Oseas 1
1
1Mao#2 Hari 15:1-7; 2 Cron. 26:1-23; 2 Hari 15:32-38; 2 Cron. 27:1-8; 2 Hari 16:1-20; 2 Cron. 28:1-27; 2 Hari 18:1–20:21; 2 Cron. 29:1–32:33; 2 Hari 14:23-29. kini ang gisulti sa Ginoo kang Oseas nga anak ni Beeri sa mga panahon nga si Uzias, si Jotam, si Ahaz ug si Ezequias maoy mga hari sa Juda ug si Jeroboam nga anak ni Joas maoy hari sa Israel.
Ang Asawa ug mga Anak ni Oseas
2Sa unang higayon nga nakigsulti ang Ginoo sa Israel pinaagi kang Oseas, giingnan niya si Oseas, “Lakaw, pangasawag babayeng maluibon ug ang inyong mga anak mahisama usab kaniya. Sa samang paagi ang akong katawhan mibiya ug nagluib kanako.”
3Busa milakaw si Oseas ug gipangasawa niya si Gomer nga anak ni Diblaim. Unya namabdos si Gomer ug nanganak ug batang lalaki. 4Ug#2 Hari 10:11. ang Ginoo miingon kang Oseas, “Nganli siyag ‘Jezreel’ kay sa dili madugay silotan ko ang hari nga kaliwat ni Jehu tungod sa pagpamatay nga gibuhat ni Jehu didto sa Jezreel#1:4 JEZREEL: Dinhi niining siyudara gipatay ni Jehu ang hari sa Israel ug ang tanang sumusunod sa harianong banay ug nahimo siyang hari sa usa ka bag-ong dinastiya (tan-awa sa 2 Hari 9–10). ug taposon ko ang pagkahari sa mga kaliwat ni Jehu. 5Ug niadto unyang adlawa, lumpagon ko ang gahom sa kasundalohan sa Israel didto sa Walog sa Jezreel.”
6Namabdos na usab si Gomer ug nanganak ug babaye. Ug giingnan sa Ginoo si Oseas, “Nganli siyag ‘Wala Higugmaa’#1:6 Wala Higugmaa: Sa Hebreo, Lo-ruhamah. kay dili ko na higugmaon o pasayloon ang katawhan sa Israel. 7Apan higugmaon ko ang katawhan sa Juda ug luwason ko sila pinaagi sa akong gugma nga walay paglubad ug dili pinaagi sa pana o sa espada o sa gubat o sa mga sundalong nagkabayo. Ako, ang Ginoo nga ilang Dios, maoy magluwas kanila.”
8Sa dihang nalutas na ni Gomer si “Wala Higugmaa,” namabdos siya pag-usab ug nanganak siyag batang lalaki. 9Ug miingon ang Ginoo, “Nganli siyag ‘Dili Akong Katawhan’ kay ang katawhan sa Israel dili na akong katawhan ug ako dili na ilang Dios.”
Ipahiuli ang Israel
10Apan#Rom. 9:26. ang katawhan sa Israel mahisama kadaghan sa balas sa baybayon nga dili matakos o maihap. Ug didto sa dapit diin gitawag sila nga “Dili akong katawhan,” tawgon unya sila nga “Mga anak sa buhi nga Dios.” 11Ug mahiusa pag-usab ang katawhan sa Juda ug sa Israel ug magpili silag ilang pangulo. Unya motubo sila ug mouswag ang ilang nasod. Halandumon kaayo ang adlaw ni Jezreel.#1:11 JEZREEL: Sa Hebreo kining ngalana nagkahulogan ug “Ang Dios nagpugas” ug naghulagway sa pagtubo ug kauswagan.
Currently Selected:
Oseas 1: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society