Hambakuke 2
2
Shukulu Kalunga akumbulula Hambakuke
1Njikalonda a kaposhi kange nakuvandamena njimone vije vyanjileka Shukulu Kalunga ngeci njivyendeke, nakukumbulula kwendi akulinyenga kwange kuli ikeye.
2Co Shukulu Kalunga wanjikumbulwile ngwendi, “Soneka mwamuvwa cimona eci a vitale vya vuma, ngecivene, cikapwe cacasi kuli uje acilava. 3#VaHe 10:37 Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe. 4#Lom 1:17; Ngala 3:11; VaHe 10:38 Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”
Luvinda ali vaka-kujeneka vushunga
5Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu. 6Vanu vaje lifuti lyavo vaMbambilone vanalitambula na nzili vakayeluwisa nakushendumuna vaMbambilone ngwavo, “Yeni mukambata vije kuvyapwile vyeni, oloni Njambi akaminyanyamesa! Mukafuka visimbu vingaijo akusindiya vanu vaje mwakumwisile vimbongo ngeci vamifwete?”
7Oloni simbu kanda mucizivuke cuma eci, yeni mwafungulwile vakweni mukakala na likongo yeni vavenya, co vakamisindiya ngeci mufwete kakondweso. Vitozi vakaija nakumizivisa lyova. Vakamipukula! 8Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.
9Munavindama! Munafukisa naanga yeni na vije mwambatele akupanga muuka, co munatungu membo amavwa muje muli kwoloka ngeci naanga yeni kesi vakale mu vushonde! 10Oloni matumbe eni ananena shwamwa a naanga yeni, mwalikokela n̄ole yeni vavenya akunyongesa miyati ya vanu vavangi. 11Nameme livu lya a vivumbe lilinakumililila, na mashoko alinakutava miteto eyi. 12Munavindama! Yeni mwajalele luvula lwa nganda na vilinga vya muuka, nakuyitunga na vilinga vyakutsiya vanu. 13Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi. 14#Isa 11:9 Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.
15Munavindama! Mu vukalu vweni mwapwisile vakweni ngwe vangoco na kuvazivisa shwamwa, mwavapelyangesele ngwe vaka-kupenda. 16Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa. 17Munashinji vishwata vya Lembanone, co neni lalo vakamishinja. Mwatsiile tusitu vamwo, co ololo tusitu vamwo vakamitewesa. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.
18Seo mukajo ili a kamponya? Capwa lika cuma cakupanga ku munu, kakendeka lika vyuma vya makuli. Vuvwa mukajo kakalingi kuli uje wakapangele ngeci akakulaele, njambi uje wakwonwa kwendeka? 19Munavindama! Yeni mukendeka ku citi nambe ku limanya ngweni, “Induka!” Kuma kamponya kasa kumisholwela cuma cimo ndi? Nameme vanu vanakafwiki siliva na ngolinde, oloni kukesi na mwonyo.
20Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.
Currently Selected:
Hambakuke 2: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Hambakuke 2
2
Shukulu Kalunga akumbulula Hambakuke
1Njikalonda a kaposhi kange nakuvandamena njimone vije vyanjileka Shukulu Kalunga ngeci njivyendeke, nakukumbulula kwendi akulinyenga kwange kuli ikeye.
2Co Shukulu Kalunga wanjikumbulwile ngwendi, “Soneka mwamuvwa cimona eci a vitale vya vuma, ngecivene, cikapwe cacasi kuli uje acilava. 3#VaHe 10:37 Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe. 4#Lom 1:17; Ngala 3:11; VaHe 10:38 Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”
Luvinda ali vaka-kujeneka vushunga
5Vufuko vukakwisa. Vanu vaka-linyanyamena vapwa vaka-kulyalesa, co kuvesi kujuka, ngwe kutsa nakwo kukwesi kujuka. Omu mukemwo vakafungulula muyati na muyati wa vanu. 6Vanu vaje lifuti lyavo vaMbambilone vanalitambula na nzili vakayeluwisa nakushendumuna vaMbambilone ngwavo, “Yeni mukambata vije kuvyapwile vyeni, oloni Njambi akaminyanyamesa! Mukafuka visimbu vingaijo akusindiya vanu vaje mwakumwisile vimbongo ngeci vamifwete?”
7Oloni simbu kanda mucizivuke cuma eci, yeni mwafungulwile vakweni mukakala na likongo yeni vavenya, co vakamisindiya ngeci mufwete kakondweso. Vitozi vakaija nakumizivisa lyova. Vakamipukula! 8Yeni mwapukwile vanu va miyati yaingi, oloni ololo vaje vasaleleo vakevo vakamipukula. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.
9Munavindama! Munafukisa naanga yeni na vije mwambatele akupanga muuka, co munatungu membo amavwa muje muli kwoloka ngeci naanga yeni kesi vakale mu vushonde! 10Oloni matumbe eni ananena shwamwa a naanga yeni, mwalikokela n̄ole yeni vavenya akunyongesa miyati ya vanu vavangi. 11Nameme livu lya a vivumbe lilinakumililila, na mashoko alinakutava miteto eyi. 12Munavindama! Yeni mwajalele luvula lwa nganda na vilinga vya muuka, nakuyitunga na vilinga vyakutsiya vanu. 13Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi. 14#Isa 11:9 Oloni kaye kakashula na mana a vumpau vwa Shukulu Kalunga ngwe mema a kalunga mwakajalela.
15Munavindama! Mu vukalu vweni mwapwisile vakweni ngwe vangoco na kuvazivisa shwamwa, mwavapelyangesele ngwe vaka-kupenda. 16Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa. 17Munashinji vishwata vya Lembanone, co neni lalo vakamishinja. Mwatsiile tusitu vamwo, co ololo tusitu vamwo vakamitewesa. Eci cikalingiwa omwo mwatsiile vanu vavangi, co lalo mwalingile muuka ku vanu va lifuti na vinganda vyalyo.
18Seo mukajo ili a kamponya? Capwa lika cuma cakupanga ku munu, kakendeka lika vyuma vya makuli. Vuvwa mukajo kakalingi kuli uje wakapangele ngeci akakulaele, njambi uje wakwonwa kwendeka? 19Munavindama! Yeni mukendeka ku citi nambe ku limanya ngweni, “Induka!” Kuma kamponya kasa kumisholwela cuma cimo ndi? Nameme vanu vanakafwiki siliva na ngolinde, oloni kukesi na mwonyo.
20Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006