2. Tessalonicha 1
1
Gruss toom Aunfank
1Paulus, Silvanus un Timotäus schriewen no de Jemeent en Tessalonich en Gott ons Voda un em Harn Jesus Christus: #1Tess 1,1
2Mucht Gott de Voda un de Har Jesus Christus junt Jnod un Fräd schenkjen!
Christus kjemt toom Jerecht
3Leewe Breeda, wie motten Gott emma wajch danken fa junt, soo aus sikj daut jehieet. Jun Gloowen waust sea, un june Leew to eenaunda nemt emma too. #1Tess 1,2-3 4Froo vetal wie en Gott siene Jemeenten doavon, woo jie soo jeduldich un tru em Gloowen jebläwen sent bie aul de Vefoljungen un lieden, wuamet jie opp de Proow jestalt worden sent. #2Kor 7,4 5Dit wiest doahan, daut Gott jerajcht rechten woat, un daut Gott junt derch june lieden reedmoaken well fa sien Rikj. #Flp 1,28 6Wiels Gott woat doonen waut rajcht es. Hee woat deejanje, waut lieden äwa junt brinjen, uk doano lieden loten. #Reema 12,19; Opb 18,6-7 7Un junt, dee jie nu lieden motten, woat hee Ru jäwen, jrod soo aus ons. Dit woat hee doonen wan de Har Jesus met siene jewaultje Enjel vom Himmel komen woat en een flaumendet Fia. #(7-10) Mat 16,27; 25,31-46; 1Tess 4,16 8Dan woaren dee jestroft woaren, dee von Gott nuscht weeten wellen un no daut Evangelium vom Harn Jesus nich horchen wellen. #Reema 2,8 9Äare Strof es, eewich veloaren to gonen un von Gott jetrant to sennen, wiet wajch von Gott siene Harlichkjeit un Macht. 10Oba fa dee, dee sikj haben heiljen loten, woat daut ondenkjboare Harlichkjeit bedieden. Aun däm Dach, wan Jesus komen woat, woat hee von de sienje jeieet un veharlicht woaren. Jie woaren uk mank dee sennen, wiels jie jleewen, waut wie junt prädjen.
11Wiels dit soo es, bäd wie to aule Tiet fa junt, daut Gott junt dän Wieet jäwen mucht, wuatoo hee junt utjewält haft. Un daut hee derch siene Krauft junt volkomne Freid aum goodet doonen jeft, un aules jelinjen lat waut jie em Gloowen doonen. 12Soo saul ons Har Jesus sien Nomen en junt veharlicht woaren un jie en am, derch de Jnod von Gott un onsem Harn Jesus Christus.
Currently Selected:
2. Tessalonicha 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.