2a Tesalonicenses 1
1
Yichbꞌanil Scarta Naj Pablo
1Jaꞌ tinaniꞌ xin, jain Pablo jin tiꞌ, yetoj Silvano,#1:1 Silvano, ma Silas, jun naj jix yiꞌtoj naj Pablo yet jix too il-le ebꞌ creyente yet scaelal. Hechos 15:40. cꞌal Timoteo, chi katoj jun carta tiꞌ ey jex, jex creyente a conobꞌ Tesalónica. Yet jex xa cu Mam Dios, yet jex xa pax Kaawil Jesucristo. 2Chi yoche jin cꞌul chi xꞌox swatxꞌcꞌulal cu Mam Dios yetoj Naj Kaawil Jesucristo ey jex, catuꞌ ey pax watxꞌcꞌulal snan je xol. 3Jex wuẍtaj, jex wanabꞌ, sowalil chi cꞌal kal yu diosalil tet Dios je yu. Smoo kalon yu diosalil je yu, yutol junjun cꞌu, chi chꞌibꞌ je naꞌbꞌal je yaon oc je cꞌul yin Dios. Yetoj pax oj, yel xacꞌal lalan je camcꞌulnen je bꞌa. 4Jaon tiꞌ, chi cu ecꞌ kalon el je kꞌaneal xol ebꞌ creyente. Yutol caw ey tzet chi ale oc je yibꞌan, miman syaꞌilal lalan je yiloni, caw tecꞌan cꞌal pax che yute je yaon oc je cꞌul yin Dios, catuꞌ lalan je yakꞌon techaoj. 5Queyton tuꞌ chi yun xeclo eloj, tol jichan chi yute Dios yet chi yalon tol je moo yoc Dios je Yaawiloj. Yu cꞌal Dios, yuxan lalan je yabꞌen syaꞌil.
Syaꞌtajil Oj Ẍaꞌ Ebꞌ Pena Sbꞌeybꞌal Oj Ẍaꞌ Yet Oj Jul Cristo
6Jaꞌ ebꞌ chex etnen tinaniꞌ, jaꞌ Dios oj aon oc syaꞌilal ebꞌ, jaxca wal smooalil. 7Lalan ton je yabꞌen syaꞌil ketoj. Jaꞌ Dios oj cu yiꞌel xol syaꞌilal tuꞌ yet oj jul Kaawil Jesús. Oj tit Naj Kaawil tuꞌ bꞌey satcan yetoj ebꞌ yángel miman yipalil. Jaꞌ yet oj eyol ebꞌ, eyoc ebꞌ xol jun kꞌakꞌ chi chaw xaj. 8Jaꞌ yet tuꞌ oj ale oc syaꞌilal ebꞌ ma otajnen el Dios, cꞌal ebꞌ cꞌam chi jijen skꞌaneal yet colbꞌanile ey can yu Naj Kaawil Jesucristo. 9Oj tojcan ebꞌ bꞌey syaꞌilal yin junelne. Oj iꞌle el ebꞌ scꞌatan Naj Kaawil yet watxꞌ cꞌam bꞌakꞌin chi yil ebꞌ swatxꞌilal, cꞌal yipal Naj. 10Jaꞌ yet jun cꞌual yet oj jul Naj Kaawil tuꞌ, caw miman yeloc apnoj Naj yul cu sat, jaon yet jon xa tiꞌ. Cu masanil mac jon creyente jon xa, oj kiꞌey cu bꞌa tet. Queytuꞌ chi kute kaloni, yutol jix je yaoc yin je cꞌul jun kꞌane albꞌilcan ey jex ku. 11Yu ton jun tuꞌ yuxan chi cu txali cꞌal je yu. Chi cu kꞌanon tet cu Diosal je yu, yet watxꞌ, watxꞌ ojabꞌ cꞌal jex yul sat, yutol jaꞌ jix jex awten oc yetoj. Chi cu kꞌanon pax oj, yet watxꞌ chi yakꞌ yipal ey jex, yet watxꞌ che bꞌeybꞌalne masanil tzet watxꞌ jaxca che yoche, cꞌal yin je mulnail che yun tet, yutol che yaoc yin je cꞌul. 12Ta queytuꞌ che yunne, oj al-le watxꞌ kꞌane yin Naj Kaawil Jesucristo je yu. Catuꞌ oj jex yalon pax watxꞌil Cristo. Queytuꞌ oj jex eloc jaxca tuꞌ, yutol jaꞌ cu Diosal cꞌal Naj Kaawil Jesucristo oj xꞌox swatxꞌcꞌulal ey jex.
Currently Selected:
2a Tesalonicenses 1: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.