2 Korinito 1
1
O ‘Upu Fa‘afeiloa‘i
1O a‘u o Paulo, o le ‘aposetolo a Iesu Keriso i le finagalo o le Atua, ma lo tatou uso o Timoteo.
I le ekalesia a le Atua o i Korinito, ‘atoa ma le ‘au pa‘ia uma o i Akaia uma lava.#1 Kori 1.1 2‘Ia ‘iā te ‘outou le alofa tunoa ma le manuia mai le Atua lo tatou Tamā, ‘atoa ma le Ali‘i o Iesu Keriso.#Roma 1.7
O le Fa‘afetai a Paulo i le Atua
3‘Ia fa‘amanūina le Atua, o le Tamā o lo tatou Ali‘i o Iesu Keriso, o le Tamā e ona le alofa mutimutivale, o le Atua fo‘i e ana le fa‘amafanafanaga uma.#Roma 15.5; Efe 1.3; 1 Pete 1.3 4O lē na te fa‘amafanafanaina mai ‘iā te i matou i le matou puapuagā uma lava, ‘ina ‘ia matou mafaia ‘ona fa‘amafanafana atu ‘iā te i latou ‘ua maua i se tasi lava puapuagā, i le fa‘amafanafanaga ‘ua fa‘amafanafanaina ai i matou e le Atua. 5Auā pei ‘ona tele ‘iā i matou o tigā ‘ona o Keriso ‘ua fa‘apea fo‘i ‘ona tele o le fa‘amafanafanaina o i matou e Keriso.#Sala 34.19; 94.19 6Pe ‘āfai ‘ua puapuagātia i matou, ‘ua fa‘apeaina ‘ona o le fa‘amafanafanaina ma fa‘aolaina o ‘outou, o lo‘o matuā galue ma le ‘onosa‘i i ia lava tigā ‘ua matou tigā ai; pe ‘āfai fo‘i ‘ua fa‘amafanafanaina i matou, ‘ua fa‘apeaina ‘ona o le fa‘amafanafanaina ma le fa‘aolaina o ‘outou.#2 Kori 4.15, 17 7‘Ua tumau fo‘i lo matou fa‘atuatua ‘iā te ‘outou; o lo‘o matou iloa, fa‘apei ‘ona fa‘atasia ‘outou i tigā, e fa‘apea fo‘i i le fa‘amafanafanaina.
8Auā le ‘au uso e, matou te loto ‘ina ‘ia ‘outou iloa lo matou puapuagā na o‘o mai ‘iā te i matou i Asia, sa silisili ‘ona mafatia tele ai o i matou, e le‘i a‘u i ai lo matou malosi, na o‘o lava ‘ina matou masalo ai a matou oti.#Galu 19.23; 1 Kori 15.32 9A o i matou, sa i o matou loto le manatu o le a oti, ‘ina ne‘i matou fa‘atuatua ‘iā te i matou, a ‘ia fa‘atuatua i le Atua na te toe fa‘atūina ē ‘ua oti. 10O lē na lavea‘i mai ‘iā i matou ai le oti e matuā leaga, o le a lavea‘i mai fo‘i, ‘ua matou fa‘amoemoe fo‘i ‘iā te ia, na te lavea‘i mai pea ‘iā te i matou.#2 Timo 4.18 11O ‘outou fo‘i o lo‘o fesoasoani mai i le tatalo mo i matou, ‘ina ‘ia fa‘afetai atu le to‘atele ‘ona o i matou i le alofa na o‘o mai ‘iā te i matou ‘ona o le to‘atele.
O le Suiga o Fuafuaga a Paulo
12Auā o lenei le mea matou te mitamita ai, o le mau a le matou loto fuatia ifo, o le pa‘ia ma le fa‘amaoni fa‘aleatua sa matou amio ai i totonu o lenei lalolagi, ‘ae maise i le fa‘afeagai ma ‘outou, e lē ‘ona o le poto fa‘alelalolagi, a o le alofa tunoa o le Atua.#2 Kori 2.17; Epe 13.18; 1 Kori 1.17 13E leai se mea ‘ua matou tusia e lē mafai ‘ona ‘outou faitau ma malamalama i ai; ‘ua ‘ou fa‘amoemoe fo‘i o le a ‘ato‘atoa lo ‘outou malamalama. 14E pei ‘ona fa‘alē‘ato‘atoa nei lo ‘outou malamalama i lenei mea. ‘Ua mafai ai ‘ona ‘outou mitamita ‘ona o i matou ‘ia fa‘apea fo‘i ‘ona matou mitamita ‘ona o ‘outou i le Aso o le Ali‘i o Iesu.#2 Kori 5.12; Fili 2.16
15O lo‘u mautinoa fo‘i i lenei mea, sa ‘ou manatu ai ‘ou te mua‘i alu atu ‘iā te ‘outou, ‘ina ‘ia ‘outou maua fa‘alua se alofa; 16‘ou te ui atu ai ‘iā te ‘outou i Maketonia, ‘ou te toe sau fo‘i ‘iā te ‘outou mai Maketonia, ‘ona molia ai lea o a‘u e ‘outou i Iutaia.#1 Kori 16.5-6 17O lenei, pe i ai ‘ea sa‘u manatu fa‘alētonu ‘ina ‘ua fa‘apea ‘ona ‘ou filifili? Pe ‘ou te filifili ‘ea i la le tino i mea ‘ou te filifili ai, ‘ina ‘ia ‘iā te a‘u le “Ioe, ioe,” ma le “Leai, leai?”#2 Kori 5.16 18‘Ae fa‘amao‘i le Atua, sa lē “Ioe ma Leai” la matou ‘upu ‘iā te ‘outou. 19Auā o le Alo o le Atua, o Iesu Keriso o lē na tala‘iina atu ‘iā te ‘outou e i matou, o a‘u ma Siluano, ma Timoteo, sa lē “Ioe ma Leai,” a ‘ua ‘iā te ia na o le “Ioe lava.” 20Auā o ia o le “Ioe” i mea uma ‘ua folafolaina e le Atua, o le mea lea ‘ua tatou “Amene” ai fo‘i e ala ‘iā te ia, e o‘o ai le vi‘iga o le Atua.#Fa‘aa 3.14 21O lē fa‘atumauina fo‘i i matou fa‘atasi ma ‘outou ‘iā Keriso, ma na fa‘au‘uina i tatou, o le Atua lea;#1 Ioane 2.27 22o lē ‘ua fa‘amaufa‘ailogaina mai i tatou, ma ‘ua foa‘iina mai le fa‘amaoni o le Agaga i o tatou loto.#2 Kori 5.5; Roma 8.16; Efe 1.13-14
23‘Ou te augani fo‘i, ‘ia sisila mai le Atua i lo‘u nei loto, o lo‘u fa‘apelepele ‘iā te ‘outou, na lē o‘o ai la‘u malaga i Korinito.#2 Kori 11.31; Roma 1.9 24E leai fo‘i so matou e fia pule i lo ‘outou fa‘atuatua, a o fesoasoani i matou i lo ‘outou ‘oli‘oli; auā o le fa‘atuatua tou te tumau ai.#1 Pete 5.3
Currently Selected:
2 Korinito 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.