YouVersion Logo
Search Icon

TITO 1

1
Ku xeweta.
1Pawulo, nandza wa Xikwembu ni muapostola wa Yesu Kriste, hikwalaho ka ku pfumela ka vahlawuriwa va Xikwembu, ni ku tiva ntiyiso lowu nga ni vukhongeri, 2hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka, 3kambe xi kombisile hi nkarhi lowu fanelaka rito ra xona hi ku dyondzisa loku ndzi ku lerisiweke hi ku lerisa ka Xikwembu, Mulondzovoti wa hina;
4Eka Tito, n'wananga wa xiviri eku pfumeleni loku hi nga na kona swin'we na wena; tintswalo, ni ku rhula, a swi ve na wena, swi huma eka Xikwembu Tatana, ni le ka Hosi Yesu Kriste, Mukutsuri wa hina.
Varisi lava fanelaka ku vekiwa ekerekeni.
5Mhaka leyi ndzi ku siyeleke yona eKreta, hileswaku u hetisela ku lunghisa timhaka leti nga siki lunghisiwaka, u veka vakulukumba emutini wun'wana ni wun'wana, hilaha ndzi ku leriseke hakona; 6loko u kuma munhu la nga riki na xisandzu, a ri nuna wa nsati, un'we, la nga ni vana lava pfumeleke, lava nga soriwiki hikwalaho ka mikhuva leyo biha, kumbe lava nga yingisiki. 7Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela; 8kambe a va munhu la amukelaka vaendzi, la rhandzaka vanhu lavanene, la tlhariheke, la lulameke, la kwetsimeke, la hanyaka hi ku tikhoma, 9la namarhelaka rito hilaha dyondzo yi kombaka hakona a ta lulamela ku khongotela hi dyondzo leyi hanyisaka, ni ku laya vakaneti.
Vadyondzisi va mavunwa.
10Hikuva lavo tala va kona, ngopfungopfu eka lava ku yimba, lava alaka ku yingisa, lava vulavulaka swahava, lava dyelelaka van'wana, valavo swi fanelaka ku va siva nomu, 11lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka. 12Un'wana wa vona, a nga muprofeta wa vona, u te: “Vakreta i vahembi hi masiku, swiharhi leswo biha, makhwiri yo loloha.” 13Loko a va vula sweswo, u vule swinene. Hikwalaho u va tshinya hi matimba, leswaku va pfumala xisandzu eku pfumeleni ka vona; 14va nga tshuki va namarhela mitsheketo ya Vayuda, ni ku lerisa ka vanhu lava fularhelaka ntiyiso.
15Hinkwaswo swi tengile eka lava tengeke; kambe a ku na lexi tengeke eka lava thyaka ni ka lava nga pfumeriki; va nyamisiwile timbilu ni mapfalo. 16Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

Currently Selected:

TITO 1: TSO29

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy