1 Jn 1
1
Yol te chwinqlal
1Nxi qtz'ib'a'ne' kyeye' ti'ju' atitltoq t-xetnejel, aju' oje qb'iye' ex oje qile' kyu'nku' qwitze'. Qu'n qile' ex okqmko'ne' tu'n qq'ob'e'. Aju' Yol te chwinqlal. 2Yek'unjtzu' chwinqlal lu: qile' ex nqtziya'ne', ex nxi' qpakb'a'ne' chwinqlal tejumajx lu kyeye', aju' atitoq tuk'i'l Manb'aj ex ma yek'unjtz qe. 3A nxiqma'ne' kyeye' aju' oje qile' ex oje qb'iye', tu'n kymujb'ante kyib'e' quk'i'le', kse'nqe' mujb'a'n qib'e' tuk'i'l Qman Dyos ex tuk'i'l Jesukrist ju' Tk'wal. 4Nche'x qtz'ib'a'ne' lu kyeye' tu'n ttzqetju' qtzalajb'ile'.
Ate Dyos spik'un
5A tzaj t-xnaq'tza'n Jesukristju' qeye' ex nxi' qpakb'a'ne' kyeye': Ate Dyos spik'un ex mixti' qlolj tuk'i'l. 6Qama qma qa juna'n qib' tuk'i'l Dyos, extzun nqo anq'in toj qlolj, chalyol qo' ex min nqanq'i'n ax. 7Qatzun nqo anq'in toju' spik'un, kse'nte Dyos ati toj spik'un, atitzun mujb'ab'ltz qxol, ex nqo ẍtilset tu'n tchk'el Jesus ju' Tk'wal.
8Qama qma qa mixti' qil, ayo'x nqo sb'unte qib' ex min nqo yolin ax; 9qatzun mab'jaw qma'n qil twitz Dyos, tz'aqlite Dyos ex b'a'n tqe qk'u'j ti'j, kb'el tnajsa'n qil ex qo t-ẍtilsa' te tkyaqil myab'a'n. 10Qama qma qa b'ajx qo b'inchana' il, inok qq'o'n Dyos te chalyol ex min nqk'mo'nju' tyol.
Currently Selected:
1 Jn 1: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999