Riw. 12
12
Nuwa̱ uchin takus umiktinia nu
1Uunt Yus Muisaisan chicharuk 2“Ashí Israer shuar ju̱ tiartá, nuwa̱ ajapruk áishmaṉkan takuska nantun wainiak imiatkímpra ajana núnis siati tsawant imiatkincha ajas pujustatui. 3Uchi akiiniamunmaya̱ uchu tsawant jeamtai tsupirnaktiniaiti. Naṉ. 17:10-14 4Tura nuwa̱sha imiatkímpra ajasu asa imiatkincha ajastaj tusa ataksha traintitráis tsawant wariṉkish Yusna akantúkma ainia nuna ántitsuk nuyá̱ Yus Shiir Awajtai̱ Je̱a̱nmasha wétsuk pujustiniaiti. 5Antsu nuwa̱ nantú wainiak imiatkímpra ajana núnis nuwa̱chin takuska ataksha imiatkincha ajastaj tusa kinse tsawant pujustatui. Núnisaṉ sasaintia sais tsawant imiatkincha ajastaj tusa nákastiniaiti.
6Nuyá̱ nu nuwa̱sha áishmaṉnaksha nuwa̱nkesha takus imiatkímpramunmaya̱ imiatkincha ajastin tsawantri̱ jeamtai̱ṉkia takamtsuk áestuatniun Yus Shiir Awajtai̱ Je̱á̱ wá̱i̱ti̱a̱i̱ri̱n murikiun chikichík uwí takakun Yúsnan pujurin júkitniuiti. Núnisaṉ yámpits uchichin nuíchuka yámpits úuntan júkitniuiti. Núja̱i̱ṉkia aṉkant ajastatui. 7Nuyá̱ Yúsnan pujurin nuní̱ Uunt Yusa kajetáiri̱n imijiánmatai nuwa̱ imiatkímpra ajasmanum tsaṉkurnarat tusa áestuattawai. Nuja̱i̱ numpa ajapeamuncha imiatkincha awajsamu átatui. Nuwa̱ áishmaṉnasha nuwa̱chincha takuska jú̱ akupkámunka tuke umiktin áiniawai. 8Túrasha murik sumaktinian jeachkuṉka jimiará yampitsan nuíchuka yampitsa uchirí̱n jímiaran itiatniuiti. Chikichnaka Yus shiir awajkur takamtsuk áestuatniun tura chikichnaka ni tunaari̱n áesnati tusa súsatniuiti. Nuyá̱ Yúsnan pujurin nuní̱ Uunt Yusa kajetáiri̱n imijián nuwa̱ imiatkímpramunmaya̱ tsaṉkurnarat tusa áestuattawai. Nuna túramtai nuwa̱ imiatkincha ajastatui.” Tú akupkámiayi Uunt Yus.
Currently Selected:
Riw. 12: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
