YouVersion Logo
Search Icon

Kalatia 1

1
O ‘Upu Fa‘afeiloa‘i
1O Paulo o le ‘aposetolo, e lē mai tagata, e le‘i tofia fo‘i e se tagata, a o Iesu Keriso, ma le Atua le Tamā, o lē na toe fa‘atūina mai o ia i ē ‘ua oti,#Kala 1.11-12 2‘atoa ma le ‘au uso uma lava o ē ‘ua ‘iā te a‘u, i ekalesia i Kalatia.
3‘Ia ‘iā te ‘outou le alofa tunoa ma le manuia mai le Atua le Tamā, ma lo tatou Ali‘i o Iesu Keriso.#Roma 1.7
4O lē na foa‘iina mai o ia e ia ‘ona o a tatou agasala, ‘ina ‘ia lavea‘i mai o ia ‘iā i tatou a‘i le olaga leaga ‘ua i ai nei, e tusa ma le finagalo o le Atua, o lo tatou lava Tamā.#Kala 2.20; 1 Timo 2.6; Tito 3.14; 1 Ioane 5.19 5‘Ia ‘iā te ia le vi‘iga e fa‘avavau fa‘avavau lava, Amene.
E Tasi le Tala Lelei
6‘Ua ‘ou ofo ‘ina ‘ua fa‘apea ‘ona vave liliu‘eseina o ‘outou i lē na vala‘auina ‘outou i le alofa tunoa o Keriso,#1.6 alofa tunoa o Keriso: O nisi fa‘aliliuga; o lona alofa tunoa. ‘ae fa‘asaga i le tala lelei e ‘ese. 7E lē se tasi tala lelei fo‘i lea, a ‘ua i ai nisi tagata#1.7 a ‘ua i ai nisi tagata: O nisi fa‘aliliuga; a o isi tagata. ‘ua fa‘aatuatuvale ‘iā te ‘outou ma fia fa‘aliliu‘eseina le tala lelei a Keriso.#Galu 15.1, 24 8‘Ae peita‘i e ui lava ‘ina tala‘iina e i matou, po o se agelu mai le lagi, ‘iā te ‘outou se tala lelei e ‘ese i lea na tala‘iina atu ai e i matou ‘iā te ‘outou, ‘ia anatema ia.#1 Kori 16.22 9Pei ‘ona matou mua‘i fai atu, ‘ou te toe fai atu ai nei fo‘i, ‘āfai e tala‘iina atu e se isi ‘iā te ‘outou se tala lelei e ‘ese i lea na ‘outou talia, ‘ia anatema ia.
10‘Ou te fa‘amalie ‘ea i ona pō nei i tagata, po o le Atua?#1.10 ‘Ou te fa‘amalie ‘ea i ona pō nei i tagata po o le Atua?: O nisi fa‘aliliuga; ‘Ou te fa‘aaviavi ‘ea i ona pō nei i tagata po o le Atua? ‘Ou te sā‘ili ‘ea ‘ina ‘ia ‘ou fa‘afiafia i tagata? Auā ‘āfai ‘ana ‘ou fa‘afiafia pea i tagata, po ‘ua lē fai a‘u ma ‘au‘auna a Keriso.#1 Tesa 2.4
Pe na Fa‘apefea ‘ona ‘Avea o Paulo ma ‘Aposetolo
11Le ‘au uso e, ‘ou te fa‘ailoa atu ‘iā te ‘outou, e lē se tala lelei fa‘aletagata sa tala‘iina atu e a‘u. 12Auā e le‘i maua lea e a‘u mai le tagata,#1.12 mai le tagata: O nisi fa‘aliliuga; mai se tagata. e le‘i a‘oa‘oina ai fo‘i a‘u, ‘ua na o le fa‘aaliga a Iesu Keriso na ‘ou maua ai.
13Auā ‘ua ‘outou fa‘alogo i la‘u amioga anamua ‘ina ‘ou i le lotu a Iutaia, sa ‘ou matuā sauā lava i le ekalesia a le Atua, ma fa‘ataugā i ai.#Galu 26.4-20 14E sili fo‘i lo‘u alualu i le matā‘upu fa‘a-Iutaia i nisi e to‘atele o lo‘u nu‘u na matou tupulaga fa‘atasi, i lo‘u matuā naunau i ‘uputu‘u a o‘u tamā.#Galu 22.3
15A o le Atua o lē na filifilia a‘u talu ‘ina fānau mai o a‘u ma vala‘auina a‘u i lona alofa tunoa,#Roma 1.1; Iere 1.5; Isai 49.1 16na finagalo fo‘i o ia,#1.16: na finagalo fo‘i o ia: O nisi fa‘aliliuga; na finagalo o ia. e fa‘aali mai lona Alo i totonu ‘iā te a‘u, ‘ina ‘ia ‘ou folafolaina atu i nu‘u ‘ese le tala lelei ‘iā te ia, ‘ona ‘ou lē filifili lea ma tagata.#Kala 2.7; Mata 16.17 17‘Ou te le‘i alu a‘e fo‘i i Ierusalema i ē na mua‘i ‘aposetolo ‘iā te a‘u, ‘ae peita‘i na ‘ou alu i Arapi, ‘ona ‘ou toe fo‘i lea i Tamaseko. 18Na mavae tausaga e tolu, ‘ona ‘ou alu a‘e lea i Ierusalema ‘ina ‘ia ma feiloa‘i ma Kefa, ‘ua pō sefulu ma le lima o ma nonofo ai;#Galu 9.26 19‘ae ma te le‘i feiloa‘i ma se tasi o le ‘au ‘aposetolo, ‘ua nā o Iakopo le uso o le Ali‘i.#Mata 13.55
20O mea fo‘i ‘ou te tusi atu ai nei ‘iā te ‘outou, fa‘auta mai ia, ‘ou te fai atu i luma o le Atua, ‘ou te lē pepelo lava.
21Mulimuli ane ‘ona ‘ou alu atu lea i nu‘u o Suria ma Kilikia;#Galu 9.30 22sa lē iloa o‘u mata e ekalesia a Keriso i Iutaia; 23‘ua nā ‘ona latou fa‘alogo, “O lē na fa‘asauā anamua ‘iā te i tatou, o lo‘o folafola atu e ia i nei ona pō le tala lelei o le fa‘atuatua sa na fa‘ataugāina anamua” 24‘Ona latou vivi‘i ai lea i le Atua ‘ona o a‘u.

Currently Selected:

Kalatia 1: RSCB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy