Ezequiel 1
1
ANG UNANG PANAN-AWON NI EZEQUIEL SA DIOS
(1:1–7:27)
Ang Trono sa Dios
1-3Ako,#Gipa. 19:11.#2 Hari 24:10-16; 2 Cron. 36:9-10. si Ezequiel nga pari ug anak ni Busi, usa sa mga Judio nga nabihag sa Babilonia ug nagpuyo sa daplin sa Suba sa Kebar. Sa ikalimang adlaw sa ikaupat nga bulan sa ika-30 nga tuig nakita ko nga nabukas ang langit ug nakakita akog panan-awon gikan sa Dios. (Ikalimang tuig kadto sa pagkabihag ni Hari Joaquin). Ang Ginoo mihatag kanakog mensahe didto sa yuta sa Babilonia daplin sa Suba sa Kebar ug gigamhan ako sa Ginoo.
4Nakita ko ang usa ka unos gikan sa amihanan. Ug gikan sa bagang panganod nagpangidlap ang kilat ug misanag ang langit. Diha sa dapit nga nagpangidlap ang kilat, nakita ko ang daw naggilakgilak nga bronsi. 5Unya#Gipa. 4:6. gikan sa taliwala sa unos, migula ang daw upat ka buhing binuhat. Sama silag hitsura sa tawo 6apan ang matag usa kanila may upat ka nawong ug upat ka pako. 7Tul-id ang ilang bitiis ug ang ilang tiil sama sa tiil sa baka ug naggilakgilak sila sama sa gipasinaw nga bronsi. 8Ilalom sa matag pako may kamot nga iya sa tawo. 9Nag-abot ang tumoy sa ilang mga pako ug sila molupad bisan asa padulong nga dili na kinahanglang moliso.
10May#Ezeq. 10:14; Gipa. 4:7. upat ka nagkalainlaing nawong ang matag binuhat: sa atubangan#1:10 sa atubangan: Sa Hebreo wala kini. nawong sa tawo, sa tuo nawong sa liyon, sa wala nawong sa torong baka ug sa luyo#1:10 sa luyo: Sa Hebreo wala kini. nawong sa agila. 11Mao kini ang ilang mga nawong.#1:11 Mao kini…nawong: Sa ubang sinulat wala kini. Ang duha ka pako sa matag binuhat binukhad busa nag-abot ang matag tumoy niini samtang ang duha ka pako sa matag binuhat maoy nagtabon sa ilang lawas. 12Bisan asa sila padulong dili na sila kinahanglang moliso pa.
13Sa#Gipa. 4:5. taliwala sa mga binuhat dihay morag#1:13 Sa taliwala…morag: Sa Hebreo, Ang mga binuhat nahisama sa. nagsiga nga daw sulo nga nagtaboktabok. Gikan sa maong kalayo nagpangidlap ang kilat. 14Ang mga binuhat nagngadto-nganhi sama ka paspas sa kilat.
15Samtang#Ezeq. 10:9-13. nagtan-aw ako sa upat ka binuhat, nakita ko ang upat ka ligid nga nagtugkad sa yuta, usa tupad sa matag binuhat;#1:15 binuhat: Sa Hebreo, nawong. 16managsama ang upat ka ligid ug migilak sama sa dalag nga mahalong bato. Gibuhat kini sa paagi nga ang matag ligid may lain pang ligid nga nagbabag sa sulod niini aron 17bisan asa kini paingon dili na sila kinahanglang moliso pa. 18Ang#Gipa. 4:8. mga ngilit sa mga ligid nalukop sa mga mata.#1:18 Sa Hebreo dili klaro. 19Asa gani paingon ang mga binuhat adto usab ang mga ligid. Kon ang mga binuhat molupad, molupad usab ang mga ligid. 20Bisan asa buot mopadulong ang mga binuhat mouban paglupad kanila ang mga ligid kay ang mga binuhat man ang nagpalihok niini. 21Kon mosibog ang mga binuhat, mouban usab kanila ang mga ligid; kon mohunong sila, mohunong usab ang mga ligid; kon molupad sila, molupad usab ang mga ligid.
22Ibabaw#Gipa. 4:6. sa mga ulo sa mga binuhat dihay sama sa atop-atop nga naggilakgilak sama sa kristal.#1:22 kristal: Sa Hebreo, kristal nga kahibulongan. 23Sa ubos niini gitul-id pagbukhad sa mga mananap ang ilang duha ka pako ug nag-abot ang ilang isigkapako ug ang laing duha ka pako sa matag binuhat nagtabon sa ilang lawas. 24Kon#Gipa. 1:4-15; 19:6. molupad sila, sama sa dinaguok sa dagat ang kagahob sa ilang mga pako, sama sa tingog sa Labing Gamhanang Dios ug sa kagahob sa kasundalohan. Kon dili na gani sila maglupad, tikyopon nila ang ilang mga pako. 25Ug nabati ko ang usa ka tingog gikan sa ibabaw sa atop-atop nga diha ibabaw sa ilang mga ulo.
26Sa#Ezeq. 10:1; Gipa. 4:2-3. ibabaw sa atop-atop dihay daw trono nga sapiro, ug may naglingkod niini nga daw tawo. 27Ang#Ezeq. 8:2. gikan sa iyang hawak ngadto sa itaas sama sa naggilakgilak nga bronsi ug ang gikan sa iyang hawak ngadto sa ubos daw kalayo nga may naglibot nga kahayag. 28Ang kahayag nga naglibot niini sama sa bangaw diha sa panganod sa panahon nga moulan. Mao kini ang masanag nga kahayag nga nagpadayag sa himaya sa Ginoo.
Mao kini ang kahayag nga nagpadayag sa presensya sa Ginoo.
Currently Selected:
Ezequiel 1: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society