KI 111
111
Ka hagarahasia na Araha
1Hagarahasia na Araha!
I mêrihaku hagenani inê be visia koro na Araha
igê na hagarahenga iata na kariana.
2Na tagaraha iana na Araha ka teha ngavê!
Na enoni, ga vagevagesigi,
ka obania, viga tahe tara renigi.
3Na tagaraha iana ka hagahigasia,
ma ka hagabângenia na bâbâhana raha.
Na otohana ki oga tare ma tarema.
4Na Araha ki hagatakusigia tare renigi na mena iana.
Ngaia ki korokoro tangagia ma ki takuigia.
5Ngaia ki hagangêra na enoni, ga rahesia,
ma ki asa, vige bonotenia na suruheri iana henira.
6Ngaia ki bani hagabângenia na raramohana tangara na kariana,
suria i haganahunira renigi na mako iata na enoni getera.
7Na tagaraha iana ka hagabângenia,
vi ngaia ki hagamonarigi tare na tamasinga iana,
ma ki oto na tauhana.
Tahema igia ka girara, ga hagêguri togo
renigi na ramata iana.
8Ngaigi ki goga tare ma tarema.
Ngaigi ki monari ma ki oto.
9Ngaia ki hagatahira na kariana.
Na suruheri iana henira ki oga tare ma tarema.
Na Araha ki raramohaga hunia.
Ki tuguhira na enoni hato, ge rahesia.
10Na hunana na takotako mataha#Job 28.28; Pr 1.7; 9.10.
ngaia ki na rahesiana na Araha.
Renia na enoni hato, ga marupegi na ramata iana,
ka takotako mataha.
Na enoni hato ki tuguhira,
viga hagarahasia na Araha tare ma tarema.
Currently Selected:
KI 111: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
