Matäus 1
PB

Matäus 1

1
Jesus – Ziel un Erfellunk von Israel äare Jeschicht
(Luk 3,23-38)
1Dit es daut Buak von de Jeschicht von Jesus Christus, dee von David staumd, dee von Abraham staumd. #1Mo 22,18; 1Chr 17,11
2Abraham wia Isaak sien Voda, Isaak Jakob siena, un Jakob wia Voda äwa Juda un siene Breeda. #1Mo 21,3.12; 25,26; 29,35; 49,10 3Juda haud derch Tamar Perez un Serach. Perez wia Voda äwa Hezron un Hezron äwa Ram. #1,3 Griechisch Aram #(3-6) Rut 4,18-22; 1Mo 38,29-30 4Ram #1,4 Griechisch Aram wia Voda äwa Aminadab, Aminadab äwa Nachschon, un Nachschon äwa Salmon. 5Salmon haud von Rahab dän Boas, un Boas haud Obed von Rut, un Obed wia Voda äwa Isai. #Jos 2,1; Rut 4,13-17 6Isai wia Kjennich David sien Voda. Un David haud von Uria siene Fru dän Salomo. #2Sam 12,24 7Salomo wia Voda äwa Rehabeam, Rehabeam äwa Abija un Abija äwa Asa. #1,7 Griechisch Asaf #(7-11) 1Chr 3,10-16 8Asa #1,8 Griechisch Asaf wia Voda äwa Joschafat, Joschafat äwa Joram, un Joram äwa Usija. 9Usija wia Voda äwa Jotam, Jotam äwa Ahas, un Ahas äwa Hiskia. 10Hiskia wia Voda äwa Manasse, Manasse äwa Amon #1,10 Eenje oole Schreften sajen Amos. un Amon #1,10 Eenje oole Schreften sajen Amos. äwa Josia. 11Josia wia dan Voda äwa Jojachin un siene Breeda aus see no Babel wajchjefieet worden. #2Kjen 25,7.11.21 12Un aus see ieescht no Babel jebrocht wieren, kjrieech Jojachin dän Schealtiel #1,12 Griechisch Salatiel un Schealtiel #1,12 Griechisch Salatiel dän Serubabel. #1Chr 3,17; Esra 3,2 13Serubabel wia Voda äwa Abihud, Abihud äwa Eljakim, un Eljakim äwa Asor. 14Asor wia Voda äwa Zadok, Zadok äwa Achim, un Achim äwa Eliud. 15Eliud wia Voda äwa Eleasar, Eleasar äwa Matan, un Matan äwa Jakob. 16Jakob wia Voda äwa Josef, Maria äaren Maun, von dee Jesus jebuaren wort, dee doa Christus heeten deit. #Luk 1,27
17Von Abraham bat David sent aules toop 14 Jennerazionen. Un von David bat see no Babel vebaunt worden, sent noch emol 14 Jennerazionen. Un von de Vebaununk bat Christus kjeem, sent wada 14 Jennerazionen.
Jesus – Gottessän un Davidsän
(Luk 2,1-7)
18Jesus Christus #1,18 Eenje oole Schreften sajen Christus. siene Jeburt passieed soo aus dit: Aus siene Mutta Maria dän Josef aunvetrut wia, worden see en, ea hee ar no Hus hold, daut see aul vom Heiljen Jeist schwanga wia. #Luk 1,35 19Josef, äa Maun, wia fromm un wull ar nich toschaund brinjen, soo plond hee sikj em stellen von ar loostosajen. 20Oba aus hee dit jeplont haud, seet, dan kjeem dän Harn sien Enjel no am em Droom un säd: Josef, du David sien Sän, schu die nich doafäa, diene Fru Maria no die to nämen, wiels daut, waut see en sikj drajcht, es vom Heiljen Jeist. 21Un see woat eenen Sän to Welt brinjen, dän saust du Jesus nanen, wiels hee woat sien Volkj von äare Sinden raden. #Psa 130,8; Luk 2,21; Apost 4,12 22Daut es aula doawäajen soo romjekomen, daut daut soo wort aus de Har derch dän Profeet jesajcht haud, dee doa säd: #Jes 7,14
23“Kjikjt emol! Eene Mejal woat schwanga sennen
un woat een Sän to Welt brinjen.
Dän woaren see Immanuel nanen”,
daut meent: Gott met ons. 24Aus Josef vom Schlop oppwuak, deed hee waut dän Harn sien Enjel am befolen haud, un neem Maria met no Hus aus siene Fru. 25Hee haud oba kjeen Jeschlajchtsvekjia met ar, bat see äa ieeschten Sän to Welt jebrocht haud. Un hee jeef am dän Nomen Jesus.

Plautdietsch Bible © 2003 Kindred Productions and United Bible Societies Association, Inc.

Learn More About De Bibel