1 Mizimbu 1
1
Mukana wa mazina a vanu kushangumuka kuli Andama nakweta kuli Avilahama
(Kus 5:1-32, 10:1-32, 11:10-26)
1Andama wakitile Seta, Seta wakitile Enoshe, co Enoshe wakitile Kenani, 2Kenani wakitile Mahalalele, co Mahalalele wakitile Njalende, 3Njalende wakitile Inoke, Inoke wakitile Matusela, Matusela wakitile Lameki, 4Lameki wakitile Nowa. Co Nowa wakele na vana vendi vatatu va vanalume, Shemi, na Hama, na Njafete.
5Vana va Njafete vapwile, Ngomele, na Mangonge, na Mandai, na Njavani, na Tuvale, na Meshake, na Tilase, ava vakevo vapwile vakukulwila va vanu vaje valilukile mazina avo, 6vatekulwila va Ngomele vapwile, Ashekenaze, na Lifate, na Tongalema. 7Co vatekulwila va Njavani vapwile vanu va ku Elisha, na Sipeini, na Sepulasi, na Londese.
8Vana va Hama vapwile, Kushe, na Ingito, na Limbiya, na Kanana. Ava vakevo vapwile vakukulwila va vanu vaje valilukile mazina avo. 9Vatekulwila va Kushe vapwile vanu va ku Semba na Havila, na Saveta, na Lama, na Seveteka. Co vatekulwila va Lama vapwile vanu va ku Shemba na Ndendane. 10(Kushe wakele na munendi uje valukile Nimolonde, muka-kuhyana wakama wakulivanga mu lifuti.) 11Co vatekulwila va Ingito vapwile vanu va ku Lindiya, na Aname, na Lehave, na Nafetu, 12na Peteluse, na Kaselu, na Kelete, (kuje kuvatundile vaFilisitiya.) 13Vana va Kanana vapwile, Sindone ikeye wapwile ntwatwa, na Hete vapwile vakukulwila va vanu vaje valilukile mazina avo. 14Kanana wapwile lalo kukulwila wa vaNjevushi, na vaAmoli, na vaNgilengashi, 15na vaHivi, na vaAleki, na va Sini, 16na vaAlevandi, na vaZemali, na vaHamate.
17Vana va Shemi vapwile, Elame, na Ashule, na Alepakeshande, na Lunde, na Alama, na Uza, na Hule, na Ngatale, na Meshake. Ava vakevo vapwile vakukulwila va vanu vaje valilukile mazina avo. 18Alepakeshande wakitile Shela, uje wakitile Evele. 19Co Evele wakele na vana vendi vavali, wakulivanga lizina lyendi Pelenge, omwo a simbu yendi akeo vanu va mu kaye valyangunukile, co mukwavo lizina lyendi Njokotane. 20Co vatekulwila va Njokotane vapwile vanu va ku Alemondande, na Shelefe, na Hazalemavete, na Njele, na 21Handolame, na Uzale, na Ndikela, 22na Evale, na Avimaele, na Shemba, 23na Ofile, na Havila, na Njombambe.
24Co naanga yavo kutunda kuli Shemi nakweta kuli Avilama mazina avo, Shemi, na Alepakeshande, na Shela, 25na Evele, na Pelenge, na Leu, 26na Selunge, na Nahole, na Tela, 27na Avilama (ikeye vene Avilahama.)
Vatekulwila va Ishimela
(Kus 25:12-16)
28Avilahama wakele na vana vavali vapwile Isake na Ishimela. 29Vana va Ishimela, vakevo vapwile vakulunu va miyati likumi na ivali, Nembayote (lyatundile ku lizina lya muna Ishimela wa ntwatwa,) na Kendale, na Andembele, na Mimbesamu, 30na Mishema, na Nduma, na Masa, na Handande, na Tema, 31Na Njetule, na Nafishe, na Kendema.
32Avilahama wakele na lishano lyendi lya mbanja lizina lyendi Ketula, ikeye wakitile vana vendi vatanu na umo mazina avo, Zimelane, na Njokeshane, na Mendane, na Mindyani, na Ishembeka, na Shuwa. Njokeshane wakele na vana vavali mazina avo, Shemba, na Ndendane. 33Mindyani wakele na vana vatanu mazina avo, Efa, na Efele, na Hanoki, na Ambinda, na Elenda.
Vatekulwila va Isau
(Kus 36:1-19)
34Co muna Avilahama Isake wakele na vana va vanalume vavali, Isau, na Yakomba. 35Vana va Isau va vanalume mazina avo, Elifaze, na Lewele, na Njeushe, na Njalame, na Kola. 36Elifaze ikeye wapwile kukulwila wa miyati eyi, Temane, na Omale, na Zefi, na Ngatame, na Kenaze, na Timuna, na Amaleke. 37Co Lewele ikeye wapwile kukulwila wa miyati ya Nahate, na Zela, na Shama, na Miza.
Vavenya lifuti lya Endome
(Kus 36:20-30)
38Vavenya lifuti lya Endome vatundile ku vana va vanalume va Seile vakevo ava, 39Lotane, ikeye wapwile kukulwila wa vikota vya Holi, na Homame. (Co Lotane wakele na ndokazi yendi lizina lyendi Timena.) 40Co Shombale, ikeye wapwile kukulwila wa vikota vya Alevane, na Manahete, na Evale, na Shefi, na Oname.
Co Zimbeyone, ikeye wakele na vana vavali, mazina avo, Aiya, 41na Ana. Ana wapwile ishe ya Ndishone, co Ndishone wapwile kukulwila wa vikota vya Hamelane, na Eshembane, na Itelane, na Kelane. 42Ezele wapwile kukulwila wa vikota vya Mbilehane, na Zaavane, na Njaakane.
Ndishane wapwile kukulwila ya vikota vya Uze na Alane.
Vimyene va Endome
(Kus 36:31-43)
43Ava vakevo vimyene vaje vashwanene mu lifuti lya Endome, te kanda kushwane mwene umo wa Isalele. Mbela muna Mbeole, nganda yendi yapwile Ndinihamba. 44Omo Mbela watsile, co Yohambe muna Zela wa ku lifuti lya vaTemane wamushwanene kupwa mwene. 45Omo Yohambe watsile, co Hushame wa ku lifuti lya vaTemane wamushwanene kupwa mwene. 46Omo Hushame watsile, co Handande muna Mbendande uje wafungulwile vaMindyani mu lifuti lya Mowavi wamushwanene kupwa mwene, co nganda yendi yapwile Avita. 47Omo Handande watsile, co Samela wa ku Maseleka wamushwanene kupwa mwene. 48Omo Samela watsile, co Shaulu wa ku Lehombote kuyehi na ndonga wamushwanene kupwa mwene. 49Omo Shaulu watsile, co Mbale-Hanane muna Akambole wamushwanene kupwa mwene. 50Omo Mbale-Hanane watsile, co Handande wamushwanene kupwa mwene. Nganda yendi yapwile Pau, co lizina lya munakazi wendi lyapwile Mahetambele muna Matelende wa munakazi, mutekulu wa Mezahambe. 51Handande lalo watsile, vimyene va ku Endome vapwile Timuna, na Aleva, na Njeteta, na 52Oholimbama, na Elahe, na Pinone, 53na Kenaze, na Temane, na Mimbazale, 54na Mangandiyele na Ilama. Ava vakevo vimyene va ku Endome.
Currently Selected:
1 Mizimbu 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006