Tic Pa Lukwena 1
1
Lubaŋa ociko pi bino pa Cwiny Maleŋ
1 #
Luka 1.1-4
I buk mukwoŋo; Teopilo, acoyo iye lok ducu ma yam Yecu ocako tiyo ki pwonyone, 2nio kwede wa i nino ma gitere kwede i polo, i ŋe miyo cik i tek pa Cwiny Maleŋ bot lukwenane ma yam oyerogi. 3Obedo ka nen botgi tyen mapol pi moko ni etye makwo lacen ki i ŋe tone. Obedo ka nen botgi pi nino pyeraŋwen, 4#Luka 24.49 kun pwonyogi ki lok i kom ker pa Lubaŋa. I kare ma obedo kwedgi, ocikogi ni pe gua ki i Jerucalem, ento gukur gin ma Lubaŋa Won ociko pire, kun wacci, “En gin ma con wuwinyo ki bota-ni. 5#Mat 3.11; Mar 1.8; Luka 3.16; Jon 1.33 Jon yam batija dano ki pii, ento odoŋ nino manok ma wun gibibatijawu ki Cwiny Maleŋ.”
Yecu ocito i polo
6Ka gucokke kacel, ci gupenye ni, “Rwot, i kare man en aye ibidwoko iye ker bot jo Icrael bo?” 7En ogamo ni, “Pe wun aye myero wuŋe kare wa nino ma yam Lubaŋa Won omoko i te twero mere. 8#Mat 28.19; Mar 16.15; Luka 24.47, 48 Ento wun wubilimo tek ka Cwiny Maleŋ bibino i komwu, ci wubibedo lucadenna i Jerucalem ki i Judaya ducu ki i Camaria, wa i agikki lobo ducu.” 9#Mar 16.19; Luka 24.50, 51 Ka doŋ otyeko loko lok meno, ci gitiŋe malo, ma gin bene gineno, ka pol ogame woko ki i nyimgi. 10Ka giciko waŋgi malo i kore ma kun en cito, ci nen, jo aryo gucuŋ ka ŋetgi ma guruko kanyi matar, 11ma giwaco ni, “Wun Lugalilaya, piŋo wucuŋ wuneno malo i polo? Yecu man ma doŋ gitiŋo malo ki botwu gitere i polo, bidwogo doki kit macalo wuneno gitere kwede i polo-ni.”
Giyero dano ma myero ole ka tyen Juda
12Ka doŋ gucako dok i Jerucalem ki i wi got Jeituni, ma cok ki Jerucalem, rom ki wot me ceŋ cabit.#1.12 Wot me ceŋ cabit borre cok romo Km.1 13#Mat 10.2-4; Mar 3.16-19; Luka 6.14-16 Ka gudonyo i gaŋ ci gucito i kicika ma malo, ka ma yam gibedo iye-nu, gin aye Petero ki Jon ki Yakobo ki Anderiya, Pilipo ki Tomaci, Bartolomayo ki Matayo, Yakobo wod pa Alipayo, Cimon ma yam obedo i kin jo ma gimito locken, ki Juda wod pa Yakobo. 14Gin ducu gumine ka lega ki cwiny acel, kacel ki mon ki Maliam min Yecu ki omegine.
15I kare meno Petero ocuŋ i kin lwak utmego ma giromo miya acel ki pyeraryo kun wacci, 16“Utmego, lok ma yam gicoyo myero ocobbe kakare, macalo yam Cwiny Maleŋ oloko ki i dog Daudi i kom Juda ma otelo wi jo ma gumako Yecu ca. 17Pien yam gikwano en i kinwa, en bene obedo i dog tic man.” 18#Mat 27.3-8 Dano meno owilo poto ki lim ma onoŋo pi tim aranyine, ka opoto aryeba cwiny ci iye otyer obar woko, cin iye owukke woko ducu. 19Lok man oŋene bot jo ducu ma gibedo i Jerucalem, ci poto meno gilwoŋo ki i lebgi ni Akel-dama, en aye Poto me Remo.
20 #
Jab 69.25;
Jab 109.8
Petero omedo lokke kun wacci,
“Lokke gicoyo i buk me Jabuli ni,
‘Wek kabedone obakke woko,
wek ŋatti mo pe obed iye’;
dok ni,
‘Ticce ŋat mukene oter.’
21Myero giyer ki i kin jo man ma gubedo kwedwa i kare ducu ma Rwot Yecu obedo ka wirre i kinwa, 22#Mat 3.16; Mar 1.9; Luka 3.21; Mar 16.19; Luka 24.51 ma gucako nia wa i kom batija pa Jon nio wa onyoo ma doŋ gitiŋe kwede malo ki i kinwa; wek ŋat acel i kin jo man gikwan kwedwa me bedo lacaden me cerre.” 23Ci gukelo dano aryo. Yucepu ma gilwoŋo Barcaba ma nyiŋe mukene Yucito, ki Matiya. 24Ka gucako lega kun giwaco ni, “Rwot ma iŋeyo cwiny dano ducu, nyut botwa i kin jo man aryo-ni ŋat ma in doŋ iyero, 25me leyo kabedo me tic man ki tero kwenane, ma yam Juda oweko ci olokke odok cen, odok gire i kabedone.” 26Gubolo kwir pigi, ci kwir opoto i kom Matiya, ka giketo en i kom wel lukwena apar wiye acel-li.
Bino pa Cwiny Maleŋ
Currently Selected:
Tic Pa Lukwena 1: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.