Ejekiel 1
1
Ginanyuta me komker pa Lubaŋa
1 #
Yabo 19.11
I nino dwe abic me dwe me aŋwen i mwaka pyeradek noŋo, onoŋo atye abedo kacel ki Lujudaya ma gin opii i ŋet kulu Kebar i lobo Babilon, Ci aneno polo oyabbe, cut atugi neno Lubaŋa i ginanyuta, 2#2 Luker 24.10-16; 2 Tek 36.9-10Man otimme i nino dwe abic i mwaka me abicce cakke ma gitero kabaka Yekoyakin kwede i opii, 3I kare ma atye i lobo pa jo Kaldaya i ŋet kulu Kebar, an Ejekiel wod pa ajwaka Buji, awinyo ka Rwot loko kweda dok awinyo ka Rwot oketo ciŋe i koma.
4I kare ma aneno piny, ci aneno yamo ma kodo mager oa ki i lobo ma tye yo tuŋ acam, kacel ki pol madit ma onoŋo lutkot tye ka wil ki iye, kun mac bedo ka lyel teretere. I dye mac onoŋo tye iye gin ma ryeny macalo mola. 5#Yabo 4.6Doŋ i dye mac man aneno gin mo ma nen calo lee makwo aŋwen. Gubedo calo dano, 6ento ŋat acel acel onoŋo waŋe tye aŋwen, dok bene ŋat acel acel bwome onoŋo tye aŋwen. 7Tyengi ocuŋ atir, ki dye tyengi onoŋo nen calo dye tyen oboŋ wod dyaŋ, ma giryeny calo mola ma gijwayo maleŋ. 8I te bwomgi aŋwen-ni onoŋo tye iye ciŋ aŋwen macalo ciŋ dano, Doŋ gin lee aŋwen-ni onoŋo yam waŋgi ki bwomgi tye kit man: 9bwomgi okubbe ogudo lawotgi, kun ŋat acel acel cito ma okemo nyime atir, giwoto ma kun pe gilokke ka mo. 10#Ejek 10.14; Yabo 4.7Kit macalo waŋgi nen kwede, lee acel acel onoŋo waŋe tye aŋwen mapatpat: ki tuŋ i nyime waŋe nen calo waŋ dano; ki yo tuŋ lacuc waŋe nen calo waŋ labwor, ki yo tuŋ lacam waŋe nen calo waŋ twon, doŋ ki yo tuŋ i ŋeye waŋe nen calo waŋ ocur. 11Waŋgi yam obedo kit meno. Lee acel acel bwome aryo onoŋo oyarre dok otiŋŋe malo kun ogudo wi bwom lee lawote mukene ma cok kwede, ki bwomgi aryo mukene oumo komgi woko. 12Lee acel acel woto kemo nyime atir; ka ma cwinygi onoŋo mito ni gucit iye, giwoto ma kun pe gilokke ka mo. 13I kin lee makwo-ni onoŋo yam tye iye gin ma lyel calo miri mac, ma obedo calo mac ma wirre i kin lee makwo, macce onoŋo lyel maleŋ, ki lutkot bene owil ki i mac kunnu, 14Lee magi bene onoŋo gitye ka wirre gidok tuŋŋi ki tuŋŋi calo mil pa lutkot.
15 #
Ejek 10.9-13
I kare ma aneno lee magi aŋwen, aneno lawala aŋwen ma gudo ŋom, lawala acel acel ocuŋ i ŋet lee acel acel bene. 16Lawala acel acel onoŋo ryeny calo kidi me wel, ci gin lawala aŋwen-ni ducu ginen maromrom, Kit ma gitiyogi kwede nen calo lawala acel acel girwako odonyo i i lawala mukene. 17Ka doŋ gucako wot, gucito ma gukemo yo aŋwen mapatpat ma kun pe gilokke ka mo, 18#Yabo 4.8Gin Lawala magi aŋwen-ni yam doggi tye, cili bene onoŋo tye i komgi, kun waŋ mapol orumo doggi woko ducu litit, 19Ka inen lee makwoni giwoto gicito anyim, ci lawala magi bene giwoto kacel kwedgi, ka ce inen lee gua malo ki i ŋom, ci lawala bene gitiŋŋe kwede malo. 20Ka ma cwiny mito ni gucit iye, gin bene gicito iye, ci lawala bene gitiŋŋe malo gicito kacel kwedgi; pien onoŋo cwiny lee aŋwen-ni tye i i lawala ducu. 21Ka lee tye ka wot, nyo ka gucuŋ woko, dok ka gua malo, ci lawala aŋwen-ni bene gitimo kit meno, pien cwiny lee-gu tye i igi ma miyo gitimo kumeno.
22 #
Yabo 4.6
Ki malo ka wi lee magi makwo-ni onoŋo giriyo iye gin mo ma nen calo pete me polo, ma ryeny aryenya calo pee, kun opette lamalo ka wigi. 23I te pete meno onoŋo guyaro iye bwomgi, kun bwomgi acel acel gukemme ki luwotgi; ki lee acel acel onoŋo tye ki bwome aryo me umo kome woko. 24#Yabo 1.15; 19.6Awinyo bwomgi ka ŋuro i kare ma gitye ka tuk, bwomgi mor calo mor pa pii ma corre, macalo mor pa Won Twer Ducu, ki dok macalo woo madwoŋ pa dwan jo me mony madit; ka gucuŋ mot, ci giumo bwomgi woko. 25Ci dwan owinnye kun oa ki malo i ne pete ma orine malo ka wigi-ni; i kare ma onoŋo gucuŋ mot, guumo bwomgi woko.
26 #
Ejek 10.1; Yabo 4.2-3 Malo i wi pete ma tye ka wigi-ni onoŋo tye iye gin mo calo komker, ma nen calo got capir ma bulu; doŋ gin ma neno calo dano obedo i wi komker meno. 27#Ejek 8.2Gin meno mubedo calo dano-ni onoŋo tye ka ryeny calo mola ocakke ki i pyere odok kwede malo, ma nen calo mac ma omoko orumo kome woko ducu; cakke ki i tuŋ pyere dok kwede piny, onoŋo nen calo mac, mac bene onoŋo tye ka lyel orume woko dyere. 28Nen calo danyu ma nen i kom pol ka i nino me kot, mac ma yam obedo ka lyel ma orume dyere-ni bene obedo kit meno.
Meno aye kit ma yam cal me deyo pa Rwot nen kwede. I kare ma aneno ci atugi poto woko piny aryeba ic, cutcut awinyo dwan ŋat mo ma tye ka loko
Currently Selected:
Ejekiel 1: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.