Eksodas 38
38
Olketa wakem Olta fo Bonem Sakrifaes
(Eksodas 27:1-8)
1Olketa wakem olta fo bonem sakrifaes long timba blong akesia tri. Olta ya hemi skuea, wea longfala an waed blong hem hemi kasem 225 sentemita, an hae blong hem hemi kasem 135 sentemita. 2Olketa wakem fofala samting olsem hon blong buluka wea i stanap long olketa fofala kona blong olta ya, an olketa ya i barava pat long disfala olta nao. An olketa kavarem olta ya long bras. 3Olketa wakem olketa baket fo holem asis. An olketa wakem olketa smolfala savol, an olketa besin, an olketa fok an olketa baket fo karim hot sakol o asis blong faea wea hemi laet yet. Evrisamting ya, olketa wakem long bras. 4An olketa wakem wanfala bikfala netwaea basket long bikfala bras waea. Olketa putum go netwaea basket ya andanit long reil wea hemi antap, fo go daon insaet long midol long olta ya, wea hemi kasem hafwe long daon. 5An olketa wakem fofala ring long bras, fo hangem long olketa fofala kona blong netwaea ya, fo pusum go tufala stik fo karikari fo gotru long olketa. 6Olketa wakem tu tufala stik fo karim olta ya long timba blong akesia tri, an olketa kavarem tufala long bras. 7Nao olketa pusum go tufala stik ya fo gotru long olketa ring ya long saet blong olta ya. Olketa wakem olta ya long timba, an hemi open olsem boks.
Olketa wakem bras besin ya
(Eksodas 30:18)
8Olketa wakem wanfala bikfala besin an olketa wakem botom blong hem tu. Olketa wakem tufala samting ya long bras from olketa glas wea i blong olketa woman hu i waka long doa blong Tambu Haostent.
Olketa wakem fens blong open eria raonem Tambu Haostent blong Yawe
(Eksodas 27:9-19)
9Olketa wakem wanfala fens fo mekem open eria raonem Tambu Haostent. Olketa somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya hemi kasem 45 mita. 10An hemi garem tuentifala pos wetem tuentifala spesol bras botom fo olketa stanap long hem. Olketa yusim silva fo wakem olketa huk an olketa reil wea longfala kaleko ya hemi hang long olketa. 11An long not saet blong hem, evrisamting hemi semsem nomoa. 12Long west saet blong fens ya, longfala blong kaleko hemi kasem 22 mita 50 sentemita. An hemi garem tenfala pos wetem tenfala spesol botom fo olketa stanap long hem. Olketa yusim silva fo wakem olketa huk an olketa reil wea longfala kaleko ya hemi hang long olketa. 13An long ist saet blong fens ya, wea hemi garem doa long hem, longfala blong hem tu hemi kasem 22 mita 50 sentemita. 14-15Olketa wakem tufala bikfala kaleko fo tufala saet long doa ya. Longfala blong wanfala kaleko hemi kasem 6 mita 75 sentemita, mekem hemi stat long doa go kasem kona. An hemi garem trifala pos wetem trifala spesol botom fo olketa stanap long hem. Long narasaet long doa, evrisamting hemi semsem nomoa.
16Olketa yusim nambawan waet kaleko fo hangem evriwea long disfala fens raonem open ples ya. 17Olketa yusim silva fo wakem olketa reil fo holem olketa pos long fens ya. An olketa yusim silva fo wakem olketa huk fo hangem longfala kaleko ya. An olketa wakem olketa spesol botom ya long bras.
18An olketa wakem wanfala kaleko fo satem disfala doa blong open ples. Longfala blong disfala kaleko hemi kasem 9 mita, an hae blong hemi kasem 2 mita 25 sentemita. Olketa wakem hem long nambawan waet kaleko, an somap olketa piksa long hem long blu koton, an papol koton, an red koton. 19An olketa wakem fofala pos, an fofala spesol botom fo olketa long bras, an olketa kavarem antap long olketa pos ya long silva. Olketa wakem olketa reil an olketa huk blong olketa long silva, mekem olketa hangem disfala kaleko long olketa. 20An olketa yusim bras fo wakem olketa samting fo hamarem go insaet long graon fo taengem olketa rop blong Tambu Haostent an olketa rop blong fens long hem.
Gol, an silva, an bras wea olketa yusim long Tambu Haostent
21Hem nao list blong olketa gol, an silva, an bras wea olketa yusim long Tambu Haostent wea olketa kolem tu “Haostent blong Saen long Spesol Agrimen blong Yawe.”#38:21 “Haostent blong Saen long Spesol Agrimen blong Yawe” Olketa kolem Tambu Haostent long disfala nem bikos taem haostent ya hemi finis, olketa tekem tufala flat ston long Tenkomanmen wea i saen blong disfala Spesol Agrimen blong Yawe, an olketa putum insaet long hem. Mosis hemi talem Itama, san blong Eron hu hemi prist, fo hemi mekem disfala list, an hemi talem olketa Livaet fo helpem hem.
22Besalel, san blong Uri hu hemi san blong Hua long traeb blong Jiuda, hemi wakem evrisamting ya olsem wea Yawe bin talem long Mosis. 23An man fo helpem hem nao hemi Oholiab, san blong Ahisamak long traeb blong Dan. Disfala man hemi save gudfala long wei fo katem olketa gudfala ston fo dekoretem olketa samting, an fo mekem plan blong olketa gudfala samting wea hemi wakem. An hemi save gudfala tu long hao fo wakem barava nambawan waet kaleko, an fo dekoretem olketa kaleko long blu koton, an papol koton, an red koton.
24Olketa gol wea olketa pipol i mektambu long hem fo givim go long Yawe, wea olketa yusim long Tambu Haostent blong hem, hevi blong hem hemi kasem 995 kilo. Taem olketa skelem olketa gol ya, olketa yusim spesol skel blong olketa prist.
25-26Olketa bin mekem sensas fo kaontem olketa man long olketa traeb blong Israel hu i kasem tuenti yia an goap, an namba blong olketa hemi kasem 603,550 man. An evriwan long olketa ya nao i givim wanfala silva seleni fo waka ya. Taem olketa skelem olketa silva ya long spesol skel blong olketa prist, hevi blong hem hemi kasem 3,420 kilo.#Eksodas 30:11-16; Matiu 17:24. 27Olketa yusim 3,400 kilo long disfala silva fo wakem 100 spesol botom ya. Olketa spesol botom ya i blong olketa frem blong Tambu Haostent, an blong olketa pos ya fo hangem bikfala kaleko wea hemi divaedem rum ya long tufala haf. Olsem, fo evri spesol botom ya, olketa yusim 34 kilo long silva long hem. 28An 20 kilo silva wea hemi stap yet, olketa yusim fo wakem olketa reil, an olketa huk long olketa pos, an fo olketa kavarem long antap blong olketa pos ya.
29Evri bras wea olketa pipol ya i mektambu long hem fo givim go long Yawe, hevi blong hem hemi kasem 2,410 kilo. 30Olketa yusim olketa bras ya fo wakem olketa spesol botom fo olketa pos ya blong kaleko fo satem doa blong Tambu Haostent, an fo wakem Olta fo Bonem Sakrifaes an bikfala netwaea blong hem, an evrisamting wea olketa yusim long Olta ya. 31An olketa yusim olketa bras ya tu fo wakem olketa spesol botom fo olketa pos blong fens wea hemi go raonem open eria blong Tambu Haostent, an olketa botom blong olketa pos blong doa blong hem, an olketa samting fo hamarem go insaet long graon fo taengem olketa rop blong Tambu Haostent an olketa rop blong fens long hem.
