1 Kronikols 1
1
Olketa laen blong Adam kam kasem Ebraham
(Jenesis 5:1-32; 10:1-32; 11:10-26)
1Olketa hu i bon kam bihaen long Adam, kam kasem Noa i olsem: Adam hemi bonem Set. Set hemi bonem Enos. Enos hemi bonem Kenan. 2Kenan hemi bonem Mahelalel. Mahelalel hemi bonem Jered. Jered hemi bonem Inok. 3Inok hemi bonem Metusela. Metusela hemi bonem Lamek. Lamek hemi bonem Noa. 4An Noa hemi garem trifala san wea nem blong trifala, Siem, an Ham, an Jafet.
5Olketa san blong Jafet i olsem: Goma, an Megog, an Madae, an Javan, an Tubal, an Mesek, an Tiras.
6Olketa san blong Goma i olsem: Askenas, an Rifat, an Togama.
7An olketa long laen blong Javan i olsem: Elisa, an olketa hu i stap long Spen, an Saepras, an Roj.
8Olketa san blong Ham i olsem: Kus, an Ijip, an Libia, an Kenan.
9Olketa san blong Kus i olsem: Seba, an Havila, an Sabta, an Raama, an Sabteka. An tufala san blong Raama nao i Seba an Dedan.
10An Kus ya hemi garem wanfala san wea nem blong hem Nimrod. Hem nao fas man long wol fo kamap nambawan man fo faet, wea hemi gohed fo winim olketa narafala kantri.
11An olketa san blong Ijip i olsem: Lidia, an Anam, an Lehab, an Naftu, 12an Patrus, an Kasluhu, an Krit. An Krit ya, olketa pipol blong Filistia i bon kam bihaen long hem.
13-14An fasbon san blong Kenan hemi Saedon. An olketa narafala laen wea Kenan hemi olo blong olketa, i olsem: laen blong Het, an laen blong Jebus, an laen blong Amoa, an laen blong Gigas, 15an laen blong Hivi, an olketa blong Aki, an olketa blong Sini, 16an laen blong Avad, an laen blong Semari, an laen blong Hamat.
17An olketa san blong Siem i olsem: Elam, an Asuru, an Afaksad, an Lud, an Aram, an Us, an Hul, an Geta, an Mesek.
18Afaksad ya, hemi bonem Sela, an Sela hemi bonem Eba. 19An Eba hemi bonem tufala san, an hemi kolem fasbon Pileg,#1:19 “Pileg” Long Hibru langguis, nem ya Pileg hemi here olsem wanfala toktok wea hemi minim “divaed”. bikos long taem wea hemi bon, olketa pipol long wol i divaed. An hemi kolem mektu san ya Joktan.
20Olketa san blong Joktan i olsem: Almodad, an Selef, an Hasamavet, an Jera, 21an Hadoram, an Usal, an Dikla, 22an Ebal, an Abimael, an Seba, 23an Ofia, an Havila, an Jobab.
24Nem blong olketa hu i bon kam bihaen long Siem kam kasem Ebram i olsem: Siem hemi bonem Afaksad. Afaksad hemi bonem Sela. 25Sela hemi bonem Eba. Eba hemi bonem Pileg. Pileg hemi bonem Riu. 26Riu hemi bonem Serug. Serug hemi bonem Nehoa. Nehoa hemi bonem Tera. 27An Tera hemi bonem Ebram, wea God hemi sensim nem blong hem an kolem hem Ebraham.
Olketa laen blong Ebraham
(Jenesis 25:1-4, 12-16; 36:1-19)
28Ebraham hemi garem tufala san olsem, Aesak an Ismael.
29Ismael hemi garem tuelfala san, an nem blong olketa, stat long fasbon go kasem lasbon, i olsem: Nebaeot, an Kedaa, an Adbeel, an Mibsam, 30an Misma, an Duma, an Masa, an Hadad, an Tema, 31an Jetua, an Nafis, an Kedema. Hem nao olketa san blong Ismael.
32Ebraham hemi garem narafala woman wea nem blong hem Ketura. Woman ya hemi bonem siksfala san wea nem blong olketa i olsem: Simran, an Joksan, an Medan, an Midian, an Isbak, an Sua. Joksan hemi garem tufala san wea nem blong tufala nao i Seba an Dedan. 33An Midian hemi garem faefala san wea nem blong olketa i olsem: Efa, an Efea, an Hanok, an Abida, an Eldaa. Olketa evriwan i kamaot bihaen long woman ya Ketura.
34Nao Aesak, narafala san blong Ebraham, hemi garem tufala san olsem, Iso an Israel.#1:34 “Israel” Fastaem Israel hemi Jekob, bat God hemi sensim nem blong hem. Lukim Jenesis 32:28.
35Olketa san blong Iso i olsem: Elifas, an Ruel, an Jeus, an Jalam, an Kora. 36Olketa san blong Elifas i olsem: Teman, an Oma, an Sefo, an Gatam, an Kenas, an Timna, an Amalek. 37An olketa san blong Ruel i olsem: Nahat, an Sera, an Sama, an Misa.
Olketa fas pipol blong Idom
(Jenesis 36:20-43)
38Olketa pipol wea i stap fastaem long Idom i bon kam bihaen long olketa san blong Seia. Nem blong olketa san ya i olsem: Lotan, an Sobal, an Sibeon, an Ana, an Dison, an Esa, an Disan. 39An tufala san blong Lotan, i olsem: Hori an Homam. An Lotan hemi garem wanfala sista wea nem blong hem Timna. 40An olketa san blong Sobal i olsem: Alvan, an Manahat, an Ebal, an Sefi, an Onam. An tufala san blong Sibeon i olsem: Aea, an Ana. 41An san blong Ana, hemi Dison. An olketa san blong Dison i olsem: Hamran, an Esban, an Itran, an Keran. 42An olketa san blong Esa i olsem: Bilhan, an Saavan, an Jaakan. An tufala boe blong Disan i olsem: Us, an Aran.
43Bifoa, long taem wea olketa traeb blong Israel i no garem king, olketa pipol long Idom i garem olketa Paramaon Sif olsem, Sif Bela, san blong Beo long Dinaba. 44An taem Bela hemi dae, Jobab san blong Sera long Bosra, hemi kamap Paramaon Sif. 45An taem Jobab hemi dae, Husam blong Teman hemi kamap Paramaon Sif. 46An taem Husam hemi dae, Hadad san blong Bedad long Avit, hemi kamap Paramaon Sif. Bedad ya, hemi bin faet agensim pipol blong Midian long kantri long Moab, an hemi winim olketa. 47An taem Hadad hemi dae, Samla long Masreka, hemi kamap Paramaon Sif. 48An taem Samla hemi dae, Saol long Rehobot hemi kamap Paramaon Sif. Taon long Rehobot, olketa bin wakem kolsap long Yufretis riva. 49An taem Saol hemi dae, Baal-Hanan, san blong Akboa hemi kamap Paramaon Sif. 50An taem Baal-Hanan hemi dae, Hadad blong Pai hemi kamap Paramaon Sif. An waef blong hem, hemi Mehetabel, dota blong Matred, an grandota blong Mesahab. 51Nao Hadad hemi dae.
Olketa pipol blong Idom i garem olketa sif olsem: Timna, an Alva, an Jetet, 52an Oholibama, an Ela, an Pinon, 53an Kenas, an Teman, an Mibsa, 54an Magdiel, an Iram.
Currently Selected:
1 Kronikols 1: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.