1 Kuriniu 13
13
Haga 13
1Yt watikyꞌe i miitꞌin pote yt kat hamo i aimisepap koꞌi sio watikuap yne torannia pusu mesuwarotiat sio watikuap atipy piaria pusu yt kat i miitꞌin kyꞌe hap Tupana kyꞌe hap aikai pote aipusu ahehay topyhuꞌat ipuehay ewy aimogyt hap ewy aikotã tamaraka ehay ewy ihay pirik hap. Watikuap wuatꞌi ywania pusu maꞌato miꞌi pykai yt watiꞌatukyꞌe i iraniaꞌin pote yt kat hamo i watikuap yne pykai. 2Watikuap kahato Tupana ehay moherep miitꞌin miat hamo maꞌato miꞌi pykai yt watikyꞌe i aimimuꞌeria pote miꞌi hawyi yt kat hamo i ahehay se hap topyhuꞌat. Miꞌi hawyi watikuap yne torannia mikuap oktan maꞌato yt miitꞌin kyꞌe hat i aito pote yt kan hamo i aimikuap koꞌi. Maꞌato imohey hap iwato aikai pote aikotã watoꞌe yityꞌok kape -Moto ro mesuwepyi watoꞌe hawyi toto hap ewy. Miꞌi tã watomohey pote maꞌato yt kat i aikai miitꞌin kyꞌe hap pote yt kat hamo i imohey hap iwato aikawiat. 3Iꞌewyte hegyiꞌat kahato rakat watoineꞌen hawyi watum yne ahekat miitꞌin me maꞌato yt watiꞌatukyꞌe i miitꞌin mote yt kat hamo i aimimohey iwato hap -Yt pywo i rat iꞌatuꞌe neꞌi ahepe. Miꞌi hawyi watum aipiit yne Iesui ehay moherep hamo maꞌato yt kat i miitꞌin kyꞌe hat aito pote yt kan hamo i -Waku pyno uiwuk watoꞌe aiꞌauka teran haria pe Iesui mohey haria kahato aito pote maꞌato miꞌi pykai yt watikyꞌe i miitꞌin mote yt kat hamo i aiwuk hap Iesui moherep haria wuatꞌi ywania muꞌe haria aito pykai.
4Pyno watikyꞌe sese miitꞌin mote motꞌi watikyꞌe hawyi wuatꞌi eꞌat pe watikyꞌe. Yt Karãpe i watoiat iꞌatukyꞌe hap. Watiꞌatukyꞌe sese miitꞌin mote watoineꞌen iwese kahato rakatno wuatꞌi eꞌat pe. Karapeĩ aimikyꞌe topyhuꞌat poꞌog aikai hawyi yt kat i ahehayꞌywi hin i maꞌato watuwehum katupono watikyꞌesat aimikyꞌe motypot hap pote. Yt karãpe i -Uito poꞌog ekai watoꞌe aipyꞌa pe watiꞌatukyꞌe sese miitꞌin mote. -Waku uito poꞌog eikai wuatꞌi mimotypot no yt watoꞌe i watikyꞌe sese miitꞌin mote. 5Watiꞌatukyꞌe sese miitꞌin pote waku iꞌatueko wakuat ewy watoineꞌen. Yt karãpe i watoineꞌen yt hegyiꞌat i rakatno watiꞌatukyꞌe sese miitꞌin mote. Yt karãpe i watoineꞌen marakꞌa wo watikyꞌe sese miitꞌin mote meremo waure wo watoineꞌen iꞌatuminug saꞌag aimaꞌat hap kai. 6Watikyꞌe miitꞌin mote karãpe taꞌatunug waku ahepe meremo aimowepiit kahato hawyi -Waku uhyt mana watoꞌe. Karãpe taꞌatuꞌaparap hawyi watuwak hap ewy topyhuꞌat aipyꞌa pe watiꞌatukyꞌe sese pote. 7Watikyꞌe