Iona 1
1
‘Ua ‘Auina o Iona e le ALI‘I i Nineva. ‘Ua maua e le Afā ‘ina o Sola i Tasesa
1‘Ua o‘o mai le afioga a le ALI‘I ‘iā Iona le atali‘i o Amitai, ‘ua fa‘apea mai,#2 Tu 14.25 2“‘Inā tula‘i ia, ‘inā alu i Nineva i le ‘a‘ai tele, ma ‘alaga atu i ai; auā ‘ua o‘o mai a latou agasala i o‘u luma.”#Kene 10.11-12; 2 Tu 19.36; Nau 1.1; Mata 12.41 3A ‘ua tula‘i Iona e sola i Tasesa a‘i luma o le ALI‘I ‘ua alu ifo fo‘i o ia i Iopa, ma na maua le va‘a a alu i Tasesa; ‘ona avatu ai lea e ia o le totogi ma alu ifo i ai, e ō ma i latou i Tasesa a‘i luma o le ALI‘I.#Kene 4.16; 1 Tu 10.22; Sala 139.9-10; Fa‘aa 18.5 4A ‘ua tu‘uina ifo e le ALI‘I le matagi tetele i le vasa, ‘ona afā tetele ai lea i le vasa, se manū a lepetia le va‘a.#1 Tu 22.48; Sala 48.7; 107.25, 28 5‘Ona matata‘u ai lea o le ‘auva‘a ma latou ta‘itasi ma vala‘au i lona atua; ‘ua latou lafo fo‘i le ‘oloa na i le va‘a i le sami, e fa‘amāmāina ai. ‘Ae peita‘i o Iona na alu ifo o ia i totonu lava o le va‘a; na ta‘oto fo‘i o ia ma moegase.#Galu 27.18-19
6‘Ona alu atu lea o le ali‘iva‘a ‘iā te ia ma fai atu ‘iā te ia, “A fa‘apefea ‘ea oe, lē moe gase? ‘inā tula‘i ia, ‘inā vala‘au i lou Atua, atonu e manatu mai le Atua ‘iā te i tatou, ‘ina ‘ia lē oti i tatou.”
7‘Ona latou fetautalatala‘i lea, “‘Inā ō mai ia, se‘i tatou faia le vili, ‘ina ‘ia tatou iloa po o ai ‘ua o‘o mai ai lenei malaia ‘iā te i tatou.” ‘Ona latou faia lea o le vili, ‘ua fa‘asaga fo‘i le vili ‘iā Iona. 8‘Ona latou fai atu ai lea ‘iā te ia, “‘Inā ta‘u mai ia ‘iā te i matou, po o ai ‘ua o‘o mai ai lenei malaia ‘iā te i tatou? O le a ‘ea lou faiva? O fea ‘ea na e sau ai? O ifea ‘ea lou nu‘u? O ai ‘ea tagata na e tupu mai ai?”
9‘Ona fai mai ai lea o ia ‘iā te i latou, “O a‘u o le Eperu;” “‘Ou te mata‘u i le ALI‘I le Atua o le lagi, o lē na faia le sami ma le ‘ele‘ele matūtū.”#Sala 146.6 10‘Ona matuā fefefe ai lea o ia tagata ma latou fa‘apea atu ‘iā te ia, “Se a lenei mea ‘ua e faia?”
Auā na iloa e ia tagata ‘ua sola o ia a‘i luma o le ALI‘I auā na ia ta‘u atu ai ‘iā te i latou. 11‘Ona latou fai atu ai lea ‘iā te ia, “Se a se mea matou te faia ‘iā te oe, ‘ina ‘ia malū ai le sami mo i matou? Auā ‘ua tuputupu pea le sousou o le vasa.”
12‘Ona fai mai lea o ia ‘iā te i latou, “‘Inā si‘i ia ‘iā te a‘u ma lafo ifo ‘iā te a‘u i le sami, ‘ona malū ai lea o le vasa ‘iā te ‘outou; auā ‘ua ‘ou iloa o a‘u ‘ua o‘o mai ai lenei afā tetele ‘iā te ‘outou.”#Iosu 7.20
13A ‘ua taualo fa‘amalosi lava o ia tagata, ‘ina ‘ia toe o‘o i uta; a ‘ua lē mafaia e i latou auā ‘ua tuputupu pea le sousou o le vasa sa tigā ai i latou. 14‘Ona latou vala‘au atu lea i le ALI‘I ‘ua fa‘apea atu, “Matou te ‘ai‘oi atu ‘iā te oe, le ALI‘I e, ‘aua ne‘i fano i matou ‘ona o le ola o lenei tagata o le a ‘ave‘esea, ‘aua fo‘i ne‘i fa‘ae‘e i luga ‘iā i matou le toto o le tagata e le sala; auā o oe le ALI‘I e, ‘ua e faia le mea ‘ua e finagalo i ai.”#Teu 21.8; Sala 115.3 15‘Ona latou si‘i ‘ae lea ‘iā Iona ma lafo ‘iā te ia i le sami, ‘ona mavae lea o le sousou o le sami.#Sala 65.7; Luka 8.24 16‘Ona matuā matata‘u ai lea o ia tagata i le ALI‘I ma latou faia le taulaga i le ALI‘I ma latou tautō i ni tautoga.#Kene 8.20
17Na tofia e le ALI‘I le i‘a tele e foloina Iona. Na i ai fo‘i Iona i le manava o le i‘a e tolu ao e tolu fo‘i po.#Mata 12.40
Currently Selected:
Iona 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.