JEREMIAS 1
1
PROFETAREN AURKEZPENA (1, 1-19)
1Jeremiasen mezua eta bizitzako gertakariak. Jeremias Hilkiasen semea zen, Benjaminen herrialdeko Anatot#1,1 Anatot: Jerusalemdik iparraldera, 5 km ingurura zegoen herrixka. hirian bizi ziren apaizetariko batena, alegia. 2Mezu hauek Judako errege Amonen seme Josiasen erregealdiko hamahirugarren urtean#1,2 Josias: K.a. 640tik 609ra izan zen errege; bere erregealdiko hamahirugarren urtea K.a. 627/626a da. zuzendu zizkion Jaunak Jeremiasi;#Josiasen erregealdia 3,6; 36,2; 2 Erg 21,24—23,30; So 1,1. hamahirugarren urtea 25,3. Ik. 36,2. 3baita geroago ere, Josiasen seme Joiakim Judako errege izan zen garaitik Josiasen beste seme baten, Sedekiasen, erregealdiko hamaikagarren urtearen azkena arte. Urte horretako bosgarren hilean#1,3 Joiakim: 609tik 598ra izan zen errege, eta Sedekias 598tik 587ra; honen hamaikagarren urteko bosgarren hila K.a. 587ko uztaila da. Jerusalemgo bizilagunak erbesteratu zituzten.#Joiakim 22,13-19; 26,1.21; 35,1; 36,1; 2 Erg 23,36—24,6. Sedekias 21,1-10; 37—38; 2 Erg 24,17—25,7. Jerusalemgo bizilagunak erbesteratu 52,15.28-30; 2 Erg 25,8-21.
Jeremias profeta izendatu
4Honela mintzatu zitzaidan Jauna:
5«Amaren sabelean sortu aurretik
aukeratu zintudan;
sabeletik irten aurretik
sagaratu zintudan
eta profeta izendatu,
nire mezua herriei iragartzeko».#sabelean sortu aurretik Is 49,1.5; Lk 1,15; Ga 1,15. aukeratu (ezagutu) Am 3,2; Erm 8,29. sagaratu 2,3; 12,3; Lb 20,26; Sal 105,15.
6Nik erantzun nion:
«Ai, Jainko Jauna!
Gazteegia#1,6 Gazteegia: Jendaurrean hitz egiteko behar zen adina, hau da, 30 urte (ik. Lk 3,23), ez duela adierazten du Jeremiasek. naiz,
eta ez dezaket hitz egin».
7Baina Jaunak esan zidan:
«Ez esan gazteegia zarenik.
Nik nora#1,7 nora: Honela ere uler daiteke: norengana. bidali,
hara joango zara;
nik zer agindu,
hura esango duzu.#Ez esan Ir 4,11-12. Nik bidali Is 6,8; Ez 2,3-7.
8Ez izan jendearen beldur,
zeurekin izango bainauzu
zu libratzeko.
Hala diot nik, Jaunak».#zeurekin izango nauzu 1,19; 15,20; 30,11; Has 26,24; Ir 3,12; Ep 6,12; Is 7,14; 41,10; Mt 28,20; Erm 8,31.
9Orduan, eskuaz ezpainak ukitu eta esan zidan:
«Neure hitzak jartzen dizkizut
ezpainetan;#ezpainak ukitu Is 6,7; Dn 10,16. Ik. Ez 2,8—3,3. Neure hitzak ezpainetan 5,14; 15,19; Ir 4,12.15; Dt 18,18; 2 Sm 23,2; Is 51,16; 59,21.
10agintea ematen dizut gaur
erreinu eta nazio guztien gain,
erauzi eta iraultzeko,
hondatu eta eraisteko,
eraiki eta landatzeko».#nazioen gain agintea 12,14-17; 25,15-38; 27,1-11; 46—51; Is 42,1; Eg 9,15. erauzi eta irauli… 18,7; 31,28; 45,4; Si 49,7. eraiki eta landatu 18,9; 24,6; 31,28; 32,41; 42,10.
Lehenengo ikuskariak eta agerpenak
11Jaunak galdetu zidan:
—Zer ikusten duzu, Jeremias?
Nik erantzun:
—Almendrondo-adarra ikusten dut erneta.#Zer ikusten duzu? 24,3; Am 7,8; 8,2.
12Eta Jaunak niri:
—Ongi ikusi duzu; bada, halaxe nago ni ere erne#1,12 erne: Hebreeraz erne eta almendro hitzak sustrai berekoak dira eta antzeko doinua dute. neure hitza betetzeko.#ni ere erne nago 31,28; 44,27; Dn 9,14; Ba 2,9. neure hitza betetzeko 23,29; 44,28-29; 51,62-64; Jos 23,14; 1 Sm 3,19; Is 55,10-11; Hab 2,3; Tb 14,4; Mt 5,18; 2 P 3,9.
13Jauna mintzatu zitzaidan berriro:
—Zer ikusten duzu?
Nik erantzun:
—Eltze bat ikusten dut irakiten, iparraldetik hegoalderantz iraultzear.
14Orduan, Jaunak esan zidan:
«Iparraldetik#1,14 Iparraldetik: Iparraldeko bidetik iritsi ohi zitzaizkion sarri Israeli etsaien erasoak eta, beraz, herriaren hondamena (ik. 6,1.22; 47,2; 50,3.9). sortuko da
herrialdeko bizilagun guztiak
joko dituen ezbeharra.#Iparraldetik ezbeharra 4,6; 6,1.22; 10,22; 13,20; 15,12; 25,9; 46,10.20; 47,2; 50,3.41; 51,48; Is 14,31; Ez 38,14-16; Jl 2,20.
15Hara, neuk bilduko ditut
iparraldeko leinu
eta erresuma guztiak.
Etorri eta Jerusalemgo ateetan
kokatuko dira,
harresi inguru guztian,
eta Judako beste hirien aurrean.
Hala diot nik, Jaunak.#Jaunak etsaiak bildu 25,9; Is 5,26. Jerusalemen kokatuko 39,3; 43,10.
16«Zigortu egingo ditut beren txarkeria guztiengatik, ni baztertuz, jainko arrotzei intsentsua erre baitiete eta beren eskuz eginiko idoloen aurrean ahuspeztu.#Jauna baztertu 2,13+. intsentsua erre (idoloei kultu eman) 7,9; 11,12; 18,15; 19,4.13; 32,29; 44,3.17-18.23. 17Zu egon prest aginduko dizudan guztia adieraztera joateko. Ez izan horien beldur; bestela, zeuri sartuko dizut nik horienganako beldurra.#Ez izan beldur 10,2; 30,10. 18Gotorleku egiten zaitut gaur, burdinazko zutabe eta brontzezko hesi, herrialde guztiaren aurka: Judako errege eta buruzagien aurka, apaiz eta herritarren aurka.#brontzezko hesi 15,20; Is 50,7. Ik. Ez 3,8; Mi 3,8. 19Kontra egingo dizute guztiek, baina ez zaituzte menderatuko, zeurekin izango bainauzu zu libratzeko. Nik, Jaunak, esana».
Currently Selected:
JEREMIAS 1: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso