SOFONIAS 1
1
1Hona hemen Jaunak Sofoniasi zuzendu zion mezua, Amonen seme Josias#1,1 Josias: K.a. 640tik 609ra izan zen errege. Sofonias: Jeremias profetaren garaikoa da. Judako errege zela. Sofonias Kuxiren semea zen, hau Gedaliasena, hau Amariasena eta hau Ezekiasena.#Josias 2 Erg 22,1; Jr 1,2.
JAUNAREN EGUNA (1,2—2,3)
Jaunak lur osoa zigortuko
2Honela dio Jaunak:
«Lurrean den guztia suntsituko dut:
3gizaki eta abere,
hegazti eta arrain.
Gaizkileei estropezu eragingo diet,
eta gizakia lurretik garbituko.#Gizaki eta abere Jr 7,20. hegazti eta arrain Os 4,3.
Jaunak Juda eta Jerusalem zigortuko
4«Judaren aurka eta Jerusalemgo
bizilagun guztien aurka
luzatuko dut eskua.
Baalen#1,4 Baal: Kanaandar jainkorik garrantzitsuenaren izena. kultuaren aztarnak
leku honetatik garbituko ditut,
baita haren zerbitzari eta apaizen
oroitzapena ere.#Baalen kultuaren aztarnak 2 Erg 23,4-5.
5Etxe gainetan ortziko izarrak
gurtzen dituztenak garbituko ditut,
baita, ni gurtzeko zin-hitza emanik,
Milkom jainkoaren#1,5 izarrak gurtu: Manases eta Amon erregeek astroen kultuari indar eman zioten Juda erresuman; mesopotamiar erlijioarena zen, berez, kultu hori (2 Erg 21,3-5.21-22). Milkom jainkoa: Antzinako itzulpenen arabera; hebreerazkoak beren erregea edo beren Melek dakar, hitza jainko baten izentzat hartzen duelarik. Milkom amondarren jainko nazionala zen (ik. 1 Erg 11,7.33). izenean
zin egiten dutenak ere;#Etxe gainetan gurtu 2 Erg 23,12. ortziko izarrak Dt 4,19+.
6orobat garbituko ditut,
niri, Jaun honi, bizkar emanik,
bilatzen ez nautenak
eta niregana jotzen ez dutenak».#Jaunari bizkar eman Is 1,4; 9,12. bilatu Os 5,15+.
7Isilik Jainko Jaunaren aurrean,
Jaunaren eguna gainean baita!
Prestatua du Jaunak sakrifizioa#1,7 sakrifizioa: Sakrifizioak hilketa eta otordua ditu berekin. Hilak izateko ala otorduan parte hartzeko gonbidatu ote ditu Jaunak? Ez da garbi azaltzen zein diren gonbidatuak.,
sagaratu ditu bertara deituak.#Isilik Jaunaren aurrean Am 6,10+. Jaunaren eguna 1,14; 2,2-3; Jl 1,15+. sakrifiziora deituak Ap 19,17-18.
8Honela dio Jaunak:
«Sakrifizio-egunean zigortuko ditut
buruzagiak eta erregearen etxekoak
eta atzerriko erara
jantzita dabiltzanak.
9Egun hartan zigortuko ditut, baita,
atalarri gainetik salto eginez
tenplura sartzen direnak
eta beren Jaunaren etxea#1,9 atalarri gainetik salto egin: Ez dakigu garbi esaera honen esanahia. Badaiteke idolatriazko usadioren bat izatea, 1 Sm 5,5ean ageri denez. beren Jaunaren etxea: Tenpluari buruz esana bezala hartu dugu, baina beren nagusiaren etxe bezala ere uler daiteke.
gogorkeriaz eta iruzurrez
irabazitakoarekin
betetzen dutenak».
10Honela dio Jaunak:
«Egun hartan garrasiak
izango dira Arrain-atean#1,10 Arrain-ate: Hiriaren ipar-mendebaldeko sarrera zen; inguru horretan auzo berria eraikia zen.,
aieneak Hirialde Berrian,
burrunba handia mendixketan.#Arrain-ate Ne 3,3. Hirialde Berria 2 Erg 22,14.
11Egin aiene,
Hiri barreneko bizilagunak,
merkatarienak#1,11 Hiri barren: H.h., Mortairu, Jerusalemgo auzoa. merkatari: H.h., Kanaango herri; Kanaan hitzak merkatari esan nahi du. egin baitu,
dirudunak galduak baitira.#merkatariak Is 23,8; Za 14,21.
12Orduan, kriseiluaz aztertuko dut Jerusalem,
kontuak eskatuko dizkiet
patxada osoan bizi direnei,
beren baitan diotenei:
“Jaunak ezin du ezer egin,
ez onik, ez gaitzik”.#Jaunak ezin ezer egin Jr 5,12; Sal 10,4.11; 14,1; 73,11; 94,7.
13Beren ondasunak
lapurtu egingo dizkiete,
etxeak hondatu.
Etxeak jasoko dituzte,
baina ez dira bertan biziko;
mahastiak landatuko dituzte,
baina ez dute
hango ardorik edango».#probetxugabeko lana Am 5,11+.
Gainean da Jaunaren haserre-eguna
14Gainean da Jaunaren egun handia!
Gainean da, berehala dator!
Oihu garratzak izango dira
Jaunaren egunean:
ausartenak ere garrasi egingo du.#Jaunaren eguna 1,7+. berehala dator Jl 2,1.
15Haserre-eguna izango da,
larritasun- eta nahigabe-eguna,
hondamendi handiko eguna,
ilunpe- eta goibeltasun-eguna,
hodei- eta laino beltzaren eguna.#ilunpe-eguna Am 5,18+.
16Turuta-hotsak eta guda-oihuak
izango dira egun hartan
hiri harresidun
eta dorre garaien aurka.#Turuta-hotsak Jl 2,1+.
17Honela dio Jaunak:
«Larritasuna sartuko diet
gizakumeei,
eta itsuak bezala ibiliko dira,
nire aurka bekatu egin baitute.
Hautsa bezala zabalduko dute
haien odola,
simaurra bezala
haien haragia».#itsuak bezala Dt 28,29; Jb 12,25; Nk 4,14. simaurra bezala Jr 9,21; Sal 79,2-3.
18Ezin izango dituzte
beren zilar-urreek ere salbatu
Jaunaren haserre-egunean:
haren grinaren sugarrak
lur osoa irentsiko du.
Beldurgarria benetan,
lurtar guztiak suntsituko baititu.#zilar-urreek salbatu ez Ez 7,19; Es 11,4. Jaunaren haserrea 2,2; 3,8; Na 1,2. grinaren sugarra 3,8; Dt 4,24; 32,22; Heb 12,29.
Currently Selected:
SOFONIAS 1: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso