Galuega 1
1
O ‘Upu Tomua
1Teofilo e: #Luka 1.1-4
Na ‘ou tusia le ulua‘i tala i mea uma lava na amata ‘ona faia e Iesu ma a‘oa‘o atu, 2e o‘o i le aso na ‘aveina a‘e ai o ia, ‘ina ‘ua uma ‘ona poloa‘i atu e le Agaga Pa‘ia i le ‘au ‘aposetolo ē na filifilia e ia. 3‘Ua mavae lona tigā, ‘ona ia fa‘ailoa atu ai lea o ia e ia lava ‘iā te i latou, ‘ua toe soifua mai. ‘Ua fa‘amaonia i fa‘ailoga e tele; e fa sefulu po ‘ua iloa ai o ia e i latou, ma na fetalai atu i mea a le mālō o le Atua. 4Sa fa‘apotopoto fo‘i o i latou ma ia,#1.4 Sa fa‘apotopoto fo‘i o i latou ma ia: po o a o ‘a‘ai latou ma i: po o a o nofo o ia ma i latou. ‘ona fetalai atu lea o ia ‘iā te i latou, “‘Aua le tu‘ua Ierusalema, a ‘ia fa‘atali i le mea na folafolaina e le Tamā, ‘ua ‘outou fa‘alogo ai ‘iā te a‘u.#Luka 24.49 5Auā na papatiso lava Ioane i le vai; a o ‘outou, e papatisoina ‘outou i le Agaga Pa‘ia e lē tele ni aso e vā a‘i.”#Mata 3.11; Mare 1.8; Luka 3.16; Ioane 1.33
O le Afio A‘e o Iesu i le Lagi
(Mare 16.19-20; Luka 24.50-53)
6‘Ua potopoto i latou, ‘ona latou fesili ai lea ‘iā te ia, ‘ua fa‘apea mai, “Le Ali‘i e, o ona po nei ‘ea ‘e te toe fuata‘i mai ai le mālō ‘iā Isaraelu?”
7A ‘ua fetalai atu o ia ‘iā te i latou, “E lē tusa ‘ona ‘outou iloa o ona po ma ona tausaga ‘ua tu‘u ai e le Tamā i lana lava pule. 8‘Ae peita‘i o le a maua e ‘outou le mana, pe ā afio ifo le Agaga Pa‘ia i luga ‘iā te ‘outou; e fai fo‘i ‘outou ma molimau ‘iā te a‘u i Ierusalema ma Iutaia uma lava, ma Samaria, e o‘o lava i le tulu‘iga o le lalolagi.”#Mata 28.19; Mare 16.15; Luka 24.47-48 9‘Ua fetalai atu o ia i ia mea, ‘ona si‘itia lea o ia, a o latou o va‘ava‘ai atu; ‘ua ‘avea fo‘i o ia i le ao nai o latou luma.#Mare 16.19; Luka 24.50-51
10‘Ua latou tulimata‘i a‘e i le lagi, a o afio a‘e o ia, fa‘auta fo‘i, o tagata e to‘alua ‘ua tutū mai ‘iā te i latou ma ‘ofu sisina. 11‘Ua la fai mai, “O ‘outou tagata Kalilaia e, se a le mea tou te tutū ai, ma va‘ava‘ai i le lagi? O Iesu lenā, ‘ua ‘aveina a‘e nai ‘iā te ‘outou i le lagi, e fa‘apea ‘ona toe afio mai o ia, e pei o lona afio atu i le lagi ‘ua ‘outou va‘ava‘ai i ai.”
O le Tofiga o Matatia e sui Tulaga ‘iā Iuta
(Mata 27.3-10)
12‘Ona latou toe fo‘i atu lea i Ierusalema nai le mauga e igoa ia Olive, e latalata lea i Ierusalema, pe tusa lea ma le tasi kilomita lo la vā. 13‘Ua latou o‘o atu, ‘ona ō a‘e lea o i latou i le potu aupitoaluga, ‘ua nonofo ai Peteru, ma Iakopo, ma Ioane, ma Aneterea, o Filipo ma Toma, o Patolomaio ma Mataio, o Iakopo le atali‘i o Alefaio ma Simona le Selote, ma Iuta le atali‘i o Iakopo.#Mata 10.2-4; Mare 3.16-19; Luka 6.14-16 14‘Ua finafinau pea i latou nei uma lava ma le loto gatasi i le tatalo ma le ‘ai‘oi, ‘atoa ma fafine ma Maria le tinā o Iesu, ‘atoa fo‘i ma ona uso.
15O ona po ia na tula‘i ai Peteru i luma o le ‘au so‘o, (o le aofa‘i o igoa o ē na i ai po ‘ua to‘aselau ma le to‘aluafulu;) ‘ua fa‘apea atu. 16“Sema e, le ‘au uso e, ‘ua tatau ‘ona taunu‘u o lenei Tusi, sa mua‘i fetalai mai ai le Agaga Pa‘ia i le fofoga o Tavita ‘iā Iuta, sa fai ma ta‘ita‘i ‘iā te i latou o ē na pu‘e ‘iā Iesu. 17Auā na faitauina o ia fa‘atasi ma i matou, na tofia fo‘i o ia i lenei galuega.”
18Na fa‘atau fo‘i e lenei tagata le fanua i le totogi o le amio leaga; na titō fo‘i o ia ‘ua pā ai lona manava, ‘ua masa‘a ai i fafo lona ga‘au uma lava.#Mata 27.3-8 19‘Ua iloa fo‘i lenei mea e i latou uma ‘ua nonofo i Ierusalema, o le mea lea ‘ua igoa ai lea fanua i la latou lava gagana, o Akeletama, o lona uiga, o le fanua o le toto.
20“Auā ‘ua tusia i le tusi o salāmo,#Sala 69.25; 109.8
‘‘Ia tu‘ufua le mea ‘ua nofo ai o ia,
‘aua fo‘i ne‘i i ai sē mau ai i le mea lea.’
I le ma lea,
‘‘Ia fai lona faiva mo se tasi.’
21O lenei, e tatau ‘ona fai ma molimau fa‘atasi ma i matou nei, i lona toetū, o se tasi o ia tagata sa feoa‘i ma i tatou i ona po uma lava, a o femaliua‘i le Ali‘i o Iesu ma i tatou, 22e āfua mai i le papatisoga a Ioane,#1.22 e āfua mai i le papatisoga a Ioane po o na papatisoina e Ioane o ia. e o‘o lava i le aso na ‘aveina a‘e ai o ia nai ‘iā te i tatou.”#Mata 3.16; Mare 1.9; 16.19; Luka 3.21; 24.51
23‘Ona tu‘u mai lea e i latou o le to‘alua, o Iosefa e igoa ia Pasapa, ‘ua igoa fo‘i ‘iā Iuso, ‘atoa ma Matatia. 24‘Ua tatalo fo‘i i latou, ‘ua fa‘apea atu, “Le Ali‘i e, o oe o lē silafia loto o tagata uma lava, ia ē fa‘ailoa mai po o ai o lā‘ua nei ‘ua e filifilia, 25na te maua le tofi o lenei galuega o le ‘aposetolo, na lafoa‘iina e Iuta ‘ina ‘ia alu o ia i lana lava mea e nofo ai.” 26‘Ona latou faia ai lea o le vili, ‘iā te i lā‘ua ‘ona fa‘asaga ai lea o le vili ‘iā Matatia; ‘ona faitauina fa‘atasi lea o ia ma le ‘au ‘aposetolo e to‘asefulu ma le to‘atasi.
Currently Selected:
Galuega 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.