2 Tupu Fa‘atomuaga
Fa‘atomuaga
O le Tusi e Lua i Tupu o le fa‘aauauina pea o talafa‘asolopito i mālō e lua o tagata Isaraelu. E mafai ‘ona vaevaeina le tusi i ni vaega se lua: (1) O tala‘aga o mālō e lua amata mai i le ‘ogātotonu o le iva o seneturi se‘ia o‘o mai i le pa‘ū o Samaria ma le fa‘ai‘uga o pulega o le mālō i matū e fa‘atatau lea i le tausaga e 722 T.L.M; (2) O tala e uiga i le mālō o Iuta amata mai i le pa‘ū o le mālō o Isaraelu; se‘ia o‘o mai i le fa‘atafunaina o le ‘a‘ai i Ierusalema e le tupu o Nepukanesa o Papelonia i le tausaga e 586 T.L.M. ‘Ua fa‘ai‘ui‘uina le tusi e uiga ‘iā Ketalia na tofia e ‘avea ma ali‘i pule o Iuta i lalo o le pulega o le mālō o Papelonia; ma le fa‘asa‘olotoina mai o le tupu o Ioakina mai le falepuipui i Papelonia.
O malaia nei fa‘alemālō e mafua mai ‘ona o le lē fa‘amaoni o tupu ma tagata o Isaraelu ma Iuta i le feagaiga ma le Atua. O le fa‘ato‘ilaloina o Ierusalema ma le ‘ave fa‘amalosia o nisi o tagata o Iuta i Papelonia o se tasi o tala e māsiasi ai tagata Isaraelu. Peita‘i o se auala lea na suia ai ma toe fuata‘iina ai le olaga fa‘atuatua o tagata o Isaraelu.
O se tasi o perofeta ta‘uta‘ua na ‘iloga lona tula‘i mai i lenei tusi, o Elisaia o le sui ia o le perofeta o Elia.
O le Fa‘asologa o Matā‘upu:
‘Ua vaeluaina le mālō 1.1—17.41
a. O le perofeta o Elisaia 1.1—8.15
e. O tupu o Isaraelu ma Iuta 8.16—17.4
i. O le fa‘ato‘ilaloga o Samaria 17.5-41
O le mālō o Iuta 18.1—25.30
a. Mai ‘iā Esekia i le tupu o Iosia 18.1—21.26
e. O le nofoa‘iga a Iosia 22.1—23.30
i. O tupu mulimuli o Iuta 23.31—24.20
o. O le fa‘atafunaga o Ierusalema 25.1-30
Currently Selected:
2 Tupu Fa‘atomuaga: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.