sese miitꞌin pote watiꞌapykok kahato aimikyꞌe koꞌi yt naku i hap pupi. Aimikyꞌe sese watomohey potꞌi. Watikyꞌe miitꞌin mote -Woromohey en mehin mana watoꞌe. Atikuap waku pe etunug aru hap watoꞌe. Hepama kahato aipyꞌahak hap iꞌatuete watiꞌatukyꞌe sese pote. 8Watiꞌatukyꞌe sese miitꞌin pote mesup mukiꞌite wuatꞌi eꞌat pe watiꞌatukyꞌe poꞌog poꞌog hap ewy. Tupana ihay tuereto aiwẽ pyi tehay wo watimoherep kahato. Maꞌato meiũran Tupana ewywuat raꞌyn watoineꞌen atipy pe hawyi yt kat hamo i ihay aiwẽ pyi katupono aimuꞌe hat no toineꞌen atipy pe ihay maꞌato miitꞌin kyꞌe hap Tupana kyꞌe hap topyhuꞌat itote wuatꞌi eꞌat pe. Miꞌi pote mesup te Tupana tum ahepe tesaika hap wuatꞌi pusu kuap hamo. Maꞌato atipy pe torannia itotiaria wuatꞌi ywania pusu kuap haria tukupteꞌen maꞌato Tupana kyꞌe hap miitꞌin kyꞌe hap itote topyhuꞌat wuatꞌi eꞌat pe. 9Pyno koitywy Tupana tum ahepe toweꞌeg hap tehay kuap hamo toꞌe hap moherep hamo. Koitywy toineꞌen aikai maꞌato ipatꞌok hit yn watikuap. 10Pyno koitywy watikuap ipatꞌok yn maꞌato meiũran wuatꞌi kuap hap tutum ahepe tomikuap oktan. Koitywy wahepap kurin Tupana sepap nug hamo wen maꞌato atipy pe watunug kuap yne hap ewy. 11Saꞌawyꞌi watoineꞌen hirokat ewy yne ahehay hirokat ehay ewy iꞌewyte aiwanetup hap hirokat wanetup hap ewy iꞌewyte aheineꞌen hap hirokat ewy. Aimikuap yt pywo rakat i hirokat mikuap ewywuat watiwuare yne raꞌyn. Yt kat hamo i watuwanetup poꞌog hirokat wanetup hap ewy watoineꞌen Yne Kuap Hat Tupana Kai hawyi. 12Koitywy Tupana watikuap iꞌypyryp we pyi hap ewy Tupana etiat ipatꞌok hap koꞌi yn. Maꞌato meiũran watoineꞌen i hap tote raꞌyn aiwoꞌoewa pe raꞌyn watoꞌoehaꞌat. Miꞌi hap eꞌat pe watikuap sese raꞌyn yt watikuap i te hap koꞌi. Maꞌato mesuwarotiat watikuap Tupana aikotã aipaꞌãu wataꞌakasa yꞌy pe yt heremo i kahato hap ewy neꞌi. Maꞌato meiũran aru Tupana piat aikuap hap oktan watikuap Tupana. 13Pyno mesuwarotiat toineꞌen myẽꞌym nakat yn yt karãpe i ikahuro rakat. Wẽtup aiwoꞌomohey hap wẽtup -Waku pe aru topyhuꞌat e hap wẽtup aiwoꞌokyꞌe hap. Myẽꞌym miꞌiria wuatꞌi eꞌat piaria waku rakat. Wẽtup poꞌog torannia kai miꞌi ti aiwoꞌokyꞌe sese hap. Pyno waku watoꞌe Tupana pe -Uinug o woꞌokyꞌe hatno waku watoꞌe. Miꞌi hap Tupana wywuat miitꞌin nywuat aiwoꞌopotkyꞌe hap poꞌog hesaika torannia kai areꞌe.
Currently Selected:
1 Kuriniu 13: mav
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
