Hebräa 1
1
Gott rät derch sienen Sän
1Gott, dee en verhäaje Tieden foaken un opp väle veschiedne Wäaj derch de Profeeten to onse Vodasch jerät haft, 2haft nu en dise latste Doag derch sienen Sän to ons jerät. Hee haft am doatoo bestemt, aules to oawen. Derch dän Sän haft Gott uk de Welt jemoakt. #Psa 2,8; Joh 1,3; Kol 1,16 3De Sän strolt de Harlichkjeit von Gott ut, däm hee en siene Oat un Wies uk jeneiw likjent. Derch sien kjraftjet Wuat drajcht un unjahelt hee aules waut doa es. Hee haft ons von de Sinden jereinicht, un sikj dan bie de rajchte Haunt von de Majestät em Himmel jesat. #Mrk 16,19; 2Kor 4,4; Kol 1,15; Heb 9,14.26 4Soo es hee väl hecha to stonen jekomen aus de Enjel, soo väl hecha aus sien Nomen, dän hee jeorwen haft, hecha es aus äara. #Flp 2,9; 1Pet 3,22
De Sän steit gaunz huach
5To woonen Enjel haft Gott jeemols jesajcht:
“Du best mien Sän; ekj sie vondoag dien Voda jeworden?”
Ooda: #2Sam 7,14
“Ekj woa sien Voda sennen, un hee woat mien Sän sennen?” #Psa 2,7
6Gott sajcht, daut wan hee sienen Ieeschtjebuarnen wada enne Welt nenn brinjen woat, “dan sellen aul siene Enjel am aunbäden”. #Psa 97,7; Reema 8,29 7Von de Enjel sajcht hee:
“Hee moakt siene Enjel soo aus Wint, un siene Deena soo aus Fiaflaumen.” #Psa 104,4
8Oba vom Sän sajcht hee:
“Dien Troon, oo Gott, blift emma un eewich.
Du harschst äwa dien #1,8 Eenje oole Schreften sajen sien. Rikj en Jerajchtichkjeit. #Psa 45,7-8
9Du jefst aules rom om jerajcht sennen,
un Ojjerajchtichkjeit kaust du nich lieden.
Doawäajen haft Gott, dien Gott, Freideneelj äwa die jegoten,
mea aus äwa aundre.”
10Hee säd uk:
“Aum Aunfank hast du Har dän Grunt fa dise Welt jelajcht,
un de Himmel sent een Woakj von diene Haunt. #Psa 102,26-28
11Dee woaren vegonen, du oba woascht bliewen.
Dee woaren aula soo aus een Kjleet oolt woaren.
12Du woascht dee opprollen aus een Mauntel,
un dee omtrakjen aus een Kjleet. #1,12 Eenje oole Schreften sajen un dee woaren veendat sennen.
Oba du blifst soo aus du best, un dien Läwen nemt kjeen Enj.”
13Oba to woonen Enjel haft hee jeemols jesajcht:
“Sett hia bie miene rajchte Sied,
bat ekj die von diene Fiend eene Footbenkj moaken woa”? #Psa 110,1
14Sent de Enjel nich aules Deenstjeista, un doatoo jeschekjt, dee waut de Seelichkjeit oawen woaren to deenen? #Psa 34,8; 91,11-12
Currently Selected:
Hebräa 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.