TAHINGA 14
14
Na Isiraelita ka tarêhia na Asi Memera
1Na Araha ki vi tanga o Moise, ki vi: 2“Gu bonasira na Isiraelita ke aporo ma ke mêru i metara i Pi Hagirote i na apenena ga arâ vê igê, na hinua i berarogaterua i Migitore ma na Asi Memera, hagarangia i Bala Seponi. 3Na maneraha i Esipito ki page takusia ma, vi na Isiraelita ka hagatasia na tara ma ka mamêngara, vige aharêvoro igê na bagamasusu raha. 4Inê kê page naka ki togeaga nga hanana i tarigenigamu, ma ki page rongo raha na ataku, suria gê page teharia na maneraha i Esipito henira na mane ni me iana. Vikana na ai ni Esipito ka kahu tahetara, vi inê nga ka na Araha.” Na Isiraelita ka kato vikana.
5Matena na maneraha i Esipito ki rongo, vi na enoni ka bani gava, ngaia ma na kariana ka kahu tako rugu renira, ma ka hagahunira so mareta, ka vi: “E, igia ka kato bera! Tanu hega igia ka hagamarumungenira hura na Isiraelita? Igia ka tê tara renira na kare rakuraku iaka!” 6Na maneraha ki hagananêa na kati ni me iana henira na mane ni me iana. 7Ngaia ki migitavoraha na kati hato iana, ma i berarogani ka vora na 600 na kati ni me ga masingenia na hearihatana. Na ara ni kati ni me hegitigi ka arâ igê na mane ni me. 8Na Araha ki naka na maneraha ki togeaga ki tarigenira na Isiraelita, ga hura ka râ igê na raramohana na Araha. 9Na mane ni me ni Esipito henira na hosi hato iata ma na kati ni me hato iata ma na mane ni me hato igê na hosi ka tarigenira. Ngaira ka tarahura igê an agua hagarangia na Asi Memera, ga tênga igê, hagarangirerua na hinua i Pi Hagirote me Bala Siponi.
10Matena na Isiraelita ka bâsira râ na maneraha ma na mane ni me iana ga arâ me tangara, ngaira ka magu ngavê ma ka avarasia na Araha. 11Ngaira ka hagagege tanga o Moise, ka vi: “I hega, i Esipito ki mareha ngavê igê vari na anoano? I ararigami vigami meme vê i Esipito! Tanu hega go toregami me, kami meme igê? Tanu hega go kato vikana tangagami? Tanu hega go bêngenigami hura tenia i Esipito, hanana vigami mutemute? 12I hega, go pe bani rongo, mi visia tangago? Igami kami bani vi tangago, vigo nakagami vê, kami ama ni voravora nga na kare rakuraku iata na ai ni Esipito. Mi meme ikê igê na masusu ki era ngavê teharia mi vora re na kare rakuraku i Esipito.”
13O Moise ki arami, ki vi: “Siana kamu magu! Mu ramoramo! I ngekê nga na Araha ki page hagatahigamu igê. Mu page bâsia. Igamu kamu page magahuru renira na me ni Esipito ngegana. 14Na Araha ki page meraheariha na merongami pusigamu. Mu ape haritagi so ma!”
15Na Araha ki hagatea o Moise, ki vi: “Tanu hega go avarasie? Gu bonasira na enoni ke uruia nga na râha iata. 16Gu tagarenia ataha i asi na vato iamu, ma ko voasia renia, hanana na Isiraelita ka girara ga tarê mamata i asi. 17Inê kê page nakara na ai ni Esipito hanana ga togeaga nga ka mumurira na enoni, matena ga tarê. Ki page rongo raha na ataku, suria gê page teharira na maneraha ma na mane ni me iana, na kati ni me iana ma na mane ni me igê na hosi. 18Matena gê teharira, na ai ni Esipito, ka page tahetara vi inê ka na Araha.”
19Na angero iana na Araha, i bani nanago tarata na Israelita, i ngekê ngaia ki mumurira. Na u na vaha ki guru râ nikâ i muri, 20i berarogata heri na ai ni Esipito ma na Isiraelita. Na vaha ki rotosira na me ni Esipito ma ki mavesira ma na Isiraelita. Vikana na me ni Esipito ki bara tangara, vige sugarira na Isiraelita.
