3 Yowano 1
1
1 #
Vil 19:29; Lom 16:23; 1 Koli 1:14 Mukanda wakutunda kuli Mukulunu.
Kuli muka-cizemo cange Ngayu, uje injazema mu vushunga.
2Musamba wange injazema, njilinakukulombelela ngwange vyuma vyoshe vyende mwamuvwa nove, co ukale na ciindu cacivwa, ngwe njazivuka ngwange ulimwamuvwa mu munzinzime wove. 3Njavwaelelele manene omo vamo vakwetu vaka-Yesu vetele nakunjileka vya lukakateya lwove ku vushunga, ngwe simbu yoshe yove wayoya mu vushunga. 4Kukwesi cimo cinjinenela kuvwaelela kutuvakana kuziva ngwavo vana vange valinakuyoya mu vushunga.
Ngayu vamushangazala
5Musamba wange injazema, unapu wa kulongwa mu vipangi vyove ulinakulinga kuli vakweni vaka-Yesu, nameme omo vakevo vanapu vangenzi. 6Vanambulula vya cizemo cove ku cikungulukilo cili kuno. Vakwase ngeci vatwaleleleo a vungenzi vwavo mu ngila ije ivwaelelesa Njambi. 7Omwo vakevo vaile vungenzi vwavo mukupangela Kilistu kujeneka kutambula vukwaso kuli vaka-kujeneka kukulaela. 8Ngecivene, yetu vaka-Yesu, tunapande kukwasa vanu ava, ngeci tulipangele navo mu vipangi vyavo vya vushunga.
Ndiyotelefese na Ndemetelyase
9Njasonekele mukanda wa majwi amandondo ku cikungulukilo, oloni Ndiyotelefese, uje wazema ngeci apwe ntwama yavo, kesi kumbako mbunge ku vije njekendeka. 10Ngecivene, omo njikaija, njakumisholwela vyoshe vyanalingi, vyuma vyakukomokesa vije akendeka ali yetu, na makuli aje akambulula! Oloni vyoshe evi kuvyapwilemo kuli ikeye, kasa kutambula vakwavo vaka-Yesu omo vaija, co avindika lalo nambe vaje vashaka kuvatambula, co avasheka mu cikungulukilo!
11Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi. 12Vanu voshe valinakushangazala Ndemetelyase,vushunga vulyambulula vukevwo vavenya ali ikeye. Co netu tuwezelelako vukaleo vwetu, co mwazivuka ngweni vije vitulinakwendeka vinapu vya vushunga.
Viindu vyakumanesela
13Njili na vyavingi vyakukuleka, oloni kunjishaka kuvisoneka na lapi nambe na tinta. 14Njili na cinyangavili cakukumona ololo vene, co twakusimutwiya mesho na mesho.
15Kwoloka kukale nove.
Vasamba veni voshe vanatumu viindu kuli yove. Viindu kuli vasamba vetu voshe.
Currently Selected:
3 Yowano 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006