Mateo 24
24
Templo tuñichisqa kananmanta
(Mr 13.1-2. Lc 21.5-6)
1Templomanta lloqsiruspa Jesús richkaptinmi discipulonkuna asuykuspanku templo imayna ruwasqa kasqanta qawachirqaku. 2Chaymi Jesús nirqa:
¿Qawachkankichikchu tukuy kaykunata? Cheqaptapunim nikichik, manam chulla rumillapas perqasqaqa qepanqachu, lliwmi tuñichisqa kanqa, nispa.
Tukupay punchawkunapa ñawpaqninta imakunam pasakunanmanta
(Mr 13.3-23; Lc 21.7-24; 17.22-24)
3Chaymantam Olivos moqoman pasarqaku, chaypi Jesús tiyaykuptinmi llapa discipulokuna sapanpi tapurqaku:
Niykuwaykuyá ¿haykapitaq kay nisqaykikuna pasakunqa? ¿Ima señaltaq kanqa kutimunaykita hinaspa kay pacha puchukananmanta yachanaykupaq? nispanku.
4Jesusñataqmi nirqa:
Allintayá cuidakuychik, yanqataq pipas pantachisunkichikman. 5Achkaqmi ñoqapa sutiypi hamunqaku: “Ñoqam Cristo kani” nispanku, hinaspam achkaqta pantachinqaku. 6Guerrakunamantawan, guerrakuna kananmantam uyarinkichik, ichaqa amam manchakunkichikchu, chaykunaqa pasakunanpunim; chaywanpas manam puchukay punchawraqchu. 7Huk nacionmi huk nacionwan peleanqa, huk munaychakuqmi huk munaychakuqwan peleanqa; muchuypas, terremotokunapas kaypi chaypim kanqa. 8Chaywanpas kaykunaqa ñakariykunapa qallariyllanraqmi.
9 #
Mt 10.22. Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik. 10Chay tiempopiqa achka runakunam iñiyninkuta saqenqaku, hinaspam hukninkumanta hukninkukama cheqninakuspa traicionanakunqaku. 11Pantachikuq profetakunam achkallaña hatarinqaku, hinaspam achkaqta engañanqaku. 12Tukuy mana allin ruwaykuna llumpayta mirarusqanraykum achkaqpa kuyakuyninpas chirirunqa. 13#Mt 10.22.Pipas tukupaykama takyaqmi ichaqa salvasqa kanqa. 14Diospa munaychakuyninmanta allin noticiam lliw kay pachapi willakusqa kanqa, chaynapi lliw runa yachananpaq, hinaptinñam tukupayqa hamunqa.
15 #
Dn 9.27; 11.31; 12.11. Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa, 16Judea lawpi kaqkunayá orqokunaman ayqechunku. 17Wasipa hawanpi kaqpas amañayá uraykamuchunchu imanpas hurqoqqa. 18#Lc 17.31.Chakrapi kaqpas amañayá pachan hoqariqpas kutichunchu. 19¡Imaynaraq kanqaku chay punchawkunapi wiksayuq otaq ñuñuq wawayuq warmikuna! 20Diostayá mañakuychik ayqenaykichikqa ama poqoy tiempopichu nitaq samana punchawpichu kananpaq. 21#Dn 12.1; Ap 7.14.Chay punchawkunapiqa hatun ñakariymi kakunqa, chayna ñakariyqa kay pachapa qallariyninmantapuni kunankamapas manam karqachu, nitaqmi haykapipas kanqachu. 22Sichum chay ñakariy punchawkuna mana asllayachisqa kaptinqa manachá pipas wañuymanta librakunmanchu. Ichaqa akllasqakunaraykum chay punchawkunaqa asllayachisqa kanqa.
23Sichum pipas nisunkichik: “Qawaychik, Cristoqa kaypim kachkan” otaq “Cristoqa wakpim kachkan”, nispa, hinaptinqa amam creenkichikchu. 24Chay punchawkunapiqa cristo tukuqkunawan profeta tukuqkunam hatarimunqaku, hinaspam admirakuypaq milagrokunatawan señalkunata ruwanqaku, chaykunawanmi Diospa akllasqan kaqkunatañapas pantachinqaku. 25Qamkunataqa ñawpaqmantaraqmi nirqaykichikña. 26Chaynaqa, sichum pipas nisunkichik: “Qawamuychik, purunpim kachkan”, nispa, hinaptinqa amam rinkichikchu; otaq: “Qawamuychik, wasipim kachkan”, nisuptikichikpas amataqmi creenkichikchu. 27#Lc 17.23-24.Imaynam llipya intipa qespimunan lawmanta lloqsispa intipa seqaykunan lawkama kancharin, chaynam runapa Churinpa hamunanpas kanqa. 28#Lc 17.37.Maypim ayapa kasqanpim ullachkukunapas huñunakunqaku.
Jesucristopa imaynam kutimunanmanta
(Mr 13.24-37; Lc 21.25-33; 17.26-30, 34-36)
29 #
Is 13.10; Ez 32.7; Jl 2.31; Ap 6.12-13. Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam. 30#Dn 7.13; Ap 1.7.Hinaptinmi runapa Churinpa señalnin cielopi rikuriykamunqa, chaymi kay pachapi llapallan runakuna llumpayta mancharikuspa waqanqaku; hinaspam runapa Churinta puyupi tukuy atiyniywan hinaspa kanchariyniywan hamuchkaqta rikuykunqaku. 31Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.
32Higos sachamanta yachachikuyta yachaychik: Kallmankuna llulluyariptinmi llaqenkunapas ikllimun, chaynapim yachankichik qoni tiempo hichpamusqanta. 33Chaynaqa, tukuy kay nisqaykuna pasakuqta qawaspaykichikmi yachankichik tukupay tiempokunaqa hichpallaña kasqanta. 34Cheqaptapunim nikichik, tukuy kaykunaqa cumplikunqa manaraqpas kay miraykuna tukuchkaptinmi. 35Hanaq pachawan kay pachapas tukurunqam, palabraykunam ichaqa wiñaypaq takyanqa.
36Ima punchawmi otaq imay horam kutimunaytaqa manam pipas yachanchu, hanaq pachapi angelkunapas manam yachankuchu, nitaqmi runapa Churinpas yachanchu, aswanqa Taytallaymi.
37 #
Gn 6.5-8. Imaynam Noeypa tiemponpi pasakurqa, chaynam runapa Churinpa kutimuyninpas kanqa. 38Chay punchawkunapim manaraq sinchi para chayamuchkaptin llapa runakuna mikukuchkarqaku, upyakuchkarqaku, casarakuchkarqaku hinaspa casarachinakuchkarqaku; arcaman Noeypa yaykunan punchawkama. 39#Gn 7.6-24.Chayna kachkaptinkum sinchi para chayaramuspan llapallankuta chinkarachirqa. Runapa Churin kutimuptinpas chaynam kanqa. 40Chay punchawpim chakrapi iskay kachkanqaku, hukninmi hoqarisqa kanqa, hukninñataqmi saqesqa. 41Iskay warmikunam molinopi kutakuchkanqaku, hukninmi hoqarisqa kanqa, hukninñataqmi saqesqa.
42Chaynaqa, rikchan-rikchanllayá kaychik, qamkunaqa manam yachankichikchu ima punchawmi Señornikichik kutimunantaqa. 43Kaytayá yachaychik, sichum wasiyuq yachanman imay horam suwa hamunanta hinaspaqa manachá puñunmanchu, chaynapi wasinta mana suwarunankupaq. 44#Lc 12.39-40.Chaynaqa, qamkunapas listollayá kaychik, runapa Churinqa mana yachasqaykichik horatam kutimunqa.
Allin sirvientemantawan mana allin sirvientemanta
(Lc 12.41-48)
45¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq? 46Mayna kusisqam kanqa sichum patronnin kutimuspa chayna ruwachkaqta tariykamuptinqa. 47Cheqaptapunim nikichik, patronninqa tukuy kapuqninkunata nanachikunanpaqñam churaykunqa. 48Ichaqa, sichum mana yuyayniyuq sirviente kaspa: “Patronniyqa haykapiraqya kutimunqapas”, nispan 49sirvientemasinkunata maqapanman chaynataq sinkakunawan mikukuspa upyakunman. 50Hinaptinqa mana yachasqan punchawpim patronnin kutiramuspan 51sinchita castigarunqa, hinaspam iskay uyakunatawan kuskata sentencianqa, chaypiqa waqakuywan kiru kirichichiyllañam kanqa, nispa.
Currently Selected:
Mateo 24: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012