21O Moise ki tagarenia ataha i asi na rimana. Na Araha ki katoa ki râ me na roga raha tenia i kerekê, ma ki roga suria na bungiana hagenani. Na roga ki uhia râ na asi ma ki voasia, ma na asi ki mamata. 22Na Isiraelita ka tarê igê na tara mamata i asi, na asi igê na apanetaheri. 23Na me ni Esipito ka tarigenira ma ka râ surira igê na tara mamata i asi henira na hosi hato iata ma na kati ni me hato iata ma na mane ni me hato igê na hosi. 24Igê na kakahuagana na tangiana na Araha igê na u na gi ma na vaha ki sirera vato na me ni Esipito ma ki katora ka anumanuma ma ka tugupu. 25Ngaia ki katogi na kati iata ka susu ma ki haga ni bara vige guru râ. Na me ni Esipito ka hetamatamasi, ka vi: “Na Araha kani megiaheariha pusira na Isiraelita. Nika, ge gava!”
26Na Araha ki vi tanga o Moise, ki vi: “Gu tagarenia ataha i asi na rimamu, hanana na asi ke taku aporo hurira na me ni Esipito, na kati ni me iata ma na me igê na hosi.” 27Vikana o Moise ki tagarenia aporo nikâ ataha i asi na rimana ma igê na mahogotana na asi ki taku aporo manga bani hanana. Na me ni Esipito ka uhungia, viga gavagava tenia na asi ma na Araha ki kangira vato i asi. 28Na asi ki aporo hetaku ma ki buhira na me hato ni Esipito henigi na kati ni me iata ma henira na mane ni me igê na hosi, suria ngaira hato ka mumurira na Isiraelita, ga tarêhia na asi. Ngaira hato na me ni Esipito ka tono ka me. I mareha rârâ ta na hitangita vige tahi. 29Nga na Isiraelita ka tarêhia na asi igê na tara mamata ma na asi igê na apanetaheri.
30Na tangiana ngekana na Araha ki hagatahira igê na Isiraelita tenira na ai ni Esipito, ma na Isiraelita ka bâsira na me ni Esipito ga me ka hetâhi i one. 31Matena na Isiraelita ka bâsia na Araha i teharira na ai ni Esipito renia na raramohana raha, ngaira ka hagahigasia ngavê na Araha. Ngaira ka hagêguritogo renia na Araha ma ka tongesuria o Moise na kariana.
Currently Selected:
TAHINGA 14: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAHINGA 14
14
Na Isiraelita ka tarêhia na Asi Memera
1Na Araha ki vi tanga o Moise, ki vi: 2“Gu bonasira na Isiraelita ke aporo ma ke mêru i metara i Pi Hagirote i na apenena ga arâ vê igê, na hinua i berarogaterua i Migitore ma na Asi Memera, hagarangia i Bala Seponi. 3Na maneraha i Esipito ki page takusia ma, vi na Isiraelita ka hagatasia na tara ma ka mamêngara, vige aharêvoro igê na bagamasusu raha. 4Inê kê page naka ki togeaga nga hanana i tarigenigamu, ma ki page rongo raha na ataku, suria gê page teharia na maneraha i Esipito henira na mane ni me iana. Vikana na ai ni Esipito ka kahu tahetara, vi inê nga ka na Araha.” Na Isiraelita ka kato vikana.
5Matena na maneraha i Esipito ki rongo, vi na enoni ka bani gava, ngaia ma na kariana ka kahu tako rugu renira, ma ka hagahunira so mareta, ka vi: “E, igia ka kato bera! Tanu hega igia ka hagamarumungenira hura na Isiraelita? Igia ka tê tara renira na kare rakuraku iaka!” 6Na maneraha ki hagananêa na kati ni me iana henira na mane ni me iana. 7Ngaia ki migitavoraha na kati hato iana, ma i berarogani ka vora na 600 na kati ni me ga masingenia na hearihatana. Na ara ni kati ni me hegitigi ka arâ igê na mane ni me. 8Na Araha ki naka na maneraha ki togeaga ki tarigenira na Isiraelita, ga hura ka râ igê na raramohana na Araha. 9Na mane ni me ni Esipito henira na hosi hato iata ma na kati ni me hato iata ma na mane ni me hato igê na hosi ka tarigenira. Ngaira ka tarahura igê an agua hagarangia na Asi Memera, ga tênga igê, hagarangirerua na hinua i Pi Hagirote me Bala Siponi.