Currently Selected:
Eksodas 38: SIPB
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Eksodas 38
38
Olketa wakem Olta fo Bonem Sakrifaes
(Eksodas 27:1-8)
1Olketa wakem olta fo bonem sakrifaes long timba blong akesia tri. Olta ya hemi skuea, wea longfala an waed blong hem hemi kasem 225 sentemita, an hae blong hem hemi kasem 135 sentemita. 2Olketa wakem fofala samting olsem hon blong buluka wea i stanap long olketa fofala kona blong olta ya, an olketa ya i barava pat long disfala olta nao. An olketa kavarem olta ya long bras. 3Olketa wakem olketa baket fo holem asis. An olketa wakem olketa smolfala savol, an olketa besin, an olketa fok an olketa baket fo karim hot sakol o asis blong faea wea hemi laet yet. Evrisamting ya, olketa wakem long bras. 4An olketa wakem wanfala bikfala netwaea basket long bikfala bras waea. Olketa putum go netwaea basket ya andanit long reil wea hemi antap, fo go daon insaet long midol long olta ya, wea hemi kasem hafwe long daon. 5An olketa wakem fofala ring long bras, fo hangem long olketa fofala kona blong netwaea ya, fo pusum go tufala stik fo karikari fo gotru long olketa. 6Olketa wakem tu tufala stik fo karim olta ya long timba blong akesia tri, an olketa kavarem tufala long bras. 7Nao olketa pusum go tufala stik ya fo gotru long olketa ring ya long saet blong olta ya. Olketa wakem olta ya long timba, an hemi open olsem boks.
Olketa wakem bras besin ya
(Eksodas 30:18)
8Olketa wakem wanfala bikfala besin an olketa wakem botom blong hem tu. Olketa wakem tufala samting ya long bras from olketa glas wea i blong olketa woman hu i waka long doa blong Tambu Haostent.
Olketa wakem fens blong open eria raonem Tambu Haostent blong Yawe
(Eksodas 27:9-19)
9Olketa wakem wanfala fens fo mekem open eria raonem Tambu Haostent. Olketa somap wanfala longfala kaleko long nambawan waet kaleko, fo hangem long disfala fens raonem open eria ya. Long saot saet blong fens ya, longfala blong kaleko ya hemi kasem 45 mita. 10An hemi garem tuentifala pos wetem tuentifala spesol bras botom fo olketa stanap long hem. Olketa yusim silva fo wakem olketa huk an olketa reil wea longfala kaleko ya hemi hang long olketa. 11An long not saet blong hem, evrisamting hemi semsem nomoa. 12Long west saet blong fens ya, longfala blong kaleko hemi kasem 22 mita 50 sentemita. An hemi garem tenfala pos wetem tenfala spesol botom fo olketa stanap long hem. Olketa yusim silva fo wakem olketa huk an olketa reil wea longfala kaleko ya hemi hang long olketa. 13An long ist saet blong fens ya, wea hemi garem doa long hem, longfala blong hem tu hemi kasem 22 mita 50 sentemita. 14-15Olketa wakem tufala bikfala kaleko fo tufala saet long doa ya. Longfala blong wanfala kaleko hemi kasem 6 mita 75 sentemita, mekem hemi stat long doa go kasem kona. An hemi garem trifala pos wetem trifala spesol botom fo olketa stanap long hem. Long narasaet long doa, evrisamting hemi semsem nomoa.
16Olketa yusim nambawan waet kaleko fo hangem evriwea long disfala fens raonem open ples ya. 17Olketa yusim silva fo wakem olketa reil fo holem olketa pos long fens ya. An olketa yusim silva fo wakem olketa huk fo hangem longfala kaleko ya. An olketa wakem olketa spesol botom ya long bras.
18An olketa wakem wanfala kaleko fo satem disfala doa blong open ples. Longfala blong disfala kaleko hemi kasem 9 mita, an hae blong hemi kasem 2 mita 25 sentemita. Olketa wakem hem long nambawan waet kaleko, an somap olketa piksa long hem long blu koton, an papol koton, an red koton. 19An olketa wakem fofala pos, an fofala spesol botom fo olketa long bras, an olketa kavarem antap long olketa pos ya long silva. Olketa wakem olketa reil an olketa huk blong olketa long silva, mekem olketa hangem disfala kaleko long olketa. 20An olketa yusim bras fo wakem olketa samting fo hamarem go insaet long graon fo taengem olketa rop blong Tambu Haostent an olketa rop blong fens long hem.
Gol, an silva, an bras wea olketa yusim long Tambu Haostent
21Hem nao list blong olketa gol, an silva, an bras wea olketa yusim long Tambu Haostent wea olketa kolem tu “Haostent blong Saen long Spesol Agrimen blong Yawe.”#38:21 “Haostent blong Saen long Spesol Agrimen blong Yawe” Olketa kolem Tambu Haostent long disfala nem bikos taem haostent ya hemi finis, olketa tekem tufala flat ston long Tenkomanmen wea i saen blong disfala Spesol Agrimen blong Yawe, an olketa putum insaet long hem. Mosis hemi talem Itama, san blong Eron hu hemi prist, fo hemi mekem disfala list, an hemi talem olketa Livaet fo helpem hem.
22Besalel, san blong Uri hu hemi san blong Hua long traeb blong Jiuda, hemi wakem evrisamting ya olsem wea Yawe bin talem long Mosis. 23An man fo helpem hem nao hemi Oholiab, san blong Ahisamak long traeb blong Dan. Disfala man hemi save gudfala long wei fo katem olketa gudfala ston fo dekoretem olketa samting, an fo mekem plan blong olketa gudfala samting wea hemi wakem. An hemi save gudfala tu long hao fo wakem barava nambawan waet kaleko, an fo dekoretem olketa kaleko long blu koton, an papol koton, an red koton.
24Olketa gol wea olketa pipol i mektambu long hem fo givim go long Yawe, wea olketa yusim long Tambu Haostent blong hem, hevi blong hem hemi kasem 995 kilo. Taem olketa skelem olketa gol ya, olketa yusim spesol skel blong olketa prist.
25-26Olketa bin mekem sensas fo kaontem olketa man long olketa traeb blong Israel hu i kasem tuenti yia an goap, an namba blong olketa hemi kasem 603,550 man. An evriwan long olketa ya nao i givim wanfala silva seleni fo waka ya. Taem olketa skelem olketa silva ya long spesol skel blong olketa prist, hevi blong hem hemi kasem 3,420 kilo.#Eksodas 30:11-16; Matiu 17:24. 27Olketa yusim 3,400 kilo long disfala silva fo wakem 100 spesol botom ya. Olketa spesol botom ya i blong olketa frem blong Tambu Haostent, an blong olketa pos ya fo hangem bikfala kaleko wea hemi divaedem rum ya long tufala haf. Olsem, fo evri spesol botom ya, olketa yusim 34 kilo long silva long hem. 28An 20 kilo silva wea hemi stap yet, olketa yusim fo wakem olketa reil, an olketa huk long olketa pos, an fo olketa kavarem long antap blong olketa pos ya.
29Evri bras wea olketa pipol ya i mektambu long hem fo givim go long Yawe, hevi blong hem hemi kasem 2,410 kilo. 30Olketa yusim olketa bras ya fo wakem olketa spesol botom fo olketa pos ya blong kaleko fo satem doa blong Tambu Haostent, an fo wakem Olta fo Bonem Sakrifaes an bikfala netwaea blong hem, an evrisamting wea olketa yusim long Olta ya. 31An olketa yusim olketa bras ya tu fo wakem olketa spesol botom fo olketa pos blong fens wea hemi go raonem open eria blong Tambu Haostent, an olketa botom blong olketa pos blong doa blong hem, an olketa samting fo hamarem go insaet long graon fo taengem olketa rop blong Tambu Haostent an olketa rop blong fens long hem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.