3 Juan 1
1
Cartapa qallariyninmanta
1 #
Hch 19.29; Ro 16.23; 1 Co 1.14. Tukuy sonqoywan kuyasqay Gayo, cheqaptapuni kuyaqniki ñoqa ancianom rimaykamuyki.
2Kuyasqay wawqey Gayo, ñoqam munani tukuy imapipas chaninchasqa kanaykita, sano kanaykita, imaynam almaykipas allinlla kasqanta hina. 3Cheqap yachachikuykunaman hina kawsasqaykimantam iñiqmasinchikkuna hamuspanku willawarqaku, chaymi llumpayta kusikurqani. 4Ñoqaqa iñiypi churiykuna cheqap kaqpi purisqanta uyarisqaywanmi tukuy imamantapas astawanqa kusikuni.
5Kuyasqay wawqelláy, allintapunim ruwachkanki iñiqmasinchikkunata yanapaspaykiqa, karu llaqtayuqkunata yanapaspaykiqa aswan allintaraqmi ruwachkanki. 6Paykunaqa iglesiakunapa qayllanpim kuyakuynikimanta willakurqaku. Ama hina kaspaykiyá maymi illasqankupi puntaman rinankupaq imapas pisipusqankupi yanapaykuy. 7Paykunaqa Jesucristomanta willakuspankum purichkanku, Diospi mana iñiqkunamantaqa ima yanapakuytapas manam chaskiyta munankuchu. 8Chayraykum paykunamantaqa ñoqanchik nanachikunanchik, chaynapi cheqap willakuypi llamkaqmasin kananchikpaq.
Diotrefespa mana allin ruwasqanmanta
9Apachimurqanim huk cartata chaypi iglesiaman, ichaqa Diotrefesmi kamachikuyniykuta mana kaqpaqpas hapinchu, payña puntapi kayta munasqanrayku. 10Chaymi rispay paytaqa contraykupi imaymana rimasqanmanta qaqchasaq. Rimasqanwanpas mana sonqon tiyaptinmi watukamusuqnikichik wawqekunatapas mana chaskinchu, hinaspam samaykachiy munaqkunatapas harkakuspan iglesiamanta qarqon.
11Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.
Demetriomanta
12Lliwmi Demetriomanta allinta rimanku, kikinpa vidanmi Diospa munasqanman hina kawsasqanta qawachikun, chaynataqmi ñoqaykupas paypa allinninpi rimaniku, yachasqaykichikpi hinapas ñoqaykuqa cheqap rimaqmi kaniku.
Cartapa tukuyninmanta
13Achkam qanman imapas nimunay karqa, ichaqa manam cartallawanqa lliwtaqa nimuykimanchu. 14Chaymi qanwan chaylla tupaykuyta munachkani rimananchikpaq.
15Qanwanyá hawkayay kachun. Reqsinakusqanchikkunam rimaykamusunki. Ama hina kaspayá sapakama amistadninchikkunata rimaykapullaway.
Currently Selected:
3 Juan 1: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012