ISAIAS 46
46
Egiazko Jainkoa eta sasijainkoak
1Makurtu da Bel jainkoa,
lur jo du Nebo#46,1 Bel: Izatez titulua da, jaun esan nahi duena; Babiloniako Marduk jainko nazionala adieraz dezake hemen (ik. Jr 51,44; Jr gt 40; Dn 14). Nebo: Jakinduriaren jainkoa Babilonian; ez da beste inon azaltzen Biblian. jainkoak.
Zamariek daramatzate
haien irudiak,
abere nekatuen gainean
karga astun.#jainko-irudiak eramanak Jr 43,12; 48,7.
2Lur jota daude
eta makurturik idoloak,
ezin dituzte eramaileak salbatu;
beraiek ere erbestera doaz.
3«Entzun niri,
Jakoben ondorengook,
Israel herrian bizirik geldituok:
neure gain hartuak zaituztet
amaren sabeletik,
neuk zaramaztet altzotik bertatik,#bizirik geldituak 4,3+; Am 5,15. amaren sabeletik 44,2+; 63,9.
4eta zuek zahartzean ere,
ni beti berbera:
zuei ilea zuritzean ere,
nik eutsiko dizuet.
Orain arte bezala,
aurrerantzean ere
nik eramango zaituztet,
nik eutsi eta salbatuko.#zahartzean ere Sal 71.
5Norekin konparatuko nauzue,
norekin berdinduko?
Norekin parekatuko nauzue,
nire ondoan nor jarriko?#Norekin konparatuko? 40,18+.
6Batzuek urrea poltsatik atera,
zilarra balantzan pisatu
eta zilargina alokatzen dute,
jainkoa egin diezaien,
eta ahuspezturik huraxe gurtzen.#idologileak 40,19+.
7Lepoan harturik eramaten dute;
gero, bere lekuan kokatu
eta hantxe gelditzen da,
inora mugitu gabe.
Deiadar egiten badiote ere,
ez du erantzuten,
ez du inor
bere larrialditik salbatzen.#inor ez salbatzen 45,20+.
Hurbil da askapena
8«Egin gogoeta eta izan kementsu#46,8 izan kementsu: Hemen bakarrik azaltzen den hitz baten ustezko itzulpena.!
Errebeldeok, hartu arreta,
9gogoratu
antzinatik gaurdaino gertatuak.
Neu naiz Jainkoa, ez da besterik;
neu Jainkoa, ez da ni besterik.#ez da besterik 43,10+.
10Hasieratik iragarri dut etorkizuna,
lehendanik
oraindik gertatzekoa dena.
Hauxe diot:
“Nire egitasmoa beteko da,
nik nahi guztia burutuko dut”.#Nire egitasmoa beteko da 44,28+; Sal 33,11; Ef 1,11. Ik. 5,19+; 14,26-27.
11Ekialdetik dei egin diot gizon bati#46,11 gizon bati: Ziro erregeari, alegia (ik. 41,2 oh.).,
urrutiko herrialdetik:
hegazti harrapariaren antzera etorri
eta nire egitasmoa beteko du.
Hala esan dut eta hala gertaraziko,
hala erabaki eta hala egingo.#gizon bati dei 41,25+.
12Entzun niri, burugogorrok,
askapena urruti dela uste duzuenok:
13gertatzear da nire askapen-ekintza,
nire salbamena ez da luzatuko.
Salbamena ekarriko diot Sioni,
neure ospea emango Israeli.#askapen-ekintza, salbamena 45,8+.
Currently Selected:
ISAIAS 46: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso