KI 108
108
Na ki ni mavoraro#Na vivita ma na ki iana o Tavite.
Ki 57.7-11; 60.5-12
1God, inê kê hagêguri togo ngavê renigo.
Inê be kirigo ma be hagarahasigo,
ma be vagevage.
2Inê be tarugigi na gita na ma ukelele iaku,
ma be hagaritea na arito.
3Araha, inê be visigo koro ma be kirigo
i pasita na enoni, ga hitenigo.
4Na takuiha tarema iamu ki raha teharia na vavearo.
Na monariha iamu ki raha teharia na bevoa i haha.
5God, gu hagabângenigi na bâbâhamu raha i vavearo
ma na raramohamu raha i ano hagenani.
6Gu hagatahigami renia na raramohamu raha.
Gu aganaria na nunginungi iaku,
hanana na kariamu hetakui ka tahitahi.
7I ruma ni rotu God ki bani tamasi,
ki vi: “Inê kê teha ma be tonganira na kariaku
renirerua Sekemi ma na maruguna i Suko.
8Gileata ma Manase ka na aniku.
Eperemo ki manga na bêata iaku,
ma Juta ki na raramohaku.
9Moaba ki manga na apira ni tanani rima iaku.
Inê be barutukia Etome, suria ki na aniku.
Inê be ngerengere,
suria gê teharira na ai ni Pilisitia.”
10God, ti ki page bêngeniê tanga na hinua raha,
ga panga na panga raha nganganihaga rihia?
Ti ki page bêngeniê tanga i Etome?
11Monari, vi igo ko bani kasi renigami vari?
Igo ko pe tage râ vari
henira na ruruha na mane ni me iamami?
12Gu tamanigami tenira na merongamami,
suria na enoni ki pe araria, vige tamanigami.
13Manga igo, God, ma ku tamanigami,
igami kami page tehateha,
ma igo ko page teharira na merongamami.
Currently Selected:
KI 108: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
