YouVersion Logo
Search Icon

Judas 1

1
Cartapa qallariyninmanta
1 # Mt 13.55; Mr 6.3. Jesucristo serviq hinaspa Jacobopa wawqen ñoqa Judasmi Dios Taytapa kuyasqankunaman hinaspa qayasqankunaman qellqamuykichik. Qamkunaqa Jesucristopa waqaychasqanmi kachkankichik. 2Qamkunayá chaskiychik llimparichkaq llakipayakuyninta, hawkayayninta hinaspa kuyakuyninta.
Llulla yachachikuqkunamanta
(2 Pe 2.1-17)
3Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik. 4Wakin runakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.
5 # Ex 12.51. # Nm 14.29-30. Yachachkaptikichikpas yuyarichiytam munachkani, Egiptomantam Israel runakunata Señor hurqomurqa, Diospi mana creeqkunatañataqmi wañurachirqa. 6Chaynataqmi pim kasqankutawan hinaspa maypi kasqanku wasinkuta saqeruq angelkunatapas, Diosqa tutayaypim wiñaypaq cadenarurqa hatun juicio punchawpaq. 7#Gn 19.1-24.Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa churasqa kachkanku wiñaypaq rawraq ninapi castigasqa kanankupaqmi, chaykunawan ñoqanchikpas yuyayta hapinanchikpaq.
8Chaynataqmi chay mana allin runakunapas musqoyllankuman hapipakuspanku cuerponkutapas huchawanraq qanrachanku, Señorpa atiynintapas kutipakunkum, hanaq pachapi atiyniyuqkunatapas insultankum. 9#Dn 10.13, 21; 12.1; Ap 12.7.#Dt 34.6.#Zac 3.2.Angelkunata kamachiq Miguelmi Moisespa cuerponmanta diablowan pelearqa, chaywanpas diablotaqa manam ñakarqachu, aswanqa kaynallatam nirqa: “Señoryá qaqchasunki” nispan. 10Chay runakunam ichaqa mana reqsisqankunatapas ñakaykarinku. Mana entiendekuq animalkuna hinam munasqankuta ruwanku kikinkupa mana allinninkupaq.
11 # Gn 4.3-8. # Nm 22.1-35. # Nm 16.1-35. ¡Ay, imaynaraq kanqaku! Paykunaqa Cainpa ruwasqantam qatipakuchkanku, qollqeraykum Balaam hina pantarunku, chaynataqmi Coré hina wañurunku mana kasukusqankurayku. 12Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku. 13Lamar qochapa olan pusoqarichkaq hinaraqmi paykunapa penqakuyninqa sutilla kachkan. Yanqa puriq chaskakuna hina kasqankuraykum wiñaypaq tutayayman wischusqa kanqaku.
14 # Gn 5.21-24. Paykunamantam Adanpa qanchis kaq miraynin Enocpas kaynata profetizarqa:
“Qawaychik, Señormi wara-waranqantin akllasqankunawan hamuchkan. 15Llapallan runakunata tukuy rikchaq huchakunapi purisqankumanta, millakuypaq ruwasqankumanta hinaspa paypa contranpi mana allinkuna rimasqankumanta juzgaspa condenananpaqmi hamuchkan”, nispa.
16Paykunaqa runamasinpa qepanpim rimanku, quejakuspallam purinku, kikillankupa munasqankuman hinam purinku, hatun tukuspankuraqmi rimankupas, hinaspam runakunata alabanku imatapas paykunamanta chaskirunankurayku.
Iñiqkunaman imam kunasqanmanta
17Kuyasqay wawqe-panillaykuna, Señorninchik Jesucristopa apostolninkunapa ñawpaqmantaraq kaykuna nisusqaykichiktayá yuyariychik. 18#2 Pe 3.3.Paykunam kaynata nisurqankichik:
Qepa punchawkunatam kanqa burlakuspa aychankupa munayninman hina tukuy rikchaq huchapi puriq runakuna.
19Paykunaqa rakinakuyllatam hatarichinku, aychankupa munasqantam ruwanku, paykunapiqa Diospa Espiritunpas manam kanchu.
20Kuyasqay wawqe-panillaykuna, qamkunayá ichaqa chuyay-chuyay iñiynikichikpi wiñaychik, Chuya Espiritupa yanapakuyninwanyá Diosta mañakuychik. 21Diospa kuyakuyninpiyá waqaychakuychik, Señorninchik Jesucristopa wiñay kawsaypaq kuyapayakuyninta suyaspa.
22Iskayrayaqkunatayá kuyakuywan yanapaykuychik. 23Wakinkunata ninamanta hurqochkaq hina salvaychik, wakintañataq imamantapas harkaspa kuyapayaychik, ichaqa amayá huchankuwanqa aysachikuychikchu, mana allin huchapi purispa pachakusqanku pachatapas millakuychik.
Cartapa tukuyninmanta
24Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik. 25Señorninchik Jesucristontakamayá Diosta nisunchik:
Yupaychaykikum, qamqa kanki qaynapas kunanpas wiña-wiñaypaq ancha hatunchasqam, ancha atiyniyuqmi, ancha munayniyuqmi. Amén.

Currently Selected:

Judas 1: RCHQ2

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy