1 SAMUEL 25
25
Mitta vi Samuel. David hiɗi Nabal hiɗi Abigayil
1Samuel mita. Sum sa Israyel kaf tok tuwsiya, nisi tiyimu, nisi pum hay ziyna valamu hay Rama. Hay na'ta David fokay kulo'o, kalay hay fulda vi Paran. 2Sa mara kep ka hay Mawon, nam faray ŋolo. Farayna valam ka hay Karmel; fok-dimin birim ɦidi, fok-meen birim kep, nam kal ɗawni hay Karmel kay ka ɗuŋus fok-dimina valam goyo. 3Sa namna semda valam ala Nabal, cata valam ya' ala Abigayil, cat na'ta ti cat ta vaara va' ŋaa'a, jifiy ŋaa'a kaw. May Nabal kayni iram ɗeŋ ŋolo, joo ŋolo hay lopna valam kaf kaw. Nam hay jafna vi Kaleb. 4Ɗawni hay fulda, David hum labara ala Nabal ka ka ɗuŋus fok-dimina valam goyo. 5Nam cuk sum sa joriyon talam doogo, nam ka disi ala: Tuɗgi hay Karmel, tuɗgi kat Nabal. Nigi ma dum ala nan gum deɓisa. 6Nigi ma dum ala: Musaŋ iri hay sle'ta, sle'ta li kay ziyna vaŋu hiɗi nisi sa ir vaŋŋa kafe. 7Wulin kayni nan hum ala sumun ka kuɗaŋu kay ka ɗuŋus fok-dimina vaŋ goyo. Sa ŋomda vaŋ kaw ays hiɗi numa tani; may numa may lisi law ma jooɗi, hay li ma nisi ays tani hay Karmel kayni, sa may vi va kisi noŋɗi. 8Jobaŋ tam sa sunda vaŋ tige, nisi ma daŋu. Naŋ ma li slugot tam sum sa joriyon lakŋi lige, kay numa co kayni hay buur ma firita. Va ma ka hay ɓaŋu naŋ ma vulum mi sa sunda vaŋu hiɗi goora vaŋ David.
9Hay li ma sumuna vi David coowa, nisi di sle namna kaf mi Nabal ki David disi nala. Bugolda nisi ba vunsiya. 10Nabal hot dita tam sa sunda vi David ala: David kayn mi gige? Goora vi Isay kayni mi gige? Wulin kayni sum sa sunda ŋolo ka pir goy hay ɓam mulaysina. 11Nan as yaw funa vanu, niyna vanu hiɗi farayna van ma nan ŋatam mi sum sa lan lop ma ka ɗuŋus fok-dimina, nan vulum goy mi sum sa may arige klan ɗawn vultige?
12Sumuna vi David hot sli hagata, nisi hot bugolsiya; hay li ma nisi co tam David, nisi dum sle namna kafe. 13Nala David di tam sumuna valamu. Gigekaw gaɓ kew-gaferaŋa valamu. Nisi gaɓ kew-gaferaŋa visiya may. David kaw gaɓ kew-gaferaŋa valamu, sumun ir ki kis-fiɗi nala tap kuɗumu. Sumun hin kis-ma' kat jakŋa.
14Kep jar sa sunda vi Nabal co' nam di tam Abigayil cata vi Nabal ala: Humagu, David cuk sumun ay hay fulda pa kay gi deɓ mi sa ŋolla vaya, may nam muɗsi zulo'o. 15May sum nisin kayn luma ŋaa'a ŋolo; nisi may luma va ma jooɗi, hay li ma numa ay hiɗi nisi hay fulda kaf kayni, nisi may sli va kumaɗi. 16Hay liyn kaf ma numa ay hiɗi nisi hay fulda kay ŋom farayn kayni, henjeta hiɗi falayta kaf nisi muɗi ki gulmun ma ŋuyi katman nala. 17Wulin kayn nak ma wi'e, ɗuw va ma nak ma li'e kaw, kay mitta vi sa ŋolla vaya hiɗi ziyna valam kaf ka goboyo, nam kayni joo ŋolo a sa co talam kay dumɗi.
18Wulini wulini Abigayil yaw fum kis-ma', genda vi vinna ma', ŋat fokŋ ma', kotom kaw, wal wana ma hawayna ir tasa vasl, vuɗna vi gulda-gulda ma sorina, ma soy goyn kis, hiɗi hambulla kis-ma' ma koti hiɗi vuɗna vi gu-gumna. Na' lakam kay kurona, 19na' di tam sa sunda va'a: Tuɗgis vokanu, nan ma tuɗis bugolgiya. Na' min di kayni mi jufa' Nabal noŋɗi. 20Na' ɓe kay kurona, na' jik hiɗiyn gaa'a hay hagat ta ya' kusuɓita; ɗuw na kayni, David hiɗi sumuna valam ka tuɗay kira'a, na' tupa digsi til'. 21David ka di ala: San kayni slena valam ma hay fulda kaf nan ŋomom kayn dolay ɦawa'a, slena valamu nan may vi kuɗum kep noŋɗi; nam hotan jootawa baŋal ŋaata. 22Slena vi Nabal kayni, la nan hin mara kuɗum iriya ta-ta hay li ma liyn fo goy grawta ni, Lawn ma lan joo lige.
23Hay li ma Abigayil wi David, na' jik gaa kay kuron gosoyo, dab voka' gaa'a vok David, girif gaa kay nagata. 24Bugolda na' gi tuwa' gaa selemu di'e: Joot van nanu, mulla vanu. Hin gorvota vaŋu daŋ va neɗe, humaŋ dita vi gorvota vaŋ humge. 25Mulla vanu, naŋ ma tun ŋalda vaŋ kay sa namna ma joon kaynɗige. Namu mi Nabal, kay nam ki selem ma tunin nala, Nabal kayn mi selemu, ɦoyta ka talamu. Sum sa naŋ cuksisna nan gorvota vaŋu iran may wisiɗi. 26Wulin kayni, mulla vanu, hay semda vi Lawn ma irina, hay semda vaŋ naŋ kaw, sa ma telaŋ kay ɦok busuwn goy kayni mi Ma-Vatɗina. A sum sa gaw kaŋŋa hiɗi nisi sa min laŋ joona muɗ ki Nabal nala muɗge. 27Naŋ ma vi vulda ta gorvota vaŋ maraŋga kayni, naŋ ma ɓurawa' tam sum sa ka hiɗi naŋu. 28Nan siɗawaŋu kay naŋ ma vul gida kay joota vi gorvota vaŋu, kay Ma-Vatɗin ma cukaŋ ziy ma ge'ɗina; vulan gida, kay naŋ durum kayni mi duura vi Ma-Vatɗina, joota sa as fa' hayaŋ noŋɗi kaw. 29La sumun yaway kulo kaŋu kay digiɗaŋu, nisi min caŋ goyo kaw, Ma-Vatɗina Lawna vaŋu ma ŋom irita vaŋ dok-doko, nam ma ŋoma' katamu, may sa gaw kaŋŋa nam ma gi irita visi goy gine hiɗi namu, ki hiɗi tiwlekŋa nala. 30Ŋaata ta Ma-Vatɗina di'e kay nam min li taŋu, hay li ma naŋ coowa haya'a, hay li ma nam tumaŋawa ŋolo kay Israyel, 31naŋ ma yor tuwaŋu lebo ci las hay dikaŋ ala, busuw ma naŋ jaŋam goyn kayn goy ɦawa'a lebo, naŋ job yaŋ kay tuwaŋ kayn kay mige naŋ ma yor tuwaŋ naɗi. Hay li ma Ma-Vatɗin li ŋaatawa tam mulla vanu, humaŋ ma gaŋ kay gorvota vaŋ gi ge.
32David di tam Abigayil: Bolda ka kay Ma-Vatɗina, Lawna vi Israyel, nam ma gag ay vaydi kay ŋaf hiɗi nanu. 33Bolda kay varta vag ta ŋaata, bolda kagu kaw, naku ti ta telan vaydi kay ɦok busuw goyo, nak ta van ɓan goyo. 34May Ma-Vatɗina, Lawna vi Israyel, nam ma telan kay lag joon ka iriya, la nak li tuwag liy koloyo kay co ŋaf hiɗi nanɗi, wulin pa ta-ta liyn fo goy grawt kayni, va mara mige kaw ma hin kuɗ Nabal mayɗi. 35Slen ma Abigayil maramna David yawam hay ɓa'a, nam di ta'a: Wulin kayni hotag vo hay ziyna vag hiɗi sle'ta; ɗuwa, nan humag vunagawa, kuɗ kayni nan vag hiɗi firita.
36Abigayil co kat Nabal, ɗuw kayni nam ka hay ziyna valam li yuldeta ki yuldeta vi mulla nala, dikam ka firi ŋolo, nam wiyiki goy noŋo kay dolayna. Na' min dum va noŋ ne'ɗi, ta-ta liyn fo goyo. 37May hay graw culumta, wiyikŋa vi Nabal vatawa, cata valam vum labara kay law ma lina. Nala Nabal dikam bulak ŋolo ki nam miti nala, dikam muɗ ki hiɗiyn nala. 38Ir ki buur doogo nala bugolda kayni Ma-Vatɗin cumu, nam mita.
39David hum ala Nabal mitiya, nam di'e: Bolda ka kay Ma-Vatɗina, ma gut kuɗanu kay ŋulda ta Nabal ŋulanu, ma tel sa ma sunda valamu kay li va ma joo'o. Ma-Vatɗin gi joota vi Nabalawa kalamu. David gi sunu kay job tam Abigayil a na' muɗ goy cata valamu.
40Sa sunda vi David co vi Abigayil hay Karmel, nisi da' ala: David cukma'ay kayn katagu, kay nam min slag ca'a. 41Na' fok kulo'o, dab voka' gaa kay nagata, ka di'e: Humaŋu, gorvota vaŋ zawni ma li lop ma muz sem sa sunda vi mulla. 42Wulini wulini Abigayil kaliya, musi kay kurota, guro-boyn kuɗa' vasl may, na' tap kuɗ sunda vi David ta nam da'ayta, na' muɗ goy cata valamu.
43David sli Ahinowam ta hay Yisreel kaw, nisi ma' kaf muɗi si boyna valamu. 44Mikal cata vi David bu' Sawul vula' mi Palti ma Gallimna, goora vi Layis.
Currently Selected:
1 SAMUEL 25: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
1 SAMUEL 25
25
Mitta vi Samuel. David hiɗi Nabal hiɗi Abigayil
1Samuel mita. Sum sa Israyel kaf tok tuwsiya, nisi tiyimu, nisi pum hay ziyna valamu hay Rama. Hay na'ta David fokay kulo'o, kalay hay fulda vi Paran. 2Sa mara kep ka hay Mawon, nam faray ŋolo. Farayna valam ka hay Karmel; fok-dimin birim ɦidi, fok-meen birim kep, nam kal ɗawni hay Karmel kay ka ɗuŋus fok-dimina valam goyo. 3Sa namna semda valam ala Nabal, cata valam ya' ala Abigayil, cat na'ta ti cat ta vaara va' ŋaa'a, jifiy ŋaa'a kaw. May Nabal kayni iram ɗeŋ ŋolo, joo ŋolo hay lopna valam kaf kaw. Nam hay jafna vi Kaleb. 4Ɗawni hay fulda, David hum labara ala Nabal ka ka ɗuŋus fok-dimina valam goyo. 5Nam cuk sum sa joriyon talam doogo, nam ka disi ala: Tuɗgi hay Karmel, tuɗgi kat Nabal. Nigi ma dum ala nan gum deɓisa. 6Nigi ma dum ala: Musaŋ iri hay sle'ta, sle'ta li kay ziyna vaŋu hiɗi nisi sa ir vaŋŋa kafe. 7Wulin kayni nan hum ala sumun ka kuɗaŋu kay ka ɗuŋus fok-dimina vaŋ goyo. Sa ŋomda vaŋ kaw ays hiɗi numa tani; may numa may lisi law ma jooɗi, hay li ma nisi ays tani hay Karmel kayni, sa may vi va kisi noŋɗi. 8Jobaŋ tam sa sunda vaŋ tige, nisi ma daŋu. Naŋ ma li slugot tam sum sa joriyon lakŋi lige, kay numa co kayni hay buur ma firita. Va ma ka hay ɓaŋu naŋ ma vulum mi sa sunda vaŋu hiɗi goora vaŋ David.
9Hay li ma sumuna vi David coowa, nisi di sle namna kaf mi Nabal ki David disi nala. Bugolda nisi ba vunsiya. 10Nabal hot dita tam sa sunda vi David ala: David kayn mi gige? Goora vi Isay kayni mi gige? Wulin kayni sum sa sunda ŋolo ka pir goy hay ɓam mulaysina. 11Nan as yaw funa vanu, niyna vanu hiɗi farayna van ma nan ŋatam mi sum sa lan lop ma ka ɗuŋus fok-dimina, nan vulum goy mi sum sa may arige klan ɗawn vultige?
12Sumuna vi David hot sli hagata, nisi hot bugolsiya; hay li ma nisi co tam David, nisi dum sle namna kafe. 13Nala David di tam sumuna valamu. Gigekaw gaɓ kew-gaferaŋa valamu. Nisi gaɓ kew-gaferaŋa visiya may. David kaw gaɓ kew-gaferaŋa valamu, sumun ir ki kis-fiɗi nala tap kuɗumu. Sumun hin kis-ma' kat jakŋa.
14Kep jar sa sunda vi Nabal co' nam di tam Abigayil cata vi Nabal ala: Humagu, David cuk sumun ay hay fulda pa kay gi deɓ mi sa ŋolla vaya, may nam muɗsi zulo'o. 15May sum nisin kayn luma ŋaa'a ŋolo; nisi may luma va ma jooɗi, hay li ma numa ay hiɗi nisi hay fulda kaf kayni, nisi may sli va kumaɗi. 16Hay liyn kaf ma numa ay hiɗi nisi hay fulda kay ŋom farayn kayni, henjeta hiɗi falayta kaf nisi muɗi ki gulmun ma ŋuyi katman nala. 17Wulin kayn nak ma wi'e, ɗuw va ma nak ma li'e kaw, kay mitta vi sa ŋolla vaya hiɗi ziyna valam kaf ka goboyo, nam kayni joo ŋolo a sa co talam kay dumɗi.
18Wulini wulini Abigayil yaw fum kis-ma', genda vi vinna ma', ŋat fokŋ ma', kotom kaw, wal wana ma hawayna ir tasa vasl, vuɗna vi gulda-gulda ma sorina, ma soy goyn kis, hiɗi hambulla kis-ma' ma koti hiɗi vuɗna vi gu-gumna. Na' lakam kay kurona, 19na' di tam sa sunda va'a: Tuɗgis vokanu, nan ma tuɗis bugolgiya. Na' min di kayni mi jufa' Nabal noŋɗi. 20Na' ɓe kay kurona, na' jik hiɗiyn gaa'a hay hagat ta ya' kusuɓita; ɗuw na kayni, David hiɗi sumuna valam ka tuɗay kira'a, na' tupa digsi til'. 21David ka di ala: San kayni slena valam ma hay fulda kaf nan ŋomom kayn dolay ɦawa'a, slena valamu nan may vi kuɗum kep noŋɗi; nam hotan jootawa baŋal ŋaata. 22Slena vi Nabal kayni, la nan hin mara kuɗum iriya ta-ta hay li ma liyn fo goy grawta ni, Lawn ma lan joo lige.
23Hay li ma Abigayil wi David, na' jik gaa kay kuron gosoyo, dab voka' gaa'a vok David, girif gaa kay nagata. 24Bugolda na' gi tuwa' gaa selemu di'e: Joot van nanu, mulla vanu. Hin gorvota vaŋu daŋ va neɗe, humaŋ dita vi gorvota vaŋ humge. 25Mulla vanu, naŋ ma tun ŋalda vaŋ kay sa namna ma joon kaynɗige. Namu mi Nabal, kay nam ki selem ma tunin nala, Nabal kayn mi selemu, ɦoyta ka talamu. Sum sa naŋ cuksisna nan gorvota vaŋu iran may wisiɗi. 26Wulin kayni, mulla vanu, hay semda vi Lawn ma irina, hay semda vaŋ naŋ kaw, sa ma telaŋ kay ɦok busuwn goy kayni mi Ma-Vatɗina. A sum sa gaw kaŋŋa hiɗi nisi sa min laŋ joona muɗ ki Nabal nala muɗge. 27Naŋ ma vi vulda ta gorvota vaŋ maraŋga kayni, naŋ ma ɓurawa' tam sum sa ka hiɗi naŋu. 28Nan siɗawaŋu kay naŋ ma vul gida kay joota vi gorvota vaŋu, kay Ma-Vatɗin ma cukaŋ ziy ma ge'ɗina; vulan gida, kay naŋ durum kayni mi duura vi Ma-Vatɗina, joota sa as fa' hayaŋ noŋɗi kaw. 29La sumun yaway kulo kaŋu kay digiɗaŋu, nisi min caŋ goyo kaw, Ma-Vatɗina Lawna vaŋu ma ŋom irita vaŋ dok-doko, nam ma ŋoma' katamu, may sa gaw kaŋŋa nam ma gi irita visi goy gine hiɗi namu, ki hiɗi tiwlekŋa nala. 30Ŋaata ta Ma-Vatɗina di'e kay nam min li taŋu, hay li ma naŋ coowa haya'a, hay li ma nam tumaŋawa ŋolo kay Israyel, 31naŋ ma yor tuwaŋu lebo ci las hay dikaŋ ala, busuw ma naŋ jaŋam goyn kayn goy ɦawa'a lebo, naŋ job yaŋ kay tuwaŋ kayn kay mige naŋ ma yor tuwaŋ naɗi. Hay li ma Ma-Vatɗin li ŋaatawa tam mulla vanu, humaŋ ma gaŋ kay gorvota vaŋ gi ge.
32David di tam Abigayil: Bolda ka kay Ma-Vatɗina, Lawna vi Israyel, nam ma gag ay vaydi kay ŋaf hiɗi nanu. 33Bolda kay varta vag ta ŋaata, bolda kagu kaw, naku ti ta telan vaydi kay ɦok busuw goyo, nak ta van ɓan goyo. 34May Ma-Vatɗina, Lawna vi Israyel, nam ma telan kay lag joon ka iriya, la nak li tuwag liy koloyo kay co ŋaf hiɗi nanɗi, wulin pa ta-ta liyn fo goy grawt kayni, va mara mige kaw ma hin kuɗ Nabal mayɗi. 35Slen ma Abigayil maramna David yawam hay ɓa'a, nam di ta'a: Wulin kayni hotag vo hay ziyna vag hiɗi sle'ta; ɗuwa, nan humag vunagawa, kuɗ kayni nan vag hiɗi firita.
36Abigayil co kat Nabal, ɗuw kayni nam ka hay ziyna valam li yuldeta ki yuldeta vi mulla nala, dikam ka firi ŋolo, nam wiyiki goy noŋo kay dolayna. Na' min dum va noŋ ne'ɗi, ta-ta liyn fo goyo. 37May hay graw culumta, wiyikŋa vi Nabal vatawa, cata valam vum labara kay law ma lina. Nala Nabal dikam bulak ŋolo ki nam miti nala, dikam muɗ ki hiɗiyn nala. 38Ir ki buur doogo nala bugolda kayni Ma-Vatɗin cumu, nam mita.
39David hum ala Nabal mitiya, nam di'e: Bolda ka kay Ma-Vatɗina, ma gut kuɗanu kay ŋulda ta Nabal ŋulanu, ma tel sa ma sunda valamu kay li va ma joo'o. Ma-Vatɗin gi joota vi Nabalawa kalamu. David gi sunu kay job tam Abigayil a na' muɗ goy cata valamu.
40Sa sunda vi David co vi Abigayil hay Karmel, nisi da' ala: David cukma'ay kayn katagu, kay nam min slag ca'a. 41Na' fok kulo'o, dab voka' gaa kay nagata, ka di'e: Humaŋu, gorvota vaŋ zawni ma li lop ma muz sem sa sunda vi mulla. 42Wulini wulini Abigayil kaliya, musi kay kurota, guro-boyn kuɗa' vasl may, na' tap kuɗ sunda vi David ta nam da'ayta, na' muɗ goy cata valamu.
43David sli Ahinowam ta hay Yisreel kaw, nisi ma' kaf muɗi si boyna valamu. 44Mikal cata vi David bu' Sawul vula' mi Palti ma Gallimna, goora vi Layis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001