Awa. 1
1
Awakúk Yusan seamu
1Yúsnan etserin Awakúk ukunam túrunattana nuna wainkiamia nu. 2Uunt Yusru, wi untsúajmena nusha ¿urutáintsuk antuktam. Tura ti yajauch awajkartuiniawai tusan untsumkuisha urutáintsuk aṉkant awajkartustam? 3¿Urukamtaitsuk timiá mui̱jmiai̱sha tura wáitiamusha iniakturam? ¿Warí, kajernáiyamuncha nuyá̱ mániamuncha núnisaṉ emesnaiyamuncha tura tí yajauch awajnáiyamuncha wáintsujak? 4Maa, túmainiak akupkámu umiktin chichamnasha arantuiniachuk uminiatsui. Kame péṉker túrin aents péṉkeran túrawara̱i̱ṉ tusar yajauch túrin aents éṉkekarai. Túrawar nekasa nuja̱i̱ métek sumamtiktsuk yajauchí sumamtikiainiawai.
Uunt Yus Awakúkan ai̱kma
5Nuyá̱ Uunt Yus chichaak “Chíkich nuṉkanmaani̱ iimsarum nekaatarum. Wi atumíin túrattajna nu ujamsha nekasaiti tíchattarme. Túrasha nu wáinkiurmeka ¡waawaa aushaa! tírum jaká imia ajattarme. 6Pai, nekaata. Yamaikia Kartíu aentsun akuptúkartatjai. Kame nu aentska tí kajen waitnenkartutsuk maṉkartin áiniawai. Tuma ásar aents matsatainian ataṉkí̱ níniuchunak nérentin ajastai tusar nuṉkan enetak yujainiawai. 7Kame tí tsuumai̱ tura ashamái̱ átatui. Núnisaṉ ní wakeramunak túrin áiniawai. 8Ni kawairi̱ṉkia yampiṉkia ya̱wa̱ja̱i̱ naṉkaamas kakaram tséken tura kashi yujá rúpu ya̱wa̱ja̱i̱sha naṉkaamas wari áiniawai. Núnisaṉ tí untsurí ásar kawainium ekemniuri̱sha pinchu kuntinian yuattsa nanaki̱ weruiniana tímiatrusar yajaya̱ ti wárik káutkartatui. 9Ashí nu aentska aya yájauchiniak túrawartaj tusar káunkartatui. Tura naka íimkiar weruiniak aents achirmánka náikmin írumeana tímiatrusar irurartatui. 10Tura akupniúncha wishikiainiak akupniú uchirí̱ṉkia natsanmai̱ chicharkartatui. Núnisaṉ iwiarkar utúachmin awajsamu pépruncha wishikiainiak nuṉkan irutrar utsantuawar nérentin ajasártatui. 11Túrasha uunt nase naṉkaamana núnisaṉ naṉkaamastatui. Kame ni kakarmari̱n yusri̱ya tímiatrus enentáimta asa niṉki makumartatui” tímiayi Uunt Yus.
Yúsnan etserin Awakúk Yusan ataksha timia
12Uunt Yusru, imiá naṉkaamas Tunaarinchá, yámankamtaikniumia̱ṉka ¿Ámechukaitiam? Maa Uunt Yusru ní yajauchiri̱ji̱a̱i̱ṉ asutniáwarat tusamchak Kartíu aentska Amek apujsamam túrasha kátsuram Kayaru nú tura asakmincha amukchartatji. 13Ámeka nekas tí peṉker asam yajauchisha tura yajauch awajkartincha íistin peṉké nakitniuitme. Túmaitiatmesha ¿urukamtai anaṉkartuinia nusha aya íyam? Tura Yusan enentáimtichu niji̱a̱i̱ naṉkaamas péṉkeran túruinia nuna amuiniakuisha ¿urukamtai páchiatsum?
14Nuyá̱ aentssha nayantsanam namak irunainiana tura yajasma nuṉká japinias yujainiana nu úuntri̱nniuk ainia núnis ajasarat tusam tsaṉkamkartukume. 15Warí tsauja̱i̱ tura nekaja̱i̱ namak júuktinia nútiksar aentsun achirar íruiniawai. Túruiniak ti warasar wishiniawai. 16Warí nekarí̱ji̱a̱i̱ ni warirí̱ncha tura yurumkancha tí nukap ikiauntumainia ásar nekaanka tikishmátainiak kuṉkuinian áestuiniawai. Núnaka wararainiak ti shiir enentáimtusar túruiniawai. 17Tuma ásar nekan aju̱ntak juur ataksha aju̱ntkar awajena nútiksar ¿aentsun waitnentsuk amusar pujusártatuak?
Currently Selected:
Awa. 1: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
