Kwituluka mu Mashiko Cizivukiso
Cizivukiso
Livulu lya Kwituluka mu Mashiko valisoneka kupwa cimweso cije caanene Mosesa kuli vanu va Isalele mu lifuti lya Mowavi, muje vemanene ku shongo ya vungenzi vwavo vuje vwa vulaja vwa mu mambo, co vakele kuyehi nakukovela nakushwana Kanana.
Vyuma vyakama tuwana mu livulu eli vinapu, (1) Mosesa anuka vyuma vyakama vije vyalingiwile omo kwetile myaka makumi awana. Alinakulambelela vanu kwanuka vati Njambi navatwamenena mu mambo, co vanapande kwononoka nakulikongomeka kuli Njambi. (2) Mosesa endeka a Mashiko Likumi, co alinakunungulula kulumbunuka kwa Lishiko Lyakulivanga, kuleka vanu ngeci vakakateye kuli Shukulu Kalunga lika. Co lalo alinakwendeka a mashiko akuliseza-seza aje akendesa kuyoya kwa Isalele mu lifuti lya cikulaeso. (3) Mosesa anukisa vanu kulumbunuka kwa cikumiiyo ca Njambi amo navo, nakuvaleka ngeci vakolese mashiko a cikumiiyo eci. (4) Yoshwa vamushika kupwa ntwama wamucivali wa vanu va Njambi. Omo vanembi mwaso wakulisamba a kulongwa kwa Njambi nakwambulula civezikiso a miyati ya Isalele, Mosesa oni atsa mu mowavi, mu ngangela ya Ndonga ya Yondau.
Mutwe wakama wa livulu eli unapu ngeci Njambi namena nakuvezikisa vanu vendi vaje vaangwile, vaje vaazema, vanu vendi vanapande kwanuka cuma eci, vamuzeme nakumwononoka, ngeci vakakale na mwonyo na civezikiso ca myaka yoshe.
Sapi ya maangununo a mu livulu eli anapu 6:4-6, muje muli majwi aje Yesu waatumbwile kupwa akama manene ku mashiko oshe, “Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.”
Kulumbununa vyuma vili mu livulu
Majwi a Mosesa akulivanga 1:1–4:49
Majwi a Mosesa amucivali 5:1–26:19
a. Mashiko Likumi 5:1–10:22
b. Mashiko nakunangula 11:1–26:19
Mashiko akukovela mu Kanana 27:1–28:68
Kukolesa cikumiiyo 29:1–30:20
Majwi a Mosesa akumaneselela 31:1–33:29
Kutsa kwa Mosesa 34:1-12
Currently Selected:
Kwituluka mu Mashiko Cizivukiso: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006