2 Kolinte 1
1
1 #
Vil 18:1
Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.
2Njambi Tatetu na Mwene Yesu Kilistu vamyane kutetela na kwoloka.
Paulu akandelela kuli Njambi
3Tukandeleleni kuli Njambi Ishe ya Mwene yetu Yesu Kilistu, Tate wa mema ku mbunge, Njambi kuje kukatundu vukwasi vwoshe! 4Ikeye muka-kutuzembeleka mu tuyando twetu twoshe, ngeci netu twase kuzembeleka vaje vali mu tuyando twakuliseza-seza, nakuzembeleka kuje kwatuzembelekele nakwo Njambi. 5Ngwe omwo tuyando twa muli Kilistu tunatumu ali yetu, mukemwo lalo kuzembeleka kwetu kunatumu ali yetu. 6Nga tuyanda tuyandela kuzembeleka kweni nakwovoka kweni, nambe nga vatuzembeleka, vacilinga neni mukumizembeleka na lukakateya nakusimpa mu tuyando tuje tulinakuyanda netu lalo. 7Ngecivene, cinyangavili cetu muli yeni cinakolo, omwo tunazivuka ngwetu, omo mulinakutambula tuyando amo netu, mukemwo lalo mulinakutambula kuzembeleka amo netu.
8 #
1 Koli 15:32
Omwo tushaka kumyanukisa, vakwetu, a tuyando twakele natwo mu lifuti lya Asiya. Vitele vije vivatutwikile vyapwile vyakama vyakulema, ngeci kutwakele na cinyangavili cakuyoya lalo. 9Twayongwele ngwetu kutsa vene kuli ali yetu. Oloni eci calingiwile ngeci kesi tulikulaela yetu vavenya, oloni kuvanga ali Njambi lika muka-kusangula vatsi. 10Watutundisile mu vushonde vwakama vwa kutsa,#1:10 VUSHONDE VWAKAMA VWA KUTSA: Kunungulula kumo ngwavo, kutsa kwakukomokesa. co ikeye watwovwele, akatwovola lalo, tunakulaeleni kuli ikeye ngeci akatwovola lalo, 11ngwe omo mulinakutukwasa a malombelo eni akutulombelela. Co cikalingiwa ngeci Njambi akakumbulula malombelo eni amangi ali yetu, Njambi akatuvezikisa, co vavangi vakatambeka majwi avo nakumukandelela omwo yetu.
Paulu atengulula vutumbe vwendi
12Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela#1:12 MUKUJELA: Kunungulula kumo ngwavo, mu kulongwa. na vushunga vyakutunda kuli Njambi kesi na mana a vunu embwe. 13Tumisonekela lika vije mwasa kulava nakuzivisisa. Oloni nameme mutuzivisisa lika kamandondo, njayongola ngwange mwasa kutuzivisisa mwamuvwa, 14ngeci a Litangwa lya Mwene yetu Yesu ngeci yeni netu tukalyalesele ali umo na mukwavo.
15Omwo njazivukile vyuma evi, akulivanga njakele na vutumbe vwakwija kuli yeni ngeci vakumivezikise lalo. 16#Vil 19:21 Njayongwele kumisikamesa a vungenzi vwange vwakuya ku Masendoniya, co lalo akwilukamo, ngeci njiwane ngila yakunjikwasa a vungenzi vwange vwakuya ku Yundeya. 17Omo njayongwele kulinga ngeci, kuma njakele na vimbunge vivali ndi? Nambe vije vinjiyongola kuma njiyongola vya vusitu ngeci njendeka ngwange, “Eyo, eyo,” nambe “Embwe, embwe” a simbu imolika ndi? 18Oloni Njambi wapwa muka-vushunga, majwi etu kuli yeni kuwapwile, “Eyo” nambe “Embwe.” 19#Vil 18:5 Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”, 20omwo wapwa “Eyo” ku vikulaeso vyoshe vya Njambi. Omwo a cuma eci muli Yesu Kilistu “Ewa” yetu tukaitumbula mukwana vumpau kuli Njambi. 21Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula, 22uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.
23Njitumbula Njambi kupwa mukaleo wange, azivuka mbunge yange! Mu ngila yakumitetela njayongwele ngeci kesi njiye ku Kolinte. 24Kesi ngwe tulinakumisindiya vije munapande kukulaela embwe, omwo yetu twazivuka ngeci yeni munemana mbe mukukulaela. Oloni tulinakupanga amo neni mukumivwaelelesa.
Currently Selected:
2 Kolinte 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006