TIPISALEMA 1
1
BUKU YO RHANGA
(Tipisalema 1 – 41)
Lavo lulama ni lavo homboloka.
1Ku katekile munhu la nga fambiki
hi ku letela ka lavo homboloka,
La nga yimiki endleleni ya vadyohi,
La nga tshamisiki exitshan'weni xa vasandzi,
2Kambe a titsakela enawini wa Yehovha,
A wu anakanya nhlekanhi ni vusiku.
3U fana ni murhi lowu simekiweke kusuhi ni milambu ya mati,
Lowu tswalaka mihandzu ya wona hi nkarhi wa wona,
Lowu matluka ya wona ma nga omiki:
Hinkwaswo leswi a swi endlaka swi ta kateka.
4A swi tano ka lavo homboloka:
Va fana ni mungu lowo hungiwaka hi mheho.
5Hikwalaho, lavo homboloka va nga ka va nga yimi eku avanyisiweni,
Hambi va ri vadyohi enhlengeletanweni ya lavo lulama;
6Hikuva Yehovha u tiva ndlela ya lavo lulama,
Kambe ndlela ya lavo homboloka yi helela eku onhakeni.
Currently Selected:
TIPISALEMA 1: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.