lyova,
na vanu va ku Mindyani valijajela.
8Yove Shukulu Kalunga,
kuma vindonga vikevyo vyakuluvalesele ndi?
Indi mema a kalunga akewo akuzivisile litoto?
Yove wendelele a mashelwa,
co linkimba lya lishelwa likelyo
lyapwile litemba lyove,
omo walingisile vanu vove
ngeci vafungulule vitozi vavo.
9Yove walivwaeselele kupangesa
vuta vwove vwa lusipa
ngeci washe mikili yove.
Muhyato wove watavwile asi.
10Omo minkinda yakumwene,
co yaningangele,
mema etikile kutunda mu mashelwa.
Mema a mwisi ya asi akumine,
co mankimba awo akatukile kuya kwilu manene.
11Omo ceke ca mikili yove ije yetile vwasi,
na omo kuvyakula kwa likunga lyove,
co litangwa na ngonde vyemanene.
12Wendele ano asi nakuluvala,
co na litoto lyove walyatangelele miyati ya vanu.
13Waile mukwamena vanu vove,
mukwamena mwene uje iwangwile,
wawisile ntwama ya vaka-vuvi,
co wanyongesele vaka-kumukava vendi voshe njwa.
14Mikili yove yativile muka-kushika
mbunga ya mashwalale vendi,
omo vezile ngwe lihunzi mukutushandola,
valisambele ngwe muvakalisamba
vaje vakayandesa tuutu mu vushweke.
15Walyatangelele mema a kalunga na tuvalu twove,
co mema a kalunga asetele.
16Njazivi vyoshe evi, co njijaja,
mbunge yange itumbuka omwo lyova.
Muvila wange ushinuka,
co mendi ange ajaja mu mavuli.
Njikasimpa nakuvandamena simbu ngeci yete,
omo Njambi akanyanyamesa vaje vakatulwisa.
17Nameme miti ya mikuyu kuyemine vushuka,
co kukwesi vushuka vwima
a mikolovozi ya vushuka vwa vinyu,
nameme vimbuto vya olive vyai,
na vimbuto kuvikemi mu mahya,
nameme vimanga voshe vakatsa,
co mu macakana a vingombe mwoshe mwangoco,
18anga vene njikajolela nakuvwaelela muli Shukulu Kalunga,
omwo Shukulu Kalunga Njambi,
ikeye wapwa muka-kunjinyunga.
19 #
2 Sam 22:34; Mya 18:33 Shukulu Kalunga wa Akamwa ya Vyoshe
ikeye muka-kunjana nzili.
Ikeye muka-kuzambwisa mendi ange ngwe shonge,
nakunjikwasa ngeci njishatuke a minkinda.
Currently Selected:
Hambakuke 3: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
