KI 110
110
Na maneraha na Araha ki atea#Na ki iana o Tavite.
1Na Araha ki vi tanga na maneraha iaku:#Mt 22.44; Mk 12.36; Lk 20.42-43; Ac 2.34-35; 1 Co 15.25; Eph 1.20-22; Col 3.1; He 1.13; 8.1; 10.12-13
“Gu oga so i otoku, be vatego na arahanga,
ma be nakago, ku êguga renira na merongamu.”
2Tenia i Sione na Araha ki page tokorenia rârâ
na arahanga iamu
ma ko page marungira na merongamu.
3Na tangiana, go meraheariha igê na merongamu,
na kariamu ka page uranigo.
Na mane haoru ka page takugo.
Ngaira ka tuguni bâkoro ma ka togatoga,
manga na korupu igê na mahogotana.
4Na Araha ki bani tohe,#He 5.6; 6.20; 7.17, 21
ma ki page hagamonaria na tohenga iana.
“Igo ko mane ni hagarahenga tare, ki bê ki arâ,
igê na tarana manga o Melekiseteki.”
5Na Araha ki tamanigo.
Ngaia ki page teharira na maneraha,
i na matena i mangariaga igê.
6Ngaia ki page surira na enoni hato i maveta.
Na gahuata ka manasia.
Ngaia ki page kamarigi na bêta na maneraha
i maveta hagenani.
7Ma na maneraha ki page tonomia na ve oto
i na akerena na tara.
Vikê ngaia ki page ramoramo
ma ki page tehateha.
Currently Selected:
KI 110: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
