Sup. 1
1
Jiuwá kajekmari̱ tsawant
1Jutanmaya̱ úunt akupin Amuna uchirí̱ Jusías pujumia nu tsawantin Jiuwáa chichame̱n Supunías antukmiayi. Nusha Kusí uchirí̱yayi tura Jetaríasa tiraṉki̱ tura Amarías ni nuyá̱ apachrí̱sha. Nu mash Esekías wea ármiayi.
Jutá asutkiari̱
2Jiuwá chichaak “Ashí nuṉka náṉkatrana tímianiancha mash emeskattajai.
3Aentsnasha, yajasmancha tura yaki̱ya̱ nanamtinniasha
ántsanak namak nayantsanam írunna nunasha emeskattajai.
Tura Yusan enentáimtichu ainia nunasha amuktatjai.
Tura ashí aents nuṉká matsatainia nunasha amukáran atsá awajsattajai” tawai Jiuwá.
4“Jutan kunturun iwiaintiukan nekaska Jerusaréṉnum ashí aents matsatainia nuna asutkiartutai̱ kunturun iwiaintiuktatjai.
Tura ishichik juákaru Paar yusan tikishmátainia nunasha
tura úuntri̱ncha nuyá̱ ántar yusan takarniuncha náari̱n mash asaktúkan emeṉkatrattajai.
5Tura je̱a̱ yakí̱ pujusár nayaimpiniam kakaram írunna nunasha
tura nekas umirkattajai tusar Jiuwáa náari̱ncha páchiniayatan Mírkum yusa náari̱ncha pachisar nekas umirkattajai tuínianka amukártatjai.
6Tura Jiuwai̱ya̱ kanainiancha tura Jiuwan e̱a̱iniachuncha
núnisaran anintrutnasha anintruiniachuncha mashⁱ amukártatjai.”
7Ii Uuntri̱ Jiuwá pujamunmaṉka takamat mitia ajastarum.
Warí, Jiuwá tsawantri̱nkia jeatémayi.
Kame Jiuwaka maa súsatniun iwiaraiti
tura ipiamuri̱ncha iwiarkaiti.
8“Kame maar súsatin Jiuwá iwiarturma nú tsawantinkia peṉkeri̱ ainia nunasha
tura úunt akupniu uchirí̱ áiniana nunasha
ashí aents chíkich nuṉkanmaya̱ aentsua núnisar entsainia nunasha asutiáwartatjai.
9Núnisnak nu tsawantinkia wáitin chíkiarsaṉ naṉkain ainia nunasha
tura anaṉmamawar kakarmaja̱i̱ ni ántar yusri̱ jé̱e̱nia̱n kasamprar
irumainia nunasha asutiáwartatjai.”#1 Sam. 5:5
10Tura Jiuwá chichaak “Nu tsawantin
Namaka Wá̱i̱ti̱a̱i̱ri̱ya̱ nuní̱ wáitiakur untsumma átatui.
Tura chíkich wá̱i̱ti̱a̱i̱nmaṉka yajasma najaimiak uutua núnin antuittiawai.
Tura naint tépepra nui̱ṉkia ti wáitiamu átatui.
11Maktisnumia̱ aentstirmeka tí waitiakrum úttiarum.
Warí ashí pepru sumatairi̱sha tura surutairi̱sha
kuítian ikianin ármania nusha ashí emesnakarai.
12Nu tsawant jeamtai Wi Jerusaréṉkan shirikpiji̱a̱i̱ péṉker sukusan íistatjai.
Tura aents winiu suturtiuk najanar apujsamua núnis pachimiattsuk ni enentáiji̱a̱i̱ enentáimias ‘Jiuwá péṉkernash tura yajauchiniash túratsui’
tu enentáimiá pujuinia núnaka asutiáwartatjai.
13Tu enentáimin ásar wariṉkish takurmakmari̱sha jurunkíttiawai
tura je̱e̱sha emestukma ártatui.
Je̱a̱n je̱a̱mainiaksha pujuschartatui
tura úwan arakmawarsha nuna yumiri̱ncha peṉké umarchartatui”.
14Warí Jiuwá tsawantri̱ uunta nu nuntumsayi.
Maa peṉké jeatak ajasái.
Nu tsawant Jiuwá tsawantri̱nkia yapá núnis tí waitsatin átatui.
Nui̱ṉkia kakaram ainia nusha yáintkiata tusar untsumkartatui.
15Nu tsawantka kajekma tsawantaiti.
Tí waitiakur jata nekaptai̱ tsawantaiti.
Charaatum ajatai̱ emesnakma tsawantaiti.
Tee ajamu kirit ajamu tsawantaiti.
Yuraṉkim utsanar mikintra awajsamu tsawantaiti.
16Péprunam je̱a̱ ti yakí̱ je̱a̱mkamunmasha
tura je̱a̱ utúachmin ainia nui̱sha kachu umpuamu tura meset antutai̱ tsawantaiti.
17Nui̱ṉkia Jiuwá íimmianum tunaan túrawaru ásarmatai wáitsatniuja̱i̱ ashí aentsun asutiáwartatjai.
Túram kusurua áintsar yujartatui tura numpe̱sha nuṉká ju̱yu̱ri̱ya̱
núnisaṉ ukarattawai tura namaṉke̱ṉka ijia áinkiartatui.
18Jiuwá kajekma tsawantinkia aentsu kuítri̱sha kurirí̱sha peṉké uwemtikrachartatui.
Tuma asa ashí nuṉkanka Ni kajekmari̱ji̱a̱i̱ aesak amuktatui.
Ashí aents nuṉká matsatainia núnaka wárikmas mash emeṉkártatui.
Currently Selected:
Sup. 1: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