10Matena na Isiraelita ka bâsira râ na maneraha ma na mane ni me iana ga arâ me tangara, ngaira ka magu ngavê ma ka avarasia na Araha. 11Ngaira ka hagagege tanga o Moise, ka vi: “I hega, i Esipito ki mareha ngavê igê vari na anoano? I ararigami vigami meme vê i Esipito! Tanu hega go toregami me, kami meme igê? Tanu hega go kato vikana tangagami? Tanu hega go bêngenigami hura tenia i Esipito, hanana vigami mutemute? 12I hega, go pe bani rongo, mi visia tangago? Igami kami bani vi tangago, vigo nakagami vê, kami ama ni voravora nga na kare rakuraku iata na ai ni Esipito. Mi meme ikê igê na masusu ki era ngavê teharia mi vora re na kare rakuraku i Esipito.”
13O Moise ki arami, ki vi: “Siana kamu magu! Mu ramoramo! I ngekê nga na Araha ki page hagatahigamu igê. Mu page bâsia. Igamu kamu page magahuru renira na me ni Esipito ngegana. 14Na Araha ki page meraheariha na merongami pusigamu. Mu ape haritagi so ma!”
15Na Araha ki hagatea o Moise, ki vi: “Tanu hega go avarasie? Gu bonasira na enoni ke uruia nga na râha iata. 16Gu tagarenia ataha i asi na vato iamu, ma ko voasia renia, hanana na Isiraelita ka girara ga tarê mamata i asi. 17Inê kê page nakara na ai ni Esipito hanana ga togeaga nga ka mumurira na enoni, matena ga tarê. Ki page rongo raha na ataku, suria gê page teharira na maneraha ma na mane ni me iana, na kati ni me iana ma na mane ni me igê na hosi. 18Matena gê teharira, na ai ni Esipito, ka page tahetara vi inê ka na Araha.”
19Na angero iana na Araha, i bani nanago tarata na Israelita, i ngekê ngaia ki mumurira. Na u na vaha ki guru râ nikâ i muri, 20i berarogata heri na ai ni Esipito ma na Isiraelita. Na vaha ki rotosira na me ni Esipito ma ki mavesira ma na Isiraelita. Vikana na me ni Esipito ki bara tangara, vige sugarira na Isiraelita.
21O Moise ki tagarenia ataha i asi na rimana. Na Araha ki katoa ki râ me na roga raha tenia i kerekê, ma ki roga suria na bungiana hagenani. Na roga ki uhia râ na asi ma ki voasia, ma na asi ki mamata. 22Na Isiraelita ka tarê igê na tara mamata i asi, na asi igê na apanetaheri. 23Na me ni Esipito ka tarigenira ma ka râ surira igê na tara mamata i asi henira na hosi hato iata ma na kati ni me hato iata ma na mane ni me hato igê na hosi. 24Igê na kakahuagana na tangiana na Araha igê na u na gi ma na vaha ki sirera vato na me ni Esipito ma ki katora ka anumanuma ma ka tugupu. 25Ngaia ki katogi na kati iata ka susu ma ki haga ni bara vige guru râ. Na me ni Esipito ka hetamatamasi, ka vi: “Na Araha kani megiaheariha pusira na Isiraelita. Nika, ge gava!”
26Na Araha ki vi tanga o Moise, ki vi: “Gu tagarenia ataha i asi na rimamu, hanana na asi ke taku aporo hurira na me ni Esipito, na kati ni me iata ma na me igê na hosi.” 27Vikana o Moise ki tagarenia aporo nikâ ataha i asi na rimana ma igê na mahogotana na asi ki taku aporo manga bani hanana. Na me ni Esipito ka uhungia, viga gavagava tenia na asi ma na Araha ki kangira vato i asi. 28Na asi ki aporo hetaku ma ki buhira na me hato ni Esipito henigi na kati ni me iata ma henira na mane ni me igê na hosi, suria ngaira hato ka mumurira na Isiraelita, ga tarêhia na asi. Ngaira hato na me ni Esipito ka tono ka me. I mareha rârâ ta na hitangita vige tahi. 29Nga na Isiraelita ka tarêhia na asi igê na tara mamata ma na asi igê na apanetaheri.
30Na tangiana ngekana na Araha ki hagatahira igê na Isiraelita tenira na ai ni Esipito, ma na Isiraelita ka bâsira na me ni Esipito ga me ka hetâhi i one. 31Matena na Isiraelita ka bâsia na Araha i teharira na ai ni Esipito renia na raramohana raha, ngaira ka hagahigasia ngavê na Araha. Ngaira ka hagêguritogo renia na Araha ma ka tongesuria o Moise na kariana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific