ESAERA ZAHARRAK 20
20
1Ardoak harrotu egiten du, pattarrak asaldatu;
mozkortzen dena ez da inoiz zuhur izango.#Ardoa 21,17; 23,20-21.29-35; 31,4-5.
2Lehoia orroka bezala da erregea haserre:
suminarazten duenak bere bizia jartzen du arriskuan.#19,12+.
3Gizakiarentzat ohoragarri da liskarretatik ihes egitea;
baina zentzugabea auzitarako beti prest.
4Udazkenean, alferrak ez du sororik landu nahi;
uzta-garaian, bilatu eta ez du ezer aurkitzen.#alferra 6,6+.
5Ur sakonak dira giza pentsamenduak,
zentzudunak asmatzen du ateratzen.#Ur sakonak 18,4+.
6Askok dituzte beren buruak zintzotzat;
baina fidagarria denik, nork aurkitu?
7Zintzoak prestu jokatzen du beti;
zorionekoak haren ondorengo seme-alabak!
8Erregeak, epaimahaian esertzean,
begiratu hutsez haizatzen du gaiztakeria guztia.#Erregea eta zuzenbidea 16,10+.
9Nork esan dezake: «Garbitu dut bihotza,
bekaturik gabe nago?»#inor ez bekaturik gabe Sal 143,2; Koh 7,20; Si 8,5; Erm 3,20; 1 Jn 1,8.
10Pisu faltsuak, neurgailu faltsuak:
biak ditu higuingarri Jaunak.#Pisu faltsuak 11,1+.
11Bere ekintzen bidez adierazten du gazteak
jokaera garbi eta zuzeneko izango ote den.
12Belarria entzuteko eta begia ikusteko:
Jaunak eginak dira biak.#Jaunak eginak Ir 4,11; Sal 94,9.
13Ez zaitez loti izan, behartsu bihurtuko zara eta;
izan begiak zabalik eta ogiz asebeteko zara.
14«Txarra, txarra» esaten du erosleak;
baina hor doa gero, pozik asko egindako erosketaz.
15Bada munduan urrea eta korala ugari;
askoz baliotsuago, ordea, jakintsu mintzo dena.
16Ken iezazkiozu jantziak, hartu zerbait bahituran,
arrotz ezezagunaren fidatzaile bihurtu denari.#27,13. fidatzaile 6,1-5+.
17Gozoa da bidegabeki eskuratutako ogia,
baina gerora, harri-koxkorrak jatea bezala da.
18Egitasmoak aholkuen bidez sendotzen dira,
gerra estrategia egokiaz egiten.
19Hizki-mizkiekin dabilenak isilpekoak ere azaltzen ditu;
ez zaitez, beraz, berritsuekin elkartu.#isilpekoak azaldu 11,13+.
20Bere aita eta ama madarikatzen dituenari
biziaren kriseilua itzaliko zaio iluntasun beltzean.#aita-amak madarikatu 19,26. kriseilua itzali 13,9+.
21Hasieran bizkorregi lortutako aberastasunak
azkenean ez du atarramentu onik izaten.#Ik. 13,11.
22Ez esan: «Emango diot nik horri berea!»
Itxaron Jaunarengan eta berak salbatuko zaitu.
23Jaunarentzat higuingarri dira pisu faltsuak,
ez dira bidezko engainuzko neurgailuak.
24Jaunak segurtatzen ditu gizakiaren pausoak;
nola jakin lezake gizakiak nora doan?#Sal 37,23. Ik. 16,9.
25Arriskutsua da arinkeriaz Jaunari zerbait eskaini
eta, botoa egin eta gero, pentsatzen hastea.#botoak bete Dt 23,22-23; Koh 5,3-5.
26Errege zuhurrak gaiztoak haizatzen ditu,
eultziak garia bezala zanpatzen.
27Giza espiritua Jaunak emandako argia da,
izatea barren-barreneraino arakatzen du.#Giza espiritua argi Jb 32,8; Mt 6,22-23; 1 Ko 2,11.
28Zintzotasunak eta leialtasunak zaintzen dute erregea,
zintzotasunean dago sendo errege-aulkia.#errege-aulkia sendo 16,12+.
29Indarra gaztearen harrotasun, ile urdinak agurearen ohore.#ile urdinak 16,31+.
30Zulatu eta ebakiz osatzen da gaitza#20,30 Lehen lerroko testua ez da segurua.,
zigorrez izakiaren barrena.
Currently Selected:
ESAERA ZAHARRAK 20: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso