Riw. 11
11
Yutai̱ tura yúchatai
1Uunt Yus Muisaisan Araunja̱i̱ chicharainiak 2“Ashí Israer shuar ju̱ ujaktarum ‘Ju̱ nuṉkanam ashí írunna nuyá̱ ju̱ yúatniuitrume, 3nawe̱ chikiaku sa̱a̱ki yuu ainia nu 4túrasha sa̱a̱ki yuu áiniayat nawe̱ chikiakcha ainia nuka yúashtiniaitrume. Kamiyusha sa̱a̱kin yúwaiti túmaitiat nawe̱ chikiakchaiti. Tuma asa yúchatainti. 5Sa̱wa̱ sa̱a̱kin yúwaiti túrasha nawe̱ chikiakchaiti tuma asa yúchatainti. 6Katip sa̱a̱kin yúwaiti túrasha nawe̱ chikiakchaiti tuma asa yúchatainti. 7Kúchisha nawe̱ chikiakuitiat sa̱a̱kin yúchaiti tuma asa yúchatainti. 8Tura yúchatai asamtai namaṉke̱sha yúashtiniaitrume, jakamtaisha peṉké antiṉchatniuitrume, mui̱jmiai̱ enentáimtustarum. 9Ashí entsaya̱ núnisaṉ nayantsanam írunna nusha sáeptin tura waikmatai̱rtin ainia nuke yúatniuitrume. 10Antsu waikmatai̱rtichu, sáeptichu nayantsanam tura ashí entsá írunna nusha peṉké yúchatai mui̱jmiai̱ enentáimtustiniaitrume. 11Kame nuka mui̱jmiai̱ enentáimtustiniaitrume. Nui̱ṉkia nuna namaṉke̱sha peṉké yúchatainti tura jakasha mui̱jmiai̱ enentáimtustiniaitrume. 12Nuiṉkia entsá ashí waikmatai̱rtichu ántsaṉ sáeptichu ainia nuka peṉké yúchatia núnis mui̱jmiai̱ enentáimtustiniaitrume.
13-23 Ashí nanamtinniumia̱ ju̱ yúashtin áiniawai, ampush pinchu chuaṉ nuyá̱ ju̱ja̱i̱ métektaku ainia nu yúashtiniatrume. Antsu yuamnia ainia nuka manchi tura titikriáts nuyá̱ chíkich ju̱ja̱i̱ métek ainia nu yúatin áiniawai. Tura yúashtin táman yaaksha yuaṉka mui̱jmiai̱ ajawai.
24Anairattajna ju̱ yajasman yaaksha jakaan antiṉkia mui̱jmiai̱ ajas ki̱i̱miam pujuttawai. 25Nuyá̱ yaaksha nu jakaan yanakí̱ jukiṉkia pushiri̱n nijiamatniuiti. Tura nijiamasha mui̱jmiai̱ ajas ki̱i̱miam pujuttawai. 26Ashí yajasma nawé̱ chikiakcha tura awakeki̱ itiak naur kú̱jachuka muí̱jmiainti yaaksha nuna takasuka mui̱jmiai̱ ajastatui. 27Tura kuatru náwe̱ntin pitiurí̱ji̱a̱i̱ wekain ainia nuka mui̱jmiai̱ áiniawai. Yaaksha nu yajasma jakaan takasuka mui̱jmiai̱ ajas ki̱i̱miam pujuttawai. 28Nu yajasmaka mui̱jmiai̱ enentáimturtiniaitrume. Tuma asamtai yaaksha nu yajasma jakaan yanakí̱ jukiṉkia pushiri̱n nijiamatniuiti. Tura mui̱jmiai̱ ajas ki̱i̱miam pujuttawai. 29Nuyá̱ nuṉká japinias yujá ainia nu juícham, katip, kuṉkuim ashí mui̱jmiai̱ enentáimtustiniaitrume. 30Kurusha, kaníatscha, entsaya̱ yantanasha, súuntaisha, sumpasha, 31ashí nu yajasma ainia nuka mui̱jmiai̱ ásarmatai péṉke antiṉchatniuitrume. Nuyá̱ nu yajasmanumia̱ jakaa tepá antiṉkrumka tsawant ki̱i̱miam mui̱jmiai̱ ajastatrume.#11:31 Riw. 11:32-44 Shuar chichamnum yapaji̱áchmaiti.
45Warí Wisha Úunt Yusaitjiai, Ejiptunmaya̱ atumí Yusri̱ átaj tusan jí̱i̱kmiajrumna nu. Wi peṉké tunaarincha asamtai atumsha núnisrumek peṉké tunaarincha atarum. 46Ju̱ áiniawai nuṉkaya̱ yajasma, nanamtin tura yajasma entsá yujainia nusha tura ashí yajasma nuṉká japinias wekainia nunasha ashí jintintrámiayi. 47Nuyá̱ yutaiji̱a̱i̱ tura yúchataiji̱a̱i̱ nekaatniun jintintrámiayi. Núnisaṉ yajasma yutai̱ ainia nunasha tura yajasma yúchatai ainia nunasha jintintrámiayi’ titiarum” tímiayi.
Currently Selected:
Riw. 11: